2 TOMU-TOMUNDO' 21:3 - KITAB NU TUMPU ALLA LELE MA'IMAI'

³ Tampat anu lewa' ponsomban pilogot anu ingideanmo i Hizkia tuumanyo po'ule'mo binaunyo. Manjoo' na mezbah anu lewa' binaunyo bau ponsomban Baal, ka' nombaumo mule' patong Pilogot boune Asyera, susumo anu binaumo i Ahab tomundo' nu Israel. I Manasye mule' nonsombahmo to bina-binatang.

2 TOMU-TOMUNDO' 21:3 ပူးပေါင်းရင်းမြစ်များ

1 TOMU-TOMUNDO' 18:21

Lantas i Elia nokiijo'mo hi mian da'isan ka' notatae, “Sampe toka hipian na tempo'nyo belemiu daagi' sabole-bole tataap mompo'ohua' kinyonyoa? De Tumpu aijo', Tumpu Allah, osombah na Tumpu! De Baal aijo' Tumpu Allah, osombah na Baal!” Mian da'isan anu sinilimu' i kiijo' ola nomohokot.

1 TOMU-TOMUNDO' 18:26

Sahingga aha nompile'mo sa'angu' na sapi' lantas pinotoukamo nu aha. Lapas aijo' aha binalado'amo hi Baal nu aha, lengkat pe'e daagi' subu sangkutnyo tinoka sonsu'un na sinaa, ka' lewa' nolo-noloboo', “Taami mae na kami Baal!” Sumo aijo' na aha nombau ka'mule' lewa'mo nonsalelei montikubi mezbah nu aha. Panyo' madi' hondo-hondo ko anu nontaami mae.

2 TOMU-TOMUNDO' 13:6

Maumo sumo aitu mian nu Israel madi' ahi' belenti na lewa' mombau dosa' susumo anu tinampu'unanmo i Tomundo' Yerobeam. Aha saja'mo nombau to dosa-dosa' haha aijo', ka' nompojohokmo patong boune Asyera tataap i Samaria.

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

2 TOMU-TOMUNDO' 18:22

Suludadu nu Asyur anu matangkas na pangkatnyo aijo' notatae mule', “Kabai ugaat koonyo nu belemiu, belemiu montaha'imani Tumpu, Tumpu Allah nu belemiu? Tempo'nyo i Hizkia nompalentahkon da mian nu Yehuda ka' Yerusalem ola samata-mata monsombah i ahop nu mezbah kiijo' i Yerusalem, te misa anu ingideannyomo aijo'mo mezbah ka' tampat anu lewa' ponsomban Tumpu.

2 TOMU-TOMUNDO' 18:4

Tampat anu lewa' ponsomban pilogot pinaha ideannyomo, ka' pinahahobo'akonnyomo na patong-patong ka' tugu anu pinaha potinjo salaku pontandai Pilogot boune Asyera iwi-iwi' ingideannyomo. Ka' ia mule' nongideimo ulo tambaga anu binau i Musa anu osa-osanggohi i Nehus. Kalana sangkut tinoka i tempo' aitu mian nu Israel daagi' mompapui kamangian bau pongadati ulo tambaga ai-aijo'.

2 TOMU-TOMUNDO' 8:18

Ia no'osoa tiba anak i Ahab, ka' susumo apaa na anu lewa' nu bau nu aha sa'anakan mae i Ahab, ia binaladosa'mo hi Tumpu susumo to tomu-tomundo' nu Israel.

2 TOMU-TOMUNDO' 8:27

Kalana nongosoaimo aijo' sahingga i Ahazia notojulumo tiba i Tomundo' Ahab. I Ahazia binaladosa'mo hi Tumpu susumo anu binaumo i Ahab ka' aha salaigan.

2 TAWARIKH 32:12

Iamo na nongidei tampat-tampat ponsomban ka' to mezbah-mezbah ponsomban Tumpu, lantas nonsai mian nu Yehuda ka' Yerusalem monsombah ka' mompapui kamangian ola i sa'angu' na mezbah.

2 TAWARIKH 34:3

Salatan 8 taunmo na tinimbali tomundo, tempo'nyo aitu umunnyo ma'isa talalo motu'a, i Yosia nonsombahmo Tumpu Allah anu nusombah i Tomundo Daud mompolee'nyo. Salatan 4 taunmo na ia nompalentah ia nontampu'unimo lewa' nongidei iwi-iwi na tampat anu ponsomban pilogot, iwi-iwi na patong Pilogot boune Asyera ka' mule' tampat bapilogotan sangga'at.

AYUB 31:26

Madi' toho' aku nonsombah batu nu sinaa anu najingkamo ma'i-ma'ima' kabai bitu'on anu na'ima'mo hondo na jingkanyo.

YESAYA 65:11

Panyo misa' sumo aijo' na nasib nu to mia-mian anu nompala'imo Aku, anu madi' mompajuli Sion, puge'-Ku anu susi', anu monsombahkon kaanon hi Gad ka' hi Meni to pilo-pilogot nu ka'untungan ka' nasib nu mian.

YEREMIA 7:30

Aha mian nu Yehuda nombaumo palabuatan anu ma'idek. Pilogot nu aha anu singkap Ku ka'ideki aijo' pinaha po una'mo nu aha i uno nu Laigan-Ku sahingga nohenyuimo.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

PO'ULE' INGULIT 16:21

De belemiu mombau mezbah nu Tumpu Allah nu belemiu, boli mompokonai patong kau' bau bapilogotan salaku bau pontandai Asyera i sambiha'nyo,

PO'ULE' INGULIT 17:2

De belemiu mohongo daagi' ko sala'sa'angu' na kota nu belemiu daagi' ko mian binaladosa'mo hi Tumpu Allah nu belemiu kalana nolanggaimo palajanjian

PO'ULE' INGULIT 17:3

tiba palentah-Nyo kalana nonsombahmo ka' pinalesayamo hi to pilo-pilogot sangga'at kabai hi batu nu sinaa, bitu'on kabai to manda-mandala',

PO'ULE' INGULIT 20:18

Opatei na aha da aha madi' monsaduakon belemiu baladosa' hi Tumpu Allah nu belemiu, kalana aha mompogulu'mo belemiu mombau kalakuan anu ma'idek hi pilogot nu aha.

PO'ULE' INGULIT 4:19

Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.