2 TOMU-TOMUNDO' 20:5 - KITAB NU TUMPU ALLA LELE MA'IMAI'

⁵ da po'ule' minsusule' hi Hizkia, tomundo' nu mian anu pinalesayamo hi Tumpu ka' mompoto'i potunonku sumo uuka, “Aku Tumpu, Tumpu Allah anu nusombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Ku po'alinmo na beleyum hipuan beleyum mambamo i laigan-Ku.

2 TOMU-TOMUNDO' 20:5 ပူးပေါင်းရင်းမြစ်များ

2 SAMUEL 5:2

Salatanmo pe'e naipuan mae, ka' mule' tempo'nyo i Saul daagi nompalentah kami, belentomo Tomundo' na nongkapali suludadu nu Israel de aha mambamo mahampate, ka' mule' Tumpu binalajanji'mo hi belento Tomundo' na molaya' mian anu pinalesayamo hi Ia, ka' timbaliomo tomundo' nu aha mian Israel.”

1 TOMU-TOMUNDO' 9:3

Tumpu nompoto'i hi ia, “Do'a nu beleyum i hongong-Kumo ka' tiba jalan aiya Laigan anu binaumo nu beleyum aiya, uuka aiya Ku poto'imo timbalimo tampat samata-mata bau ponsomban Aku sampe toka sidu-sidutu'. Saja'mo-Ku toa ka' Ku jagai na tampat aiya.

2 TOMU-TOMUNDO' 19:20

Lapas aijo' i Yesaya nompotuunmo hi Tomundo' Hizkia, saba' salaku pontaami do'a i tomundo'.

2 TOMU-TOMUNDO' 20:4

I Hizkia pinala'ianmo i Yesaya, panyo ma'isa pe'e ia nosabat nompala'i popasan laigan nu tomundo' anu aijo' i totonga'nyo, sinaimo nu Tumpu na ia

2 TOMU-TOMUNDO' 22:19

beleyum nompele-pele'mo ka' nangaku sinala'mo hi beleng-Ku. Pinopobuhuk-Kumo na Yerusalem na hukuman ka' mian anu jojoong i kiijo'. Ku potimbalimo na kota' aijo' sa'angu' na kota' anu okabuhuk hondo de otoa, ka' sanggo Yerusalem ku potimbalimo sanggo anu kinutukan. Panyo salatan beleyum nohongomo anu binau pinompobuhuku aijo', beleyum i humangmo ka' nombea-beakmo baju' salaku tanda sinusa'mo hondo na kinyonyoa nu beleyum. I hongong-Kumo na do'a nu beleyum,

2 TAWARIKH 13:12

Kapala mami Tumpu Allah ka' to ima-imam-Nyo aiya hi kami. Ka' aha nosadiamo mompuhi tolompet bau pontanda'i, kami montumbuhimo belemiu. O belemiu mian nu Israel, boli panggaga hi Tumpu, Tumpu Allah nu mompolee' miu! Komiu madi' untung na mahampate!”

2 TAWARIKH 34:3

Salatan 8 taunmo na tinimbali tomundo, tempo'nyo aitu umunnyo ma'isa talalo motu'a, i Yosia nonsombahmo Tumpu Allah anu nusombah i Tomundo Daud mompolee'nyo. Salatan 4 taunmo na ia nompalentah ia nontampu'unimo lewa' nongidei iwi-iwi na tampat anu ponsomban pilogot, iwi-iwi na patong Pilogot boune Asyera ka' mule' tampat bapilogotan sangga'at.

MAZMUR 107:20

Ia nompa'alinmo aha ola pinalentah-Nyo, ka' nompolapasmo aha da boli minsoop i bolo nu kubun.

MAZMUR 119:26

Aku mongakuimo palabuatanku, lantas tinaamanmo nu Belento na aku; potiju'akon mae na aku atulan nu Belento.

MAZMUR 126:5

O' amalakon da mian anu humang na motugan mompadak na montaligalaimo ahi'.

MAZMUR 147:3

Ia nompa'alinmo mian anu madi'mo ko anu opitaha-taha'imani, ka' mombobodimo iwi-iwi na bela nu aha.

MAZMUR 34:18

De maluanyo mian anu bala iman hondo, mongkakase momoita tulung, nu hongo nu Tumpu, ka' momposalamatakon aha da madi' nu kona nu iwi-iwi' na kasusa'an.

