2 TOMU-TOMUNDO' 20:3 - KITAB NU TUMPU ALLA LELE MA'IMAI'

³ “O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

2 TOMU-TOMUNDO' 20:3 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 5:22

Lapas aitu kantumuu'an i Henokh saja'mo mompaha kona tiba Tumpu Allah 300 na taun na kinopinnyo. Ia nohumpak to ana-anak sangga'at,

KAJADIAN 5:24

Kalana kantumuu'an i Henokh saja'mo nompaha kona tiba Tumpu Allah, ia nolapusmo kalana binoamo nu Tumpu Allah.

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

1 TOMU-TOMUNDO' 11:4

sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

1 TOMU-TOMUNDO' 15:14

Maumo madi' iwi-iwi' na tampat ponsomban pilogot i ngidean i Asa, panyo ia sabole-bole ahi' tulu-tulutan hi Tumpu i uno nu kantumuu'annyo.

1 TOMU-TOMUNDO' 2:4

De beleyum tulu-tulutan hi Tumpu, nu ganapi na janji'-Nyo aijo'mo lee'ku na mompalentah Israel, asan aha totu-totu'u na kinyonyoanyo saja' montuluti palentah-Nyo iwi-iwi'.

1 TOMU-TOMUNDO' 3:6

Tinaaman i Salomo, “O Tumpu, Belento nompotoamo mae taalu' totu-totu'u ahi' na Belento mongkalibosi tuumangku i Daud, posaihon nu Belento aijo'. Ia ma'ima' ka' hodi' na kinyonyoanyo, ka' montuluti hondo Belento, Ka' salaku pombalosi nu Belento taalu' belento saja' ahi' mongkalibosi ia, belento nombee'imo ia samian na anak mo'ane anu tempo' uuka aiya nompalentahmo nombolosakon ia.

1 TOMU-TOMUNDO' 8:23

ka' binalado'a, “O Tumpu, Tumpu Allah nu Israel! Aita' i langit kabai aiya i Tano' madi' ko anu pokakana sumo Belento!

1 TOMU-TOMUNDO' 8:61

Tionyo ahi' belemiu, mian anu palesayamo hi Ia saja' ahi' tulu-tulutan hi Tumpu, Tumpu Allah-nto ka' montuluti atulan-Nyo iwi-iwi' susumo anu binaumo nu belemiu sinaa aiya.”

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

2 TOMU-TOMUNDO' 20:2

I Hizkia nobalikmo no ahop nokiijo' i mesen lantas ia binalado'amo.

2 TOMU-TOMUNDO' 20:4

I Hizkia pinala'ianmo i Yesaya, panyo ma'isa pe'e ia nosabat nompala'i popasan laigan nu tomundo' anu aijo' i totonga'nyo, sinaimo nu Tumpu na ia

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

NEHEMIA 13:14

O Tumpu Allah-ngku, inau'akon mae na anu binaungkumo iwi-iwi' anu binaumo kapalaluan i Laigan nu Belento ka' apa-apaa na anu obau i unonnyo.

NEHEMIA 13:22

Lantas pinokaungkumo na mian nu Lewi haha aijo' mombau adatnyo pomposusi' butong ka' monjagai sabatan daka' haha aijo' montoa ka' montewa' anu toka mae, da mian iwi-iwi' mongadati sinaa nu Sabat. Aku binalado'amo, “O Tumpu Allah, inau'akon mae na aku kalana han aijo', ka' kalibosiakon mae na aku nu kalibosan nu Belento anu talalo hondo daka'.”

NEHEMIA 13:31

Ingatunkumo mule' da toka i sinaanyo anu tinantukanmo, kau' anu oposun de monsombahkonmo koloban, oposadiamo, ka' mian da'isan tionyo ahi' momboa mae palasombahan isi nu ale' anu momona ingala i'ale'. Ahennyo aku binalado'amo, “O Tumpu Allah-ngku, inau'akon mae na aiya iwi-iwi' ka' balakatiakon mae na aku.”

NEHEMIA 5:19

Ku kakaase o Tumpu Allah, inau'akon mae na iwi-iwi' na anu binaungkumo hi bansa aiya ka' balakatiakon mae na aku.

AYUB 1:1

I tano' Us daagi' ko samian na mo'ane anu jinojoong sanggonyo i Ayub. Ia nonsombah Tumpu Allah ka' montuluti hondo Ia. Ia mian anu ma'ima' hondo na kinyonyoanyo ka' madi' hondo lewa' mombau anu ma'idek.

