2 TOMU-TOMUNDO' 20:12 - KITAB NU TUMPU ALLA LELE MA'IMAI'

¹² Tempo'mo aitu na i tomundo' Babel, aijo'mo i Merodakh-Baladan anak i Baldan nohongomo lele i Tomundo' Hizkia sala'je na'alin i sakitnyo. Sahingga ia nonsaimo mian da momboa sulatnyo ka' palasen obee' hi Hizkia.

2 TOMU-TOMUNDO' 20:12 ပူးပေါင်းရင်းမြစ်များ

KAJADIAN 10:10

Momona kalaja'annyo monsongkohi Babel, Erekh ka' Akad, toto-totolu' aijo' i tano' Babilonia.

KAJADIAN 11:9

Kalana aijo', kota aijo' sinanggohanmo Babel, kalana ikiijo' Tumpu nompotabuntala'mo basa' nu aha iwi-iwi' na basa', ka' lengkat ikiijo' aha gina'a-ga'atakonmo nu Tumpu nobagi-bagimo namba i songko-songko na dunia.

2 SAMUEL 10:2

Lantas notataemo na i Tomundo' Daud, “I Nahas bela'ku anu manonong hondo. Jadi aku mule' tionyo mobela'mo ahi' tiba i Hanun anaknyo.” Kalana aijo' i Daud nonsaimo mian namba ilipu' Amon da mohase i Hanun kalana tuumanyo sinilakamo.

2 SAMUEL 8:10

Sahingga ia nonsaimo anaknyo momo'ane i Yoram da mamba mompotokakon salando'anyo hi Tomundo' Daud ka' mompotoka suele talima kase kalana ia inguntungmo na nahampate kalana i Hadadezer toho'mo nahampate tiba i Tou. I Yoram nambamo hi Daud nomboa mosoni' manjoo' hondo bau palasen ka' mule' tambaga tiba salaka.

2 TAWARIKH 32:25

Panyo kalana ia sinombongmo, ia madi'mo nontalima kase hi Tumpu kalana na'alinmo na ia. Kalana aitu tinambuha'anmo nu Tumpu na Yerusalem ka' Yehuda.

2 TAWARIKH 32:31

Ka' tempo'nyo to mia-mian anu sinai mae lengkat i Babel tinoka nompokilawa mosia ka' po'ule' na'alin, kalana ia na'alin aijo' memang okahelani hondo, Tumpu nompojohokmo i Hizkia mosi batanga' da o uji' na kinyonyoanyo.

YESAYA 13:1

Aiya na potuunon nu Tumpu anu tinalima i Yesaya anak i Amos mongkona Babel:

YESAYA 13:19

Babel aijo' ma'ima'an hondo ka' binaumo katalasanggoan nu aha anu jojoong ikiijo'. Panyo Aku, Tumpu, mohansunimo ia susumo anu binaung-Kumo hi Sodom tiba hi Gomora.

YESAYA 14:4

De nu posidamo nu Tumpu na aijo' nu alumo nu aha na itomundo' Babel sumo uuka, “Tomundo' anu buhingison pinatundu'mo! Ia madi'mo daagi mombee'i mae pakalaja'an anu monsakisa.