2 TOMU-TOMUNDO' 2:4 - KITAB NU TUMPU ALLA LELE MA'IMAI'

⁴ Lapas aijo' notataemo na i Elia hi Elisa, “Jojoongmo i aiya aku sinaimo nu Tumpu da mambamo i Yerikho.” Panyo tinaaman i Elisa, “I uno nu sanggo nu Tumpu anu Tuumu' ka' kalana nyawa nu belento Tuumangku, aku madi' mompala'i belento Tuumangku.” Jadi aha lau-lausmo namba i Yerikho.

2 TOMU-TOMUNDO' 2:4 ပူးပေါင်းရင်းမြစ်များ

1 TOMU-TOMUNDO' 16:34

Tempo'nyo i Ahab nompalentahmo, kota Yerikho po'ule'mo binau i Hiel mian nu Betel. Panyo' susumo anu pinoto'imo nu Tumpu ma'isa pe'e kino ianyo anak i Nun da opoto'i hi Hiel, tukoo-Nyo anaknyo ohu-ohua': i Abiram anu tumpe-tumpenyo silakamo de i Hiel mompotinjomo pundasi nu kota' ka' i Segub anu tatampalui'nyo silakamo, de i Hiel mompokonamo tumban nu sabatan daka' nu kota aijo'.

2 TOMU-TOMUNDO' 2:2

Ka' i olot nu jalan i Elia notataemo hi Elisa, “Jojoongmo i aiya. Aku sinaimo nu Tumpu da mamba i Betel.” Panyo tinaaman i Elisa, “I uno nu sanggo nu Tumpu anu Tuumu' ka' kalana nyawa nu belento Tuumangku aku madi' mompala'i belento Tuumangku.” Jadi aha lau-lausmo namba i Betel.

2 TOMU-TOMUNDO' 4:30

Boune aijo' notataemo, “Kita Tuumangku Elisa! I uno nu sanggo nu Tumpu anu tuumu' ka' kalana nyawa nu belento Tuumangku, aku madi' mompala'i kita Tuumangku!” Kalana aijo' nambamo na i Elisa hingga-hinggat tiba boune aijo' i laigannyo.

LUKAS 19:1

Salatan i Yesus tinokamo i Yerikho, Ia i lumajangmo lau-laus so' noliu-liu kota aijo'.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 2:42

Totu-totu'u na aha saja' binalajan hi to rasul-rasul, ka' saja' silimu' hingga-hinggat. Aha nongkaan hingga-hinggat ka' balado'a hingga-hinggat.

YOSUA 6:1

I kota Yerikho iwi-iwi' na sabatan daka' nu kota jinagaanmo totu-totu'u ka' tinumbanmo hoso-hoson da aha mian nu Israel madi' moko ala minsoop. Madi' timbali ko samian pe'e na anu opobee' minsoop kabai mosabat i kota aijo'.

YOSUA 6:26

Tempo'nyo aijo' i Yosua nompoto'imo palentah madi' mompobee' sumo uuka, “Maumo pa' ihe na ko kahanda' po'ule' mombau kota aiya, mohumpak kutuk nu Tumpu. Ihe na mombau mesennyo bau pompotinjoan kota aiya anaknyo tumpe sila kamo; ka' ihe na mombau sabatannyo anu to daka-daka', anaknyo tampalui' silakamo.”

I RUT 1:16

Panyo tinaaman i Rut, “O Tinangku, boli belento Tinangku monsai aku da minsusule'mo ka' mompala'imo kita Tinangku. Aku mombatukimo kita Tinangku. Mau mule' pa' moya na belento Tinangku mamba, ku batukimo. Mau mule' pa' iya na kajojoongan nu belento Tinangku, ikiijo'mo suele na kajojoonganku. Bansa nu belento Tinangku, aijo'mo na bansangku. Tumpu Allah anu osombah nu belento Tinangku, aijo'mo suele na ku sombah.

1 SAMUEL 1:26

I Hana notataemo hi Eli, “Ampun kita Tuumangku. Ugaat daagi osumbu' nu belento na aku kita Tuumangku aku tinuminjo' i aiya balado'a hi Tumpu.