2 TOMU-TOMUNDO' 18:7 - KITAB NU TUMPU ALLA LELE MA'IMAI'

⁷ Mokonyo' aijo' saja' Tumpu montulungi ia, sahingga apa-apaa na anu nu bau saja' mingkaliangan. Ia nongewamo i tomundo' Asyur, ka' madi' nongka'oho' tinulut hi ia.

2 TOMU-TOMUNDO' 18:7 ပူးပေါင်းရင်းမြစ်များ

KAJADIAN 21:22

Tempo'nyo aitu i Tomundo Abimelekh ka' i Pikhol, kapala nu suludadunyo tinokamo hi Abraham ka' notatae, “Tumpu Allah nontulungimo beleyum i uno nu iwi-iwi' na han anu nu bau.

2 SAMUEL 8:14

Ia nombaumo kemah da bau kajojoongan nu suludadunyo i songko-songko na Edom, ka mian nu Edom iwi-iwi' tinulutmo hi ia. Tumpu saja'mo nompo untung i Daud mahampate maumo pa' iyaya mae.

2 SAMUEL 8:6

Lapas aijo' i Daud nombaumo kemah da bau kajojoongan nu to sulu-suludadunyo i da'erah nu aha ka' aha mule' tinulutmo ka' nombayanmo hasin hi ia. I Daud saja'mo pino untung nu Tumpu na nahampate maumo pa' iyaya mae.

2 TOMU-TOMUNDO' 16:7

I Ahas nonsaimo mian namba hi Tiglat-Pileser tomundo' nu Asyur, pinotuunyo sumo uuka, “Aku posaihon nu belento anu tulu-tulutan; kalana aijo' ku poita sabole-bole hondo toka mae potuu'akon na aku da boli nupatei i tomundo' Siria ka' i tomundo' nu Israel anu nontumbuhimo mae aku aiya.”

2 TOMU-TOMUNDO' 17:3

Ia pinahampateakon ka' pinatundu'mo i Salmaneser tomundo' nu Asyur sahingga sataun toka sataun ia tionyo ahi' mombayan hasin hi ia.

2 TOMU-TOMUNDO' 18:14

Sahingga hi Sanherib anu jojoong kiijo' mae i Lakhis, pinotunmo i Hizkia sumo uuka: “Aku sinala'mo. Kalana aitu ku kakase de timbali bolimo mae belento Tuan montumbuhi kami. Iwi-iwi' na anu opoita nu belento Tuan, tionyo ahi' ku bee'.” Binalosan i Sanherib tukoonyo hi Hizkia, tionyo ahi' mompakatu hi ia 10.000 kilogram na salaka ka' mosoni 1.000 kilogram.

2 TOMU-TOMUNDO' 18:20

Pa' koyum ola potatae na timbalimo sumomo kapandean ka' kahosonan nu suludadu? Ihemo na nu taha'imani, sahingga beleyum baanimo na mongewa Asyur?

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 31:21

Apa-apaa na anu tinanga'annyomo obau, pinoko ala nyomo binau kalana kapentingan nu Laigan nu Tumpu ka' mule' montuluti to atu-atulan nu Tumpu, binaunyomo nu kinyonyoa totu-totu'u kalana ia totu-totu'u mongka'ima'i Tumpu Allah-nyo.

2 TAWARIKH 32:30

I Tomundo'mo Hizkia aijo' na nongompok mata nu uee nu Gihon ka' ingiliakonnyo namba i kota' Yerusalem pinojalannyo i pipa i uno nu tano'. Iwi-iwi' na anu binau i Hizkia aijo' saja' tinimbali.

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 60:12

O, Tumpu, pa' madi' na Belento mamba hingga-hinggat tiba kami? Pa' madi' na Belento mamba mahampate tiba suludadu mami?

YESAYA 33:6

ka' mombee'i ka amanan hi aha mian anu palesayamo hi Ia. Halata' anu momposalamat aha aijo'mo kapandean tiba ilimu' ka' mule' moholomati Tumpu.

YESAYA 36:5

Pa' kooyum mau ola motatae moko alamo mombolosakon kapandean tiba kahosonan nu suludadu? Ihe na nu takabunakon sahingga beleyum baanimo na mongewa mae Asyur?

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

1 SAMUEL 18:14

Ia saja mingkaliangan de mompojalanmo kalajanyo kalana Tumpu na montulungi ia.

1 SAMUEL 18:5

Anu pinalentahkon i Saul binaumo iwi-iwi' i Daud totu-totu'u. Kalana aijo' i Daud ihangkatmo i Saul binaumo kapala nu suludadu ka' i Daud nu ka'i ma'i nu aha to sulu-suludadu iwi-iwi' ka' mule' to posa-posaihon i Saul.