2 TOMU-TOMUNDO' 22:2 - KITAB NU TUMPU ALLA LELE MA'IMAI'

² I Yosia nombaumo hahan anu momposanang kinyonyoa nu Tumpu. Ia nontihomo kalakuan i Tomundo' Daud mompolee'nyo ka' tinulutannyomo totu-totu'u na atulan nu Tumpu Allah.

2 TOMU-TOMUNDO' 22:2 ပူးပေါင်းရင်းမြစ်များ

1 TOMU-TOMUNDO' 11:38

De beleyum montiho susumo posaihon-Ku i Daud tulu-tulutan hondo hi beleng-Ku ka' mule' mombatuki iwi-iwi' na atulan-Ku ka' mule' momposanang kinyonyoang-Ku ka' mule' montuluti iwi-iwi' na anu Ku palentahkon hi beleyum, saba' beleyum saja' Ku toa ka' Ku jagai. Ku potimbalimo tomundo' na beleyum hi aha Israel. Sabole-bole lee' nu beleyum na Ku potimbali tomundo' nu aha Israel mombolosakon beleyum susumo anu binaung-Kumo hi Daud.

1 TOMU-TOMUNDO' 15:11

Susumo i Daud mompolee'nyo mae, i Asa suele momposanang kinyonyoa nu Tumpu.

1 TOMU-TOMUNDO' 15:5

Tumpu nombaumo sumo aijo' kalana i Daud nomposanangmo kinyonyoa-Nyo. I Daud madi' toho' nolanggai palentah nu Tumpu iwi-iwi', ola daagi' kino minsan palakala tiba i Uria mian nu Het aijo'.

1 TOMU-TOMUNDO' 3:6

Tinaaman i Salomo, “O Tumpu, Belento nompotoamo mae taalu' totu-totu'u ahi' na Belento mongkalibosi tuumangku i Daud, posaihon nu Belento aijo'. Ia ma'ima' ka' hodi' na kinyonyoanyo, ka' montuluti hondo Belento, Ka' salaku pombalosi nu Belento taalu' belento saja' ahi' mongkalibosi ia, belento nombee'imo ia samian na anak mo'ane anu tempo' uuka aiya nompalentahmo nombolosakon ia.

2 TOMU-TOMUNDO' 12:3

Me moko sala'nyo, tampat posomban pilogot madi' ingideannyo, sahingga mian da'isan daagi' saja' monsombahkon koloban ka' mompapu kamangian i kiijo'.

2 TOMU-TOMUNDO' 14:3

I Amazia nombaumo anu momposanang kinyonyoa nu Tumpu, panyo ia madi' sumo i Daud mompolee'nyo mae.

2 TOMU-TOMUNDO' 16:2

Tempo'nyo aitu umunnyo 20 mo na taun ka' ia nompalentah i Yerusalem 16 na taun na kinopinnyo. Ia madi' nontiho sonto' anu ma'ima' hi Tomundo' Daud, mompolee'nyo mae, panyo' ola ahi' mombau kalakuan anu madi' momposanang kinyonyoa nu Tumpu, Tumpu Allahnyo.

2 TOMU-TOMUNDO' 18:3

I Hizkia nombaumo anu momposanang kinyonyoa nu Tumpu susumo i Tomundo' Daud mompolee'nyo.

2 TAWARIKH 17:3

Tumpu nombalakatimo i Yosafat kalana apaa na anu binaumo nu tuumanyo aijo'mo na binaunyo; ia madi' monsombah Baal,

2 TAWARIKH 29:2

I Hizkia saja' nombau anu momposanang kinyonyoa nu Tumpu susumo i Tomundo Daud mompolee'nyo.

2 TAWARIKH 31:20

I songko-songko na Yehuda, pinojalanmo i Tomundo Hizkia na ka'adilan, ka' kajujunan ka' momposanang kinyonyoa nu Tumpu Allah-nyo.

2 TAWARIKH 34:1

I Yosia umunnyo 8 taunmo tempo'nyo aitu ia tinimbalimo tomundo nu Yehuda, ka' ia nompalentahmo i Yerusalem 34 na taun na kinopinnyo.

AMSAL 20:11

Palabuatan nu anak timbali osumbu' pa' kalakuannyo ma'ima' ka' madi' tageo'.

AMSAL 4:27

Opimpali na palabuatan anu ma'idek ka' tumuu' hodi' na kinyonyoa. Boli hondo-hondo mosele mompala'imo jalan anu totu'u.

ZEFANYA 1:1

I Zefanya anak i Kusyi. Lundu-lunduannyo nu tulunannyo lengkat hi Kusyi de otundun sule-sule' aijo'mo i Kusyi, i Gedalya, i Amazia tiba i Tomundo' Hizkia. Sumo uuka na potuunon nu Tumpu hi Zefanya tempo'nyo i Tomundo' Yosia anak i Amon nompalentahmo aha i Yehuda.

PO'ULE' INGULIT 5:32

To utu-utus tuluti ima-ima', iwi-iwi' na anu pinalentahkonmo nu Tumpu nu belemiu hi belemiu. Boli molanggai mau pe'e ola sa'angu' na palentah haha aijo'.

YOSUA 1:7

Ola, tionyo ahi' beleyum totu-totu'u na kinyonyoa ka' baani. Beleyum tionyo ahi' sabole-bole monginau' ka' beleyum sabole-bole ahi' montuluti atulan iwi-iwi' anu binee'mo i Musa posaihon-Ku hi beleyum, boli nu kolilimi mau ola pa' to sangkuka, da apaa na anu nu kahanda'i tionyo ahi' nu humpak.