2 TOMU-TOMUNDO' 22:17 - KITAB NU TUMPU ALLA LELE MA'IMAI'

¹⁷ Aha nohikumo Aku ka' nonsombahkonmo koloban hi pilogot sangga'at. Iwi-iwi' na anu binaumo nu aha nonsungkelekmo kinyonyoang-Ku sahingga Aku pinusamo. Aku nontambuha'imo Yerusalem, ka' tanbuha'ku aiya madi'mo ku poko sabanakon.

2 TOMU-TOMUNDO' 22:17 ပူးပေါင်းရင်းမြစ်များ

2 TOMU-TOMUNDO' 21:22

Ia madi' tinumuu' nombatuki pongka'oho' nu Tumpu, aitu pe'e ia nohikumo Tumpu, Tumpu Allah anu sinombah nu mompolee'nyo.

2 TAWARIKH 28:25

I batu-batu kota' ka kampung toto ise-ise' hi aha Yehuda ia nombaumo tampat anu lewa' ponsomban pilogot ka' pompapuian kamangian anu osombahkon hi to pilo-pilogot nu bansa sangga'at. Kalana ia nombaumo anu sumo aijo', sahingga Tumpu, Tumpu Allah nu mompolee'nyo nontambuha'imo ia.

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

NOSABATMO 32:34

Lako'mo uuka aiya, ka' boa na aha aijo' i tampat anu pinoto'ing-Kumo hi beleyum. Malaekat-Kuje na molaya' beleyum, panyo tempo'nyo memang tokamo mian haha aijo' Kuhukumo kalana dosa' haha aijo' nu aha.”

YESAYA 33:14

Aha to mia-mian baladosa' i Sion nu lakatmo nu nubuhak. Aha motataemo, “Kaputusan nu Tumpu sumo apu anu banyela-nyelakmo sampe toka sidu-sidutu'. Te daagi' ahi' komian anu moko ala tumuu' i uno nu apu anu mompateimo aijo?”

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 22:9

Lantas nu taamimo nu mian koonyo nu aha iwi-iwi' aijo' jinadimo kalana belemiu madi'mo nongganapi palajanjian nu belemiu hi Tumpu Allah nu belemiu ka' mule' nonsombahmo ka' pinalesayamo to pilo-pilogot sangga'at.”

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEREMIA 7:20

Aku, Tumpu Anu Matangkas na kuasanyo, mompotudunmo tambuha'-Ku anu opalias hondo i laigan ponsomban aiya, kona hi aha manusia, ka' mule' kona hi binatang suele ka' hi to kau-kau' ka' isi nu kuhat. Tambuha'-Ku moakmo susumo apu anu madi'mo opoko ala o'ati'i.”

MIKHA 5:13

Iwi-iwi' na tugu nu Pilogot boune, Asyera i lipu' nu belemiu Ku hobo'akonmo ka' mule' to kota-kota' nu belemiu anu ko bentengnyo Ku hansunimo.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

ZAKHARIA 1:2

Tumpu nompalentahmo aku da motatae sumo uuka hi mian anu palesayamo hi Ia, “Tempo'nyo naipuan mae Aku, Tumpu Anu Daka' na Kuasanyo notambuha'mo hondo hi mompolee' nu belemiu.

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

PO'ULE' INGULIT 32:23

Sabole-bole saja'mo Ku potoka na balaa' pana'-Ku iwi-iwi' Ku peletakonmo hi aha.

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.