2 TOMU-TOMUNDO' 21:12 - KITAB NU TUMPU ALLA LELE MA'IMAI'

¹² Kalana aijo' Aku Tumpu Allah anu nu sombah nu mian Israel anu pinalesayamo hi belengku, mompotokamo mae balaa' anu daka' hondo hi Yerusalem ka' hi Yehuda, sahingga toto samian anu mohongo han aijo' tolokengkengmo.

2 TOMU-TOMUNDO' 21:12 ပူးပေါင်းရင်းမြစ်များ

2 TOMU-TOMUNDO' 22:16

potatae nu Tumpu sumo uuka: “Ku hukummo na Yerusalem ka' iwi-iwi' na mian anu i kiijo' susumo anu tinulismo i kitab anu sala-sala'je binasa' i tomundo'.

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YEREMIA 19:3

Aku tionyo ahi' motatae sumo uuka, “O to tomu-tomundo nu Yehuda tiba mian anu jojoong i Yerusalem! Potombihing mae apaa na anu, Aku, Tumpu Anu Mahakuasa, Tumpu Allah nu Israel kahanda' mompoto'i hi belemiu. Ku potokamo mae na balaa' anu daka' hondo itampat aiya sahingga mian anu nohongomo tinolokengkengmo.

YEHEZKIEL 7:5

Sumo uuka na anu tinaloakonmo nu Tumpu Anu Matangkas na Kuasanyo hi bansang Israel, “Balaa' mobolo-bolosmo mae na montokai beleyum.

DANIEL 9:12

Belento momputusi kona hondo susumo anu jinanji'mo nu Belento hi kami ka' mule' hi aha anu nongkuasaimo mae kami. Yerusalem i hukumo nu Belento tala-talalo, sahanyo kota' iyayamae i dunia aiya na madi' talalo i hukum.

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

1 SAMUEL 3:11

Lantas notataemo na Tumpu hi ia, “Aku mombaumo anu opalias hi aha mian Israel, sahingga toto samian na anu mohongo bingungmo.