2 TOMU-TOMUNDO' 19:7 - KITAB NU TUMPU ALLA LELE MA'IMAI'

⁷ Nu bauje nu Tumpu hi tomundo' Asyur da mohongo sa'angu' na lele anu madi' totu'u sahingga ia ninsusule'mo i kampungnyo ka' i kiijo' mae ia opateimo.”

2 TOMU-TOMUNDO' 19:7 ပူးပေါင်းရင်းမြစ်များ

2 TOMU-TOMUNDO' 19:28

Ku sumbu' na beleyum pinusamo hondo hi belengku, ka' i hongong-Kumo na beleyum talalomo kinobubu. Uuka aiya Ku pokonaimo kait i sung nu beleyum ka' tambang i nganga' nu beleyum da ku hela' na beleyum minsusule' po'ule' montulu jalan anu tinuluanmo mae nu beleyum.”

2 TOMU-TOMUNDO' 19:33

I Tomundo' Asyur minsusule' montulumo jalan anu tinuluannyomo mae tempo'nyo u'utu ia tinoka mae madi' pilenje minsoop i kota' aijo'. Aku Tumpu, notataemo,

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

2 TAWARIKH 32:21

Lantas sinaimo nu Tumpu na nabi samian nompatei to sulu-suludadu nu aha Asyur ka' mule' to sulu-suludadu anu toto tangka-tangkas na pangkatnyo nu aha Asyur haha aijo'. Kalana talalomo hondo na'ambang na i tomundo Asyur sahingga ia ninsusule'mo i lipu'nyo. Daagi' kino sansinaan ia hau-haunyo kiijo' i laigan nu pilogotnyo, pa' aha sangkuka na anaknyo tinokamo mae nompatei ia nu bajak.

AYUB 15:21

Onyi' anu okabuhuk hondo momposiingmo bihingnyo; de madi'mo ko anu lewa' o'inau' na apa-apaa an mompopobuhuk, tololang tokamo mae montongkali.

AYUB 4:9

Susumo bokon daka', sumo aitumo na Tumpu Allah mompatei aha, sahingga mohopu'mo iwi-iwi'!

MAZMUR 11:6

Mian anu ma'idek na kinyonyoa-Nyo nu hukum nu balaa' nu Tumpu, tiba apu, belelang, ka' mombun anu montoyo'i.

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

MAZMUR 94:23

Ia mohukumo mian anu ma'idek na kinyonyoanyo sitimbang tiba palabuatan ma'idek anu binaunyomo, ka' mompomomo'mo nganga' nu aha kalana dosa' nu aha. Tumpunto mompomomo'mo nganga' nu aha.

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YEREMIA 49:14

Aku, i Yeremia motatae, “O, Edom, aku nontalimamo lele lengkat mae hi Tumpu. Ia nompokaumo mian hi to bansa-bansa da mo palentah aha momposihuk suludadu ka' bagalagimo montumbuhi beleyum.

YEREMIA 51:1

Tumpu notatae, “Ku palentahmo na mombun anu mongidei anu tobung mamba i Babel ka' mamba hi mian anu jojoong ikiijo'.

YEREMIA 51:46

Boli mabuhuk kabai bata-bata kalana mohongomo lele anu lewa' nu sisik nu mian. Sataun toka sataun togi lelemo na lele anu madi' pokakana – lele nu kabuhingison i posi lipu'to, tiba lele nu to tomu-tomundo' anu mahampatemo samian tiba samian.

OBAJA 1:1

Sumo uuka na anu kinila-kila i Obaja; ia nompotokamo potuunon nu Tumpu Anu Matangkas na kuasanyo mongkona bansang Edom: Tumpu nonsaimo mian anu sinai-Nyo hi to bansa-bansa ka' kita nohongomo potuunon anu binoanyo nu aha sumo uuka, “Posadiamo saba' mahampatemo! Imbo' kita mambamo montumbuhi Edom.”