2 TOMU-TOMUNDO' 23:7 - KITAB NU TUMPU ALLA LELE MA'IMAI'

⁷ Salipi' iwi-iwi' anu i Laigan nu Tumpu anu lewa' pasala' an nu to mia-mian masala' i Laigan ponsomban pilogot, salaku ponsomban nu aha pilogot ingideanmo. (I salipi'mo haha aijo'na to bou-boune montonun hude anu opusok monsombah Pilogot boune Asyera).

2 TOMU-TOMUNDO' 23:7 ပူးပေါင်းရင်းမြစ်များ

1 TOMU-TOMUNDO' 14:24

I tampat haha aijo'na lewa' pasala'an nu aha salaku bau ponsombah pilogot. Ka' mule' to momo'ane obee'i kalaja da mombau kalakuan masala' aijo'. Mian nu Yehuda nombaumo kalakuan anu ma'idek sumo aijo', han aijo' tiniho nu aha iwi-iwi' hi to bansa-bansa anu ila'mo nu Tumpu tempo'nyo mian nu Israel ninsoopmo ilipu' aijo'.

1 TOMU-TOMUNDO' 15:12

Iwi-iwi' na anu lewa' masala' pinojoong i tampat ponsomban pilogot i laa'nyomo, ka' iwi-iwi' na tampat bau bapilogotan anu binaumo nu to tomu-tomundo' anu nompalentahmo ma'isa pe'e kino ianyo, madi'mo pinobee'nyo i songko-songko na lipu'.

2 TAWARIKH 34:33

To pilo-pilogot anu toto henyu-henyu anu kiijo' i iwi-iwi na tampat anu minsoop da'erah nu Israel, iwi-iwi' ingideanmo i Tomundo Yosia. Lantas pinokemannyomo da iwi-iwi' na mian monsombahmo Tumpu, Tumpu Allah nu mompolee' nu aha. Sahingga tempo'nyo i Yosia daagi' tutuu', mian da'isan saja'mo sabole-bole tinulu-tulutan hi Tumpu.

YEHEZKIEL 16:16

Sambagian na pakean nu beleyum ginunakonmo nu beleyum bau pombunga-bungai tampat ponsomban pilogot nu beleyum. Beleyum tinimbalimo mian anu saja' masala' ka' nombee'mo butong nu beleyum hi to momo'ane.

YEHEZKIEL 8:14

Lantas binoa-Nyomo na aku isabatan daka' sasu utara Laigan nu Tumpu ka' pinotoa-Nyomo hi belengku na to bou-boune mohaangi Pilogot Tamus sinilakamo.

HOSEA 2:13

Aku na mohukumo ia kalana iwi-iwi na sinaa anu pinakenyomo nompapu kamangian osombahkon hi Baal, ka' binalahiasmo nu palahiasan da mololoi'mo to sindu-sindua'annyo, lantas madi'mo daagi' monginau' Aku totu-totu'u. Akumo, na Tumpu anu notataemo.”

HOSEA 4:13

I tampat-tampat ponsomban pilogot i puge'nyo ka' i bungkutnyo belemiu nonsombahkonmo koloban ka' nompapuimo kamangian i patu nu to kau-kau' anu daka' ka' hoopi' nahonnyo kalana ikiijo mae tampat anu koongon. Panyo apaa na ka'ahenannyo? To lalangkoyang nu belemiu nasala'mo, ka' to moni-monian nu belemiu boune nasala'mo!

HOSEA 4:14

Panyo Aku madi' mohukum kalakuan nu aha aijo', kalana belemiu suele nambamo hi aha anu masala', anu mokalaja i laigan bau ponsomban tominuat, ka' tiba aha mule' belemiu nonsombahkonmo koloban hi tominuat. Totu'umo na potatae aiya: Bansa anu madi' mangalati' mongkona Tumpu, madi' moko ala tatahan.

NOMBILANGMO 25:1

Hau-haunyo bansa Israel jinojoongmo i Bangka'nyo nu Sitim, to momo'ane nu aha nasala'mo tiba to bou-boune nu aha Moab anu jojoong ikiijo'.

PO'ULE' INGULIT 23:17

Aha mian Israel, mo'ane kabai boune madi' timbali mian anu masala' i tampat-tampat ponsomban pilogot.