2 TOMU-TOMUNDO' 24:14 - KITAB NU TUMPU ALLA LELE MA'IMAI'

^14-16 I Tomundo' Yoyakhin, tinanyo, to bengke-bengkele'nyo, to mia-mian anu ko pangkatnyo tiba to pola-polaya' nu Yehuda – iwi-iwi'mo 7.000 na mian anu toto pande-pande – i hakopmo ka' binoamo i Babel. Ka' suele anu toto pande-pande na mombau apa-apaa ka' tukang besak konjoo'nyo 1.000 na mian. Iwi-iwi' anu toto hoso-hoson ka' to babaani mahampate. To mia-mian lee' nu tomundo' ka' to mia-mian anu talasanggo suele binoamo i tampat pompojoongan – iwi-iwi'mo 10.000 na mian. Kinoboli' iwi-iwi'mo na mian anu jojoong i Yerusalem pinaha boamo; anu jinojoong me mian anu kasiasi hondo.

2 TOMU-TOMUNDO' 24:14 ပူးပေါင်းရင်းမြစ်များ

YEREMIA 52:28

iwi-iwi'mo 4.600 na mian. I Nebukadnezar nomboamo aha sumo uuka na sola' nomboa: 3.023 na mian kinona itaun ko popitu'nyomo na ia nompalentah, 832 na mian anu lengkat mae i Yerusalem kinona itaun ko sampulu'nyomo ka' ualu' na ia nompalentah, ka' 745 na mian na binoa i Nebuzaradan kinona itaun ko uampulu'nyomo ka totolu' na i Nebukadnezar nompalentah.

2 TOMU-TOMUNDO' 25:12

Panyo sambagian na mian da'isan anu kasiasi hondo ka' madi' ko halata' pinojoongmo kiijo' i Yehuda ka' pinalentahnyomo mombau ale' nu anggur ka' ale' sangga'at.

YEREMIA 52:16

Panyo sambagian na mian da'isan anu talalo ahi' kasiasi ka' madi' ko halata'nyo na pinojohok ahi' nu jojoong i Yehuda ka' pinalentahnyomo mombau ale' nu anggur tiba ale' sangga'at.

YEREMIA 40:7

Itomundo' Babel nohangkatmo i Gedalya binau gubernur kiijo' i Yehuda da mompalentah iwi-iwi' mian anu daagi' jinojoong i Yehuda, aijo'mo aha to mia-mian anu kasiasi hondo. Sambagian na to sulu-suludadu tiba anak buanyo nu suludadu Yehuda anu madi' tina aluk hi Babel, nohongomo i Gedalya aijo' ihangkatmo.

YEREMIA 39:10

Sambagian na aha mian da'isan anu kasiasi hondo ka' anu madi' kohalata' pinojoongmo nu aha i Yehuda ka' binee'anmo ale' nu anggur tiba tano' bau pongale'an.

YEHEZKIEL 17:14

da kalaja'an Yehuda bolimo daagi' poule' totinjo ka' mule' salaku usaha da palajanjian aijo' totu-totu'u ahi' opojalan.

YEREMIA 29:2

Sulat aijo' tinulisku salatan i Tomundo' Yoyakhin, tiba tinanyo, to mia-mian anu ko pangkatnyo ilaigan nu tomundo', tiba to mia-mian anu toto tangka-tangkas na pangkatnyo i pamalentahan Yehuda tiba i Yerusalem, to mia-mian anu monsumbu' pakalaja'an nu lima, to mia-mian anu pande mombau apa-apaa, binoamo itampat pinompojoongan.

MATIUS 1:12

Lengkat tempo'nyo mian nu bansa Israel binoa nokiijo' i Babel tinoka hi Yesus i hampe tinulis na sanggo-sanggo sumo uuka: i Yekhonya, i Sealtiel, i Zerubabel, i Abihud, i Elyakim, i Azur, i Zadok, i Akhim, i Eliud, i Eleazar, i Matan, i Yakub, i Yusuf langkai' i Maria. Ka' lengkat hi Maria aijo'mo na i Yesus i hampe anu sinanggohan i Kristus.

MATIUS 1:17

Jadi lengkat hi Abraham tinoka hi Daud, iwi-iwi' sampulu' ka' opat na lapisan nu katulunan. Lengkat hi Daud toka tempo'nyo bansa Israel binoa nokiijo' i Babel sampulu' ka' opat na lapisan nu katulunan suele. Lengkat tempo'nyo bansa nu Israel binoa nokiijo' i Babel tinoka hi Kristus i hampe suele mule' sampulu' opat ka' na katulunan.

PO'ULE' INGULIT 28:36

Belemiu ka' tomundo nu belemiu nuboamo nu Tumpu i lipu' nu mian anu i salipu'an anu madi' osumbu' nu belemiu ka' suele madi' osumbu nu mompolee' miu. Ikiijo' mae belemiu mompalesayamo to pilo-pilogot anu kau' ka' batu na binau.

1 SAMUEL 13:19

Songko-songko na aha mian nu Israel madi' ko anu monsumbu' montutuk besak, kalana aha mian nu Filistin madi'mo nompobee' aha mian nu Ibrani mombau bajak tiba talombo'.

EZRA 2:1

Manjoo' na to mia-mian anu binoa i Babel nompala'imo da'erah Babel lantas ninsusule'mo i Yerusalem ka' Yehuda, toto samian ninsusule'mo i posi kota'nyo. Aha tinumuu'mo i Babel anu pinomboan aha salatanmo pe'e aha ingato i tomundo Nebukadnezar.

ESTER 2:6

I Mordekhai toho' i hakop ka binoamo i Babel tempo'nyo Yerusalem pinatundu'mo i Nebukadnezar, tomundo nu Babel. I Mordekhai mambamo pinojoong i Babel hingga-hinggat tiba i Yoyakin, tomundo nu Yehuda, ka' mule' nanjoo' na anu i hakop sangga'at ka' binoa.

YESAYA 3:2

to suludadu anu toto babani tiba tiba to sulu-suludadu biasa, to mia-mian kopian, to mia-mian anu lewa' montahi'i ka' mule' to mia-mian anu lewa' mompokinde'i,

1 TAWARIKH 9:1

Iwi-iwi' na mian nu Israel tinulis toto sa'angu' na auwan. Daputan aijo' tinulis i kitab nu to Tomu-tomundo' Israel. Salaku bau pinohukum kalana aha nombaumo dosa', aha mian da'isan nu Yehuda binoamo i lipu' pinompojoongan.

NEHEMIA 1:2

Tempo'nyo aitu, utusku i Hanani tinokamo lengkat mae i Yehuda tiba pa' aha mae sangkuka na mian. Lantas pinokilawangkumo na aha pa' mosiamo na kalebanyo nu Yerusalem ka' aha mian nu Yehuda anu ninsusule'mo mae lengkat i Babel pipinomboan aha.

YEREMIA 28:4

Aku mule' momboamo mae i Yoyakhin anak momo'ane i Yoyakim tomundo' nu Yehuda tiba iwi-iwi' na mian da'isan nu Yehuda anu binoamo i Babel. Memang totu'u Ku lepo'imo na kahosonan nu Babel, Aku, Tumpu notataemo.”

YEHEZKIEL 17:3

anu Aku, Tumpu Anu Matangkas na Kuasanyo mompoto'imo hi aha: Daagi' ko sa'angu' na bonyia' anu daka' hondo bulunyo ma'ima' hondo ka' polipiknyo bola ka' mule' mahoson. Ia ilumahapmo nokiita' i bungkutnyo nu Libanon, nompato' londik nu sangkau na kau' lontio',