2 TOMU-TOMUNDO' 23:8 - KITAB NU TUMPU ALLA LELE MA'IMAI'

^8-9 Iwi-iwi' na imam anu jojoong i songko-songko na kota' nu Yehuda sinaimo i Yosia da mamba i Yerusalem, lantas iyaya mae na lipu' anu i da'erah Yehuda i humimi'annyomo na mezbah haha aijo' anu lewa' ponsombahkonan nu to ima-imam koloban hi Pilogot, Imam haha aijo' madi'mo pinobee' mongatun mian anu monsombah Tumpu i Laigan nu Tumpu aijo'. Panyo aha timbali mongkaan roti anu madi' ko raginyo anu tinoukanmo bau bagi nu to sanga-sangalu nu aha. Mezbah haha aijo' anu tinuaakonmo bau ponsomban pilogot koko Sabatan Daka' i Yosua, anu mongkapalai kota' nu lipu' aijo' i hobo'akonnyomo. Sabatan daka' aijo' binau i sasu kewe' i Sabatan daka' anu Talasanggo i jalan pinsoopan mokiijo' i kota'.

2 TOMU-TOMUNDO' 23:8 ပူးပေါင်းရင်းမြစ်များ

KAJADIAN 21:14

Dodododopnyo subu-subu, binee'anmo i Abraham na i Hagar anu okaan, ka' sa'angu' na botutu kilit pinongisian uee da bau mantu ijalan. Ia nomposombung anak aijo' hi bekoang i Hagar ka' nonsaimo boune aijo' da mambamo. Lantas nambamo na i Hagar ka' jinojoongmo lewa' sinongko i padang bola Bersyeba.

KAJADIAN 21:31

Sumo aijo' na tampat aijo' sahingga sinanggohanmo Bersyeba, kalana ikiijo'mo na ua aha na mian aijo' bina sumpa'mo.

KAJADIAN 26:23

Lapas aijo' i Ishak nambamo ka' tinokamo i Bersyeba.

1 TOMU-TOMUNDO' 15:22

Lapas aijo', iwi-iwi' na mian songko-songko i da'erah Yehuda madi'ko samiannyo, pinalentahmo i Tomundo' Asa da mamba mongato batu ka' kau' anu pinake i Baesa kiijo' i Rama nompohoson kota aijo'. Batu tiba kau' haha aijo' pinakemo i Asa da mompohoson kota Mizpa tiba Geba, sa'angu' na kota i da'erah nu Benyamin.

1 TOMU-TOMUNDO' 19:3

I Elia nabuhukmo lantas nopalaimo da boli opatei. Ia nambamo tiba posaihonnyo namba i Bersyeba kiijo' mae i Yehuda. I kiijo' mae ia madi'mo nongka'oho' da susumo nabi,

1 TAWARIKH 6:60

I Da'erah tulunan mae nu aha bansa Benyamin, aha nohumpak kampung haha aiya tibamo hemputnyo: Geba, Alemet, ka' Analot. Iwi-iwi'mo 13 na kampung na bau kajojoongan nu aha sa'anakan.

YESAYA 10:29

Aha noliu liumo potaapan ka' daagi' inale' i Geba! Mian anu jojoong i kota' Rama nabuhukmo tiba aha mian anu jojoong i Gibea, kota' i Tomundo' Saul, nopalaimo.

YEHEZKIEL 44:10

Tumpu notataemo mae hi belengku, “Ku hukumo na aha mian nu Lewi anu nosangaja'mo aha mian nu Israel sangga'at, aha nohikumo Aku ka' nonsombahmo pilogot.

AMOS 5:5

Boli mamba mokiijo' i Bersyeba da mogaleja. Boli molio Aku kiijo' i Betel, kalana Betel saidi madi'mo. Boli suele mamba mokiijo' i Gilgal, kalana anu jojoong i kota' aijo' oboamo i tampat pompojoongan.”

ZAKHARIA 14:10

Songko-songko na lipu' lengkat mae i Geba sasu utara toka-toka i Rimon sasu salatan timbalimo katano'an. Panyo Yerusalem mompaka patangkasmo lebemo matangkas nu liu-liumo na tano' anu i duhu-duhuknyo; kota aijo' mompaka ewamo lengkat mae i Sabatan Daka' Benyamin toka-toka i Sabatan Daka' anu i Pasu'nyo, tampat nu Sabatan Daka' anu Momona ka' lengkat mae i Laigan tangka-tangkas Hananel toka-toka i pompao'an anggur anu i tomundo'.

TO MIA-MIAN KOPIAN 20:1

Jadi tinokamo na mian nu Israel iwi-iwi' lengkat mae i Dan sasu utara toka-toka i Bersyeba sasu selatan, tiba i Gilead sasu kabete'an, da mohongo apaa na anu i lagakon aijo'. Aha sinihukmo ka' nosa'angu'mo i Mizpa i ahop nu Tumpu.