2 TOMU-TOMUNDO' 25:9 - KITAB NU TUMPU ALLA LELE MA'IMAI'

⁹ I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

2 TOMU-TOMUNDO' 25:9 ပူးပေါင်းရင်းမြစ်များ

AMOS 2:5

Kalana aijo', Aku mombee'imo apu mokiijo' i Yehuda ka' mompapuimo to bente-benteng nu Yerusalem.”

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

MAZMUR 79:1

Mazmur i Asaf. O Tumpu Allah, bansa anu madi' monsumbu'i Belento nonjojoongimo tano' pusaka' nu Belento. Aha nongkotonimo Laigan nu Belento, Yerusalem binaumo tambulan nu anu singkapmo na'idek.

2 TAWARIKH 36:19

Pagan mesen nu kota Yerusalem i hobo'akonnyomo ka' pinapunyomo na kota aijo', tibamo Laigan nu Tumpu ka' iwi-iwi' na laigan nu tomundo tibamo sinin na balangnyo anu mahan na olinyo anu daagi' kiijo' i iwi-iwi' i laigan nu tomundo.

1 TOMU-TOMUNDO' 9:8

Laigan ponsomban aiya timbalimo tambulan nu anu nopapu sahingga toto samian anu montulu i kiijo' tolokengkeng ka' mongoa'i mabuhuk. Aha motatae, 'Kadaka' Tumpu nombaumo susumo aijo' i lipu' ka' laigan aiya?'

YEREMIA 52:13

I Nebuzaradan nompapumo Laigan nu Tumpu, laigan nu tomundo' tiba laigan iwi-iwi' nu aha mian anu talasanggo i Yerusalem.

YEREMIA 37:10

De maluanyo belemiu moko ala ahi' mompatundu' iwi-iwi' na suludadu nu Babel sahingga anu tontuha' me anu singkap tinadokmo na belenyo ibangka'nyo nu aha iwi-iwi', panyo aha saidi' mae na totinjo mompapui sampe motanggot na kota' aiya.’ ”

YEREMIA 37:8

Lantas aha mian nu Babel tokamo mule' mae ka' montumbuhimo kota' aiya ka' mompatundu'mo ka' mompapuimo.

YEREMIA 34:22

Ku bee'imo tanda da aha po ule'mo mae minsusule' ikota' aiya, lantas montumbuhimo mae, ka' mongkuasaimo, ka' nu papumo nu aha. Sinin na kota' nu Yehuda Ku pojadimo susumo padang tampat anu mateges anu madi'mo nu jojoongi nu mian. Aku, Tumpu notataemo.”

MOHAANGI 2:7

Tumpu madi'mo nontalima mezbah-Nyo anu susi-susi' aijo' ka' nompala'imo Laigan-Nyo; pinojohok-Nyomo na sampobali' nohobo'akon pagannyo mesen iwi-iwi'. Itampat naipuan mae pogalejaan ka' mombau-bauon, sampobali' lewa'mo nolo ais kalana inguntungmo na nahampate.

MOHAANGI 1:10

Iwi-iwi' na halata'nyo ingagoanmo nu sampobali'nyo. Ia me montoa aha mompinsoopi Laigan nu Tumpu Allah, sa'angu' na kalakuan anu madi' nupobee' nu Tumpu hi mian anu ma'isa palesaya hi Ia.

YEREMIA 39:8

Hau-haunyo nombau aijo' aha mian nu Babel nompapumo laigan nu tomundo' tiba sinin na laigan nu aha mian da'isan ka' nohobo'akonmo ingko-ingkot na pagan mesen nu kota' Yerusalem.

YEREMIA 26:9

Baano hondo na beleyum montaloakon mompake atas sanggo nu Tumpu kooyum Laigan-Nyo aiya opojadimo susumo Silo ka' mule' kota' aiya ohansunimo ka' timbalimo tampat anu madi'mo daagi' ojoongi.” Lantas aku tinikubanmo nu aha mian, da'isan hondo.

YEREMIA 7:14

Jadi Laigan-Ku ota-otaha'imani nu belemiu ka' tampat anu binee'-Kumo hi mompolee' nu belemiu ka' mule' hi mompolee' nu belemiu ka' hi belemiu aiya saidi' mae Ku baumo susumo Silo naipuan mae.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 41:5

tinokamo mae na mian aha ualumpulu' lengkat mae i Sikhem, Silo, tiba Samaria. Aha nongkiismo mae jangkut nu aha, nonggea-geatmo mae baju nu aha ka' nongkudulimo mae butong nu aha. Aha nomboa mae gandum tiba kamangian da osombahkon i Laigan nu Tumpu.

YEHEZKIEL 16:41

Nu papuimo nu aha na laigan nu belemiu iwi-iwi' ka' mompokaumo to bou-boune monsakisi hukuman anu opokonamo hi belemiu. Sumo aijo' na Aku mompobelenti palabuatan nu belemiu sasaja' masala'. Beleyum madi'mo daagi' sola' mombagi-bagiakon palasen hi to sinta-sinta nu beleyum.

AMOS 6:11

De Tumpu mompalentahmo iwi-iwi' na laigan anu daka' kabai ise' nu hansunimo.

IMAMAT 26:31

kota-kota' nu belemiu Ku potimbalimo tambulan nu anu i honsuhanmo, tampat pontalakanian nu belemiu pilogot Ku honsuhimo, ka' anu okolobanakon nu belemiu madi'mo Ku talima.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

1 TOMU-TOMUNDO' 9:7

saba' Ku laa'mo na mian nu Israel anu pinalesayamo hi beleng-Ku haha aijo' da bolimo jojoong i lipu' anu binee'-kumo hi aha. Ka' mule' Ku pala'imo na Laigan aiya anu tinantukan-Kumo bau ponsomban Aku. Iyaya mae mian nu Israel saja' opopo ambang ka' okokojoi.

EZRA 5:12

Panyo kalana mompolee' mami nombaumo han anu moko pusa Tumpu Allah anu mongkuasai suluga', sahingga Ia nombee'mo aha hi kakuasa'an i Nebukadnezar, tomundo nu Babel lee' mae nu aha Kasdim. Ingideanyomo na Laigan aijo' ka' binoanyomo na bansa mami i Babel.

YESAYA 64:9

Jadi bolimo ahi' talalo motambuha' o, Tumpu, bolimo daagi' sola' monginau' dosa' mami; toa mae, na kami aiya mian anu palesayamo hi Belento.

YEREMIA 34:2

Ia nompalentahmo mae aku da mamba hi Zedekia tomundo' nu aha Yehuda ka' opoto'i sumo uuka, “Aku, Tumpu Allah nu Israel, mombee'mo kota' aiya hi tomundo' Babel ka' nu papuimo.

YEHEZKIEL 10:2

Lapas aijo' Tumpu notataemo hi aha mian anu singkap nompusok hude lenan aijo', “Pinsoopmo i olot nu bola nu loda haha aijo' anu i aluk nu malaekat haha aijo' pongala mae sangkakup na oba nu apu. Lantas okakambuhakonmo na oba aijo' ikota'.” Ia nontulutimo, ka' pinalahatikankumo.