2 TOMU-TOMUNDO' 22:9 - KITAB NU TUMPU ALLA LELE MA'IMAI'

⁹ Noko basa' ia ninsusule'mo hi tomundo' ka' nompoto'imo doi anu pino'una' i Laigan nu Tumpu aijo' ingalamo ka' binee'mo hi to posa-posaihon i tomundo', hi to mia-mian anu monjagai kalaja mompokopiani Laigan nu Tumpu.

2 TOMU-TOMUNDO' 22:9 ပူးပေါင်းရင်းမြစ်များ

2 TOMU-TOMUNDO' 18:18

Lantas aha nolobo'imo nolaga i Tomundo' Hizkia. Sahingga aha totolu' na mian anu ko pangkatnyo mokalaja hi tomundo' nosabatmo mae nonsingkaboti aha. Aha totolu' na mian anu ko pangkatnyo aijo'mo, i Elyakim anak i Hilkia kapala nu anu mongkalesang laigan nu tomundo', i Sebna gulu tulis nu negara, ka' i Yoah anak i Asaf gulu tulis i laigan nu tomundo'.

2 TOMU-TOMUNDO' 22:10

Lapas aijo' pinoto'imo i Safan, “I Hilkia nombee'mo mae kitab aiya hi belengku.” Lantas kitab aijo' binasa'mo i Safan da nu hongo i tomundo'.

2 TOMU-TOMUNDO' 22:12

Lantas pinalentahmo i tomundo' sumo uuka na koonyo hi Imam Hilkia, i Ahikam anak i Safan, i Akhbor anak i Mikha, i Safan gulu tulis nu negara ka' i Asaya anu saja' monsangalui i tomundo':

2 TOMU-TOMUNDO' 22:3

I Tomundo' Yosia ko gulu tulisnyo samian sanggonyo i Safan anak i Azalya, makumpu i Mesulam. I taun ko sampulu'nyo ka' ualu' na taun na i Tomundo' Yosia nompalentah, i tomundo' nombee'imo palentah hi gulu tulisnyo sumo uuka. “Lako' hi Imam Hilkia Imam Daka' kiijo' i Laigan nu Tumpu, ka' poto'i hi ia da nu poto'i mae pa' sangkukamo na konjoo'nyo nu Doi anu lewa'mo i limu'an nu to ima-imam anu monjaga i sabatan pinso-pinsoopan i Laigan nu Tumpu.

2 TOMU-TOMUNDO' 22:8

Jadi palentah i tomundo' pinoto'imo i Safan hi Hilkia, lantas i Hilkia nonsisikmo hi Safan tukoonyo ia nohumpakmo kitab atulan nu Tumpu i Laigan nu Tumpu. I Hilkia nombee'mo kitab aijo' hi Safan ka' binasa'mo i Safan.

2 TOMU-TOMUNDO' 25:22

Lapas aijo' i Tomundo' Nebukadnezar nohangkatmo i Gedalya anak i Ahikam lee' mae i Safan, binau gubernur i Yehuda da mompalentah aha iwi-iwi' na mian anu daagi' jinojoong kiijo' mae.

YEREMIA 26:24

Panyo uuka aiya kalana balakat tinulunganmo mae i Ahikam anak i Safan, aku i Yeremia madi'mo binee' hi aha mian da'isan da pinatean.

YEREMIA 29:3

Aku nompakatumo sulat da binoakon i Elasa anak i Safan, tiba hi Gemarya anak i Hilkia anu sinai i Zedekia tomundo' nu Yehuda namba hi Nebukadnezar tomundo' nu Babel. Sulat aijo' onyi'nyo,

YEREMIA 39:14

nongalamo aku ipopasan nu laigan nu tomundo'. Lantas aku binee'mo hi Gedalya anak i Ahikam ka' makumpu i Safan, na anu tionyo ahi' momboa aku minsusule' da madi' ko anu mompoposia. Jadi jinojoongmo na aku hi aha mian da'isan.

YEREMIA 40:11

Tempo'nyo aitu iwi-iwi' na mian nu Israel anu jojoong ilipu' Moab, Amon, Edom, tiba ilipu sangga'at nohongomo mae taalu' i tomundo' Babel nompobee'mo sambagian na aha mian nu Israel jojoong i Yehuda ka' mule' taalu' ia nohangkatmo i Gedalya binau gubernur.

YEREMIA 41:2

i Ismael tiba aha sampulu' aijo' nongkeatmo bajak nu aha ka' nompateimo i Gedalya, gubernur anu ihangkat nu aha mian nu Babel.

YEHEZKIEL 8:11

Aha pitumpulu' na to pola-polaya' nu bansang Israel daagi' ikiijo' tua-tuangmo suele ikiijo' na i Yaasaya anak i Safan. Toto samian montoongi sa'angu' na anu pinompapuanmo kamangian anu kinopuha-puhamo na tibuknyo.