AYUB 1:8

Lantas pinokilawamo nu Tumpu, “Pa' totu-totu'u tinoamo nu beleyum na mianku i Ayub? I dunia aiya songko-songko madi' ko mian anu ma'ima' na kinyonyoa sumo ia. Ia monsombah Aku ka' totu-totu'u madi' lewa' mombau anu ma'idek.”

AYUB 16:20

Aku lewa' ingalu nu to sanga-sangalungku ka' kinokojoan; aku i humang na nangadap hi Tumpu Allah nomoita tulung.

AYUB 4:6

Te misa' beleyum talalo ahi' tulu-tulutan hi Tumpu Allah; te misa' kantumuu'an nu beleyum madi' ahi kinokakulangannyo? Desumo aitu, na konanyomo ahi' na beleyum totu-totu'u na kinyonyoa palesaya, ka' madi' timbali susa' na kinyonyoa.

MAZMUR 102:9

Sansina-sinaa nupopo'ambang mae nu mian anu monsampobali' mae aku; sanggongku baumo pontotobi'akon mian de mian anu mongka'ideki mae aku motambuha'mo.

MAZMUR 119:26

Aku mongakuimo palabuatanku, lantas tinaamanmo nu Belento na aku; potiju'akon mae na aku atulan nu Belento.

MAZMUR 119:49

Inau'akon mae na anu jinanji'mo nu Belento hi posaihon nu Belento aiya anu jinanji'mo aijo' timbali ku taha'imani

MAZMUR 145:18

Ia ohani hi mian anu mongkakase hi Ia, ka' mongkakase hi Ia tiba kinyonyoa anu madi' tageo'.

MAZMUR 25:7

Ampuniakon mae na dosa' ka' kasala'an tempo'nyo aku daagi' olitau, inau'akon mae na aku i uno nu kalibosan ka' kanonongan nu Belento.

MAZMUR 26:1

Mazmur i Daud. Bee'i mae ka'adilan na aku, o Tumpu, kalana kinyonyoangku hodi' hondo i uno nu kantumuu'anku. Aku montaha'imani hondo Tumpu, ka' madi' hondo bata-bata maumo ola sangkiding.

MAZMUR 26:3

Aku saja' monginau' kalibosan nu Belento, ka' saja' tulu-tulutan hi Belento.

MAZMUR 32:2

Mohumpak ka'ima'an na kantumuu'an nu mian anu palabuatannyo ma'i-ma'idek madi'mo nu palahatikan nu Tumpu ka' suele anu madi' ka'oho' mongakali.

MAZMUR 39:13

Potombihingakon mae na do'angku o Tumpu, palahatikan mae de timbali na anu ku kakase aiya; boli ola momohokot de maluanyo aku humangmo. Susumo iwi-iwi' na mompolee'ku ola sasaingoni' na aku manumpang hi Belento.

MAZMUR 6:6

Kalana de silakamo madi'mo o'inau' na Belento; madi' ko anu mompuji' Belento i dunia nu mian anu sinilakamo.

MAZMUR 6:7

Aku talalomo hondo nalawe kalana saja'mo notusa' sampahu-pahu na lolu'ku jumuju mohumpisi kahoyotanku.

MAZMUR 89:47

Hipian na kopinnyo na Belento madi'mo mae manintoa o, Tumpu? Hipian na kopinnyo na Belento motambuha' anu sumomo apu na komoaknyo?

MAZMUR 89:50

O, Tumpu, iya na tanda pontoan kalibosan nu Belento anu momonanyo mae, anu jinanji'mo nu Belento hi Daud salaku tanda kanonongan nu Belento?

YESAYA 38:14

Potataengku ko ise-ise'nyomo ka' madi'mo mahoson, susumo tomonsi' dara aku saja'mo mompele-pele'. Matangku napoe'mo na saja' monsinda langit, Tumpu pobebasakonmo mae na aku da madi'mo susa' susumo aiya.

YESAYA 63:11

Lantas tinonginau'mo tempo'nyo naipuan mae tempo'nyo i Musa, posaihon nu Tumpu. Aha nompokilawamo, “Iyamo mae na Tumpu anu nolaya'mo to pola-polaya' nu aha mian anu pa lesayamo hi Ia notulu i ambai? Iyamo mae na Tumpu anu nombee'mo kuasa-Nyo hi aha?

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

AMOS 5:4

Tumpu notatae hi mian nu Israel, “Pinsusule'mo mae hi beleng-Ku, da belemiu timbali tumuu'.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.