MAZMUR 39:12

Manusia kalana nu saduakon nu kasala'annyo; nu hukumo nu Belento ka' nu dokemo nu Belento susumo atak nu hansunimo nu Belento apaa na anu mingguna hi ia. Memang, manusia ola susumo opuhakon nu sawo nu manusia.

MAZMUR 56:8

Pa' daagi' mule' ko kasalamatan na aha anu lewa'mo mombau anu ma'idek? Tambuha'imo na aha ka' silakai-Mo, o!

MAZMUR 56:9

Belento nombilangmo iwi-iwi' na sinaa anu pinakengkumo lewa' namba noyaya, ka' nonsumbu'mo konjoo'nyo nu lolu'ku; pa' madi'o nu posoop i uno nu lekengan nu Belento na kasansala'anku aiya?

MAZMUR 6:10

Tumpu nompotombihingmo mae aku nongkakase ka' tinalima-Nyomo na do'angku.

MAZMUR 65:2

Konanyomo na kami mompuji' Belento, anu kiita' i Sion, o, Tumpu, ka' mongganapimo janji' mami hi Belento.

MAZMUR 65:3

Kalana Belento na mombee' mae anu kinakasemo mami i uno nu do'a; iwi-iwi' na mian tinokamo mae hi Belento kalana binaladosa'mo.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

NOSABATMO 3:9

Haang nu aha bansa Israel i hongong-Kumo, ka' tinoang-Kumo mosia na aha osansala nu bansa Mesir.

YESAYA 19:22

Nu tahutu'mo nu Tumpu na bansa Mesir, panyo lapas aijo' Nu pakuli'imo da ma'alin na aha. Aha mobalikmo mae hi Tumpu ka' Ia mohongomo do'a nu aha ka' mompo alinmo.

YESAYA 38:5

da po ule' minsusule' hi Hizkia ka' opoto'i na potuunon-Ku sumo uuka, “Aku, Tumpu, Tumpu nunu sombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Daagi' Kutuangi sampulu' ka' olima' na taun na umun nu beleyum.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

MATIUS 22:32

‘Akumo na Tumpu i Abraham, Tumpu i Ishak, ka' Tumpu i Yakub.’ Tumpu aijo' misa' Tumpu nu mian mate. Ia Tumpu nu mian tumuu'!”

LUKAS 1:13

Panyo koonyo nu malaikat aijo', “Boli mabuhuk, Zakharia! Tumpu mohongo do'aum. Bengkele'um i Elisabet tionyo mohampeakon samian na anak mo'ane. Beleyum tionyo monsanggohi ia, i Yohanes.

LUKAS 18:10

Koonyo i Yesus, “Daagi' ko ua'aha na mian anu namba i Laigan nu Tumpu da balado'a. Samian, mian nu Farisi, sangga'at mian anu topo tage hasin.

YOHANES 5:14

Lapas aijo' i Yesus siningkabotmo tiba mian aijo' i uno nu Laigan nu Tumpu, ka' notatae hi ia, “Uuka aiya beleyum ma'alinmo. Bolimo po'ule' baladosa' da boli mongoa'i anu lebe ma'idek.”

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

IBRANI 2:10

Memang konanyomo na Tumpu – anu nompotimbalimo iwi-iwi na apaa bau kapentingan-Nyo – ka' nompotimbalimo i Yesus anu momposalamat totu-totu'u, Ia nongoa'imo kasansala'an. Tiba jalan anu sumo aijo' na Tumpu nolagamo mian iwi-iwi' da suele opopodaka' tiba i Yesus. Kalana Iamo na pombuka' jalan hi aha da timbali oposalamat.

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 9:16

“Dodop subu-subu kila-kila sumo uuka aiya Ku saimo mae na samian aha tulunan mae nu bansa Benyamin monsingkaboti beleyum. Hangkatmo na ia da timbali polaya' ka' obalakati, ka' odudu'i lanya' susumo anu saja'mo obau de mohangkatmo tomundo' hi aha mian nu Israel, anu pinalesayamo hi beleng-Ku, Iamo na momposalamat mian anu pinalesayamo hi beleng-Ku da bolimo nu poposia nu aha mian Filistin. Tinoang-Kumo na kasansala'an nu aha mian anu pinalesayamo hi beleng-Ku ka' nohongomo aha i humang nomoita tulung.”