2 TOMU-TOMUNDO' 2:6 - KITAB NU TUMPU ALLA LELE MA'IMAI'

⁶ Lapas aijo' notataemo na i Elia hi Elisa, “Jojoongmo i aiya. Aku sinaimo nu Tumpu da mambamo i kaunyo Yordan.” Panyo' tinaaman i Elisa, “I uno nu sanggo nu Tumpu anu tuumu' ka' kalana nyawa nu belento Tuumangku, aku madi' mompala'i belento Tuumangku.” Jadi aha lau-lausmo namba i Kaunyo Yordan,

2 TOMU-TOMUNDO' 2:6 ပူးပေါင်းရင်းမြစ်များ

KAJADIAN 22:6

I Abraham nomposimbumo kau' anu bau pompaui koloban aijo' hi bekoang i Ishak, ka' ia nomboamo piso' ka' oba nu apu bau pomposuni kau'. Salatan aha i lumajangmo hingga-hinggat,

KAJADIAN 22:8

Tinaaman i Abraham, “Posi Tumpu Allahje na montoukai anak nu domba aijo'.” Lantas ua-ua'aha i lumajangmo lau-laus.

2 TOMU-TOMUNDO' 2:2

Ka' i olot nu jalan i Elia notataemo hi Elisa, “Jojoongmo i aiya. Aku sinaimo nu Tumpu da mamba i Betel.” Panyo tinaaman i Elisa, “I uno nu sanggo nu Tumpu anu Tuumu' ka' kalana nyawa nu belento Tuumangku aku madi' mompala'i belento Tuumangku.” Jadi aha lau-lausmo namba i Betel.

2 TOMU-TOMUNDO' 4:30

Boune aijo' notataemo, “Kita Tuumangku Elisa! I uno nu sanggo nu Tumpu anu tuumu' ka' kalana nyawa nu belento Tuumangku, aku madi' mompala'i kita Tuumangku!” Kalana aijo' nambamo na i Elisa hingga-hinggat tiba boune aijo' i laigannyo.

YOSUA 3:8

Uuka aiya palentahmo na to ima-imam anu molemban Peti' Palajanjian aijo', da salatan tokamo na aha i kaunyo aha lumolongmo i kaunyo aijo' ka' tuminjo koko sonibinyo.”

I RUT 1:16

Panyo tinaaman i Rut, “O Tinangku, boli belento Tinangku monsai aku da minsusule'mo ka' mompala'imo kita Tinangku. Aku mombatukimo kita Tinangku. Mau mule' pa' moya na belento Tinangku mamba, ku batukimo. Mau mule' pa' iya na kajojoongan nu belento Tinangku, ikiijo'mo suele na kajojoonganku. Bansa nu belento Tinangku, aijo'mo na bansangku. Tumpu Allah anu osombah nu belento Tinangku, aijo'mo suele na ku sombah.

1 SAMUEL 1:26

I Hana notataemo hi Eli, “Ampun kita Tuumangku. Ugaat daagi osumbu' nu belento na aku kita Tuumangku aku tinuminjo' i aiya balado'a hi Tumpu.

1 SAMUEL 20:3

Tinaaman i Daud, “Tuuma nu beleyum nonsumbu'mo hondo saba' beleyum mongkalibosi hondo aku. Jadi tantu ia madi' mongka'oho' mompoto'i han aijo' hi beleyum da beleyum boli susa' na kinyonyoa. Maumo pa' mosia, Tumpu anu tumuu' na monsumbu' kantumuu'anku aiya totu-totu'u sumomo nggalau' i tuntungnyo nu tanduk!”