2 TOMU-TOMUNDO' 24:13 - KITAB NU TUMPU ALLA LELE MA'IMAI'

¹³ Iwi-iwi' na mosoni' anu binau i tomundo' Salomo anu opake i Laigan nu Tumpu ingideanmo i tomundo' Nebukadnezar Lantas iwi-iwi' na pakakas anu ko angga'nyo anu kiijo' i Laigan nu Tumpu ka' anu kiijo' i laigan nu tomundo' binoanyomo i Babel. Iwi-iwi' aijo' jinadimo susumo anu polo'mo pinoto'i nu Tumpu ma'isa pe'e han aijo' jinadi.

2 TOMU-TOMUNDO' 24:13 ပူးပေါင်းရင်းမြစ်များ

YESAYA 39:6

‘Saidi mae tokaje na tempo'nyo iwi-iwi na kakaya'an i uno nu laigan nu tomundo' kajo-kajojoongan nu beleyum ka' anu pinosihukmo nu mompolee' nu beleyum sampe sinaa aiya oboamo i Babel. Madi'mo daagi' ko anu tontuha'.

2 TOMU-TOMUNDO' 20:17

na tempo'nyo iwi-iwi' na kakaya'an anu atina' i laigan nu tomundo' kajojoongan nu beleyum, ka' anu i humpak nu mompolee' nu beleyum sampe sinaa aiya, saidi' mae oboamo i Babel. Madi' ko anu tontuha'.

YEREMIA 20:5

Sampobali' nu aha Ku pojohokmo da mompahuhuakon ka' mongatomo oboa i Babel iwi-iwi' na kakaya'an anu ikota' aiya, ka' mule' ingko-ingkot na halata' nu aha, ka' mule' santo paka-pakakas pusaka' nu to tomu-tomundo' Yehuda.

YEREMIA 28:6

“Ma'ima'mo! O'amalakon da apaa na anu kinila-kilamo nu beleyum aijo' ko bukutinyo ahi' ka' Tumpu totu-totu'u ahi' po ule'mo monsule'akon mae lengkat i Babel balang haha aijo' anu memang ahi' balang nu Laigan nu Tumpu tibamo aha mian iwi-iwi' anu binoamo kiijo' mae.

2 TAWARIKH 36:7

Sambagian na to bala-balang anu mahan na olinyo i uno nu Laigan nu Tumpu binoamo i Nebukadnezar ka' pino'una'nyomo i laigan nu tomundo kajo-kajojoongannyo kiijo' i Babel.

YEREMIA 17:3

ka' mule' ibawo nu bungkutnyo iwi-iwi' anu isambiha' nu kota'. Kalana iwi-iwi' na tampat anu ponsomban pilogot anu pipinotinjomo nu belemiu isongko-songko na lipu' ka' mule' kalana iwi-iwi' na dosa' anu bibinaumo nu belemiu, sahingga Ku posidamo na sampobali' nu belemiu da mongatomo sinin na halata' tiba kakaya'an nu belemiu.

YEHEZKIEL 7:21

Tumpu notataemo hi aha bansang Israel, “Ku pojohokmo na to mia-mian anu isalipu'an mae montololangi belemiu. Mian anu toto ide-idek na palabuatannyo mompahuhuakonmo halata' nu belemiu ka' mohumimi'imo.

YEHEZKIEL 23:26

Beleyum olanggo'imo ka' iwi-iwi na palahiasan nu beleyum nu agoimo nu aha.