2 TOMU-TOMUNDO' 2:8 - KITAB NU TUMPU ALLA LELE MA'IMAI'

⁸ I Elia nongukatmo juba'nyo lantas kinumukumnnyomo ka' sinapahakonnyomo i kaunyo aijo'. Sahingga uee nu kaunyo aijo' nobagimo ohua', jadi ia tiba i Elisa jinumalanmo i lananyo anu no'otimo aijo'.

2 TOMU-TOMUNDO' 2:8 ပူးပေါင်းရင်းမြစ်များ

1 TOMU-TOMUNDO' 19:13

Salatan i hongomo i Elia na potatae aijo', kinukubannyomo na ohupnyo nu juba'nyo lantas ia nosabatmo mae i liang aijo' ka' tinuminjomo inganga' nu liang aijo' lantas nohongomo potatae nontaloakon, “Elia, apaa na nubau i aiya!”

1 TOMU-TOMUNDO' 19:19

Jadi nambamo na i Elia da mompahakabot tiba i Elisa anu hau-haunyo mompajeko. Sampulu' ka' ohua' na pan na sapi' aita' momona nu tuntuni, ka' i Elisa mompajeko sapan na sapi' akaong mae mihi-mihinyo. Salatan i Elia nontulumo koko hi Elisa, ingukatmo i Elia na juba'nyo ka' pinosalabombonyomo i bikoang hi Elisa.

2 TOMU-TOMUNDO' 2:14

lantas sinapahakonnyomo na juba' i Elia aijo' i uee ka' notatae, “Iyamo mae na Tumpu, Tumpu Allah i Elia aijo'?” Salatan sinapahakonnyomo na juba' aijo' i uee nu kaunyo aijo' ueenyo ai-aijo' nobagimo ohua' lantas ia i lumajangmo nokiijo' i santoanyo.

NOSABATMO 14:29

Panyo tempo'nyo aha mian nu Israel notulumo i lananyo nu ambai noti-notiismo, aha i lumajang uee sumomo mesen anu matangkas i kowi ka' koanan.

YESAYA 11:15

Tumpu mompo'otimo Leoknyo nu Suez. Ia mompojadimo mae tempo nu posinaa sahinga mombunnyo tobungmo lantas Kaunyo nu Efrat mobagi-bagimo timbalimo popitu' na sepe'nyo nu uee anu toto lese-lese, ka' batu-batu mian timbalimo motaap mompake sapatu.

IBRANI 11:29

Kalana bala'iman, sahingga to mia-mian nu Israel noko potaap i Ambai Momea', sumomo aha i lumajang i bawo nu tano' kantisan, padahan to mia-mian nu Mesir i lonyomo nu ambai aijo' tempo'nyo aha suele nompisoba notaap.

IBRANI 11:37

Aha pinahambunu'akon nu batu sampe sinilaka, daagi' mule' ko anu kinolong nu galagaji, ka' anu pinatean nu bajak. Aha anu namba momoya, ola mibaju' nu kilit nu domba kabai kilit nu mee'; aha kasiasi, okabisa'i, ka' osakisa.

ANU PINOTO'I HI YOHANES 16:12

Lapas aijo' malaikat ko anomnyo nombubusakonmo isi nu tampat aijo' i Kaunyo nu Efrat anu daka' aijo'. Jadi kaunyo aijo' noti'imo sahingga to tomu-tomundo anu lengkat mae i sasu kabete'an noko alamo i lumajang nontulu i kiijo'.

1 SAMUEL 28:14

Pinokilawamo i Saul, “Mosia na butongnyo?” Tinaamannyo, “Samian na mo'ane anu ilangkai'mo. Ia i lubat mae nompusok juba'.” Sahingga sinumbu'mo i Saul, na santuu' nu mian aijo' taalu' i Samuel ka' tinolodadupumo na ia nongadati.