2 TOMU-TOMUNDO' 18:6 - KITAB NU TUMPU ALLA LELE MA'IMAI'

⁶ Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

2 TOMU-TOMUNDO' 18:6 ပူးပေါင်းရင်းမြစ်များ

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

2 TOMU-TOMUNDO' 17:19

To mia-mian nu Yehuda suele madi'mo nontuluti iwi-iwi' na atulan nu Tumpu, Tumpu Allah nu aha. Aha lewa'mo mombatuki kabiasa'an nu mian Israel,

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

YESAYA 38:3

“Tutugiakon mae na aku aiya nontulutimo hondo-hondo Belento nu kinyonyoangku anu sahodi-hodi'nyo. Aku saja'mo binala usaha nontuluti pongka oho' nu Belento.” Lantas i Hizkia ihumangmo ka' talalomo hondo nolibos.

YEREMIA 11:4

Palajanjian-Ku aijo' binaung-Kumo tiba mompolee' nu aha salatan pe'e aha binoang-Kumo nosabat lengkat i Mesir lipu' anu susumo nalaka hi aha. Pinalentah-ngKumo na aha da montuluti Aku ka' mombau sinin na anu pinalentahkon-Kumo. Uuka aiya suele pinoto'ing-Kumo hi aha mian nu Yehuda tiba hi aha mian anu jojoong i Yerusalem taalu' de aha montuluti Aku aha timbalimo mian anu palesayamo hi belengku ka' Akumo ahi' na Tumpu Allah nu aha.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 10:20

O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

YOSUA 23:8

Ola ahi' tionyo belemiu sabole-bole montuluti Tumpu, susumo anu binaumo nu belemiu sangkutnyo uuka aiya.

1 YOHANES 5:3

Kalana mongkalibosi Tumpu alati'nyo tulu-tulutanmo i palentah-Nyo iwi-iwi'. Ka' palentah-Nyo iwi-iwi' madi' maboat hi kita,