2 TOMU-TOMUNDO' 24:3 - KITAB NU TUMPU ALLA LELE MA'IMAI'

³ Memang han aijo' tionyo ahi' jadi, kalana Tumpu nontaeakonmo tukoo-Nyo Yehuda o'alinmo madi'mo jojoong i lipu' anu binee'mo nu Tumpu hi aha. Aha o'alin kalana sinin na dosa' anu binaumo i Tomundo' Manasye;

2 TOMU-TOMUNDO' 24:3 ပူးပေါင်းရင်းမြစ်များ

KAJADIAN 50:20

Belemiu nomposa'angu'mo tanga'an sahingga mombaumo idek hi belengku, panyo Tumpu Allah nombali'imo, ka'idekan aijo' tinimbalimo ka'ima'an, da apaa na anu jinadimo naipuan mae aijo' da'isan na mian anu tumuu' uuka aiya pinosalamatmo.

2 TOMU-TOMUNDO' 17:18

sahingga Tumpu pinusamo hondo hi aha, ka' madi'mo daagi' nonginau' aha. Ingalinnyomo na aha da madi'mo jojoong i tano' anu binee'-Nyomo hi aha, anu daagi' tinontuha' me kalaja'an Yehuda.

2 TOMU-TOMUNDO' 17:20

sahingga Tumpu madi'mo daagi' nongakui iwi-iwi' na mian nu Israel. I hukum-Nyomo na aha ka' binee'-Nyomo hi anu monsampo bali' aha anu toto ue-uesan. Ia madi'mo daagi' monginau' aha, panyo ingalin-Nyomo na aha da madi'mo jojoong i tano' anu binee'-Nyomo hi aha.

2 TOMU-TOMUNDO' 17:23

Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

2 TOMU-TOMUNDO' 18:25

osangka nu belemiu kami montumbuhi ka' mompatundu' lipu' nu belemiu madi' nutulungi mae nu Tumpu! Tumpu na monsai kami montumbuhi ka' mompatei!”

2 TOMU-TOMUNDO' 21:16

Misa' ola nonsaduakonmo mian nu Yehuda binaladosa'mo hi Tumpu kalana binapilogotmo, panyo suele i Manasye nompateimo manjoo' hondo na mian anu madi' ko sala'nyo sahingga baso' no'ilimo iyaya mae i Yerusalem.

2 TOMU-TOMUNDO' 24:20

Tumpu pinusa hondo hi mian anu jojoong i Yerusalem ka' hi aha mian nu Yehuda, sahingga Ia madi'mo nongkali-kaliang aha.

2 TAWARIKH 24:24

Suludadu nu Siria madi' manjoo', panyo pinojohokmo nu Tumpu na aha da mompatundu' suludadu nu Yehuda anu lebe manjoo' aijo', kalana mian nu Yehuda madi'mo nompajuli Tumpu Allah mompolee' nu aha. Tiba jalan anu sumo aijo' na Tumpu nohukum i Tomundo Yoas.

2 TAWARIKH 25:16

“Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

YESAYA 45:7

Akumo na nompotimbali jingka tiba pintung, Aku na mompotoka mae balakat tiba balaa'. Akumo na Tumpu nonombaumo iwi-iwi' aijo'.

YEREMIA 32:31

Salatanmo pe'e kota' aiya binau miannyo nonsaduakonmo Aku da pinusamo hondo. Aku nontantukanmo da monsilakaimo aha,

YEREMIA 52:28

iwi-iwi'mo 4.600 na mian. I Nebukadnezar nomboamo aha sumo uuka na sola' nomboa: 3.023 na mian kinona itaun ko popitu'nyomo na ia nompalentah, 832 na mian anu lengkat mae i Yerusalem kinona itaun ko sampulu'nyomo ka' ualu' na ia nompalentah, ka' 745 na mian na binoa i Nebuzaradan kinona itaun ko uampulu'nyomo ka totolu' na i Nebukadnezar nompalentah.

YEHEZKIEL 22:3

Tumpu Anu Matangkas na Kuasanyo nompokaumo aku da mompoto'i potuunon sumo uuka hi aha Yerusalem, “Beleyum sinala'mo kalana nosi pateimo mian nu belemiu anu jojoong itina' manjoo' hondo ka' nohumimi'imo butong nu belemiu nononsombahmo to pilo-pilogot anu pinosi bau nu belemiu. Kalana aijo' sinaa pomputusianmo hukuman anu onabu'akon hi beleyum ohanimo mae ka' silitanyo nu beleyum mingkotmo. Beleyum Ku pojohokmo da timbali anu saja' oleetakon ka' saja' okokojoi nu to bansa-bansa ka' mule' songko-songko na lipu'.

YEHEZKIEL 24:6

Tumpu Anu Matangkas na Kuasanyo notatae, “Silakamo na kota' anu nobuke'mo nu mian anu saja'mo nompatei aijo'! Kota' aijo' sumomo ahi' kuhon anu ingatakonmo anu madi'mo toho' ginegesan. Antok nu binatang anu aijo' i unonyo toto sampadot na osangku' mae sampe mingkotmo iwi-iwi' madi'mo daagi' ko anu kiijo' i unonyo.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

MIKHA 2:10

Tinjomo ka' lako'mo i aiya madi'mo daagi' ko ka amanannyo. Iwi-iwi' na dosa' nu belemiu nompotokamo mae balaa' anu okabuhuk hondo i tampat aiya.

PO'ULE' INGULIT 28:63

Susumo Tumpu sanang na mombee'i kabilahian hi belemiu ka' montuangi da belemiu manjoo', Ia mule' sanang na monsilakai ka' mohopu'i belemiu. Belemiu po'ule' mule' osabatakon i lipu' anu madi'mo pin kajojoonganmo nu belemiu.

PO'ULE' INGULIT 29:28

Pusa nu Tumpu hi aha i lubatakon-Nyomo hondo-hondo ka' pusa-Nyo anu taha-tahahumo aijo' Ia nonsabatakonmo bansa Israel da mompala'imo tano' nu aha ka' nongalinmo aha namba i lipu' nu mian anu i salipu'an sahingga aha kiijo'mo mae.’

YOSUA 23:15

Panyo susumo Ia nombaumo batu-batu anu jinanji'-Nyomo hi belemiu, sumo aitu mule' na Ia sabole-bole mombau batu-batu anu tinanga'an-Nyomo mombaya'i belemiu.