2 TOMU-TOMUNDO' 18:5 - KITAB NU TUMPU ALLA LELE MA'IMAI'

⁵ Kalana aha, to tomu-tomundo' iwi-iwi' i Yehuda mau anu ma'isa pe'e kino i Hizkianyo kabai anu nombolosakonje ia madi' ko anu pokakana sumo ia. Ia palesaya hi Tumpu, Tumpu Allah nu aha Israel, ka' tulu-tulutan hi Ia.

2 TOMU-TOMUNDO' 18:5 ပူးပေါင်းရင်းမြစ်များ

2 TOMU-TOMUNDO' 18:19

Samian na suludadu nu Asyur anu matangkas na pangkatnyo aijo' hi aha notataemo hi aha, “Poto'i hi Hizkia na potatae nu tomundo' Asyur sumo uuka: Kadaka' beleyum monsangka au'aitu butong nu beleyum nahosonmo?

2 TOMU-TOMUNDO' 19:10

Sumo uuka na onyi' nu sulat aijo', “Boli nu akali nu palajanjian nu Tumpu Allah anu otakabunakon nu belemiu aijo', au'aitu belemiu madi' ku poko ala kupatundu'.

2 TOMU-TOMUNDO' 23:25

Ma'isa toho' ko tomundo' susumo i tomundo' Yosia anu palesaya hondo hi Tumpu, tiba mule' totu-totu'u na kinyonyoanyo ka' aijo' otoa i langkasnyo ka' kalakuannyo, madi' sala' tiba atulan anu i uno nu kitab i Musa. Salatan i Tomundo' Yosia madi'mo nompalentah, madi'mo daagi' kino tomundo anu sumo ia.

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

2 TAWARIKH 20:35

Daagi' kino sansinaan i Yosafat tomundo nu Yehuda nobela'mo tiba i Ahazia tomundo nu Israel, anu nombaumo manjoo' hondo na anu ma'idek.

AYUB 13:15

Aku sabinmo, kalana madi'mo ko anu otaha'imani! De nu silakaimo nu Tumpu Allah na aku, ku halala'akonmo na butongku aiya, panyo ku poto'i ahi' na kahondoan nu kalakuanku i ahop-Nyo.

MAZMUR 13:5

Boli opojohok mae na sampobali'ku motatae tukoonyo aha nohungku'imo mae aku. Boli opojohok mae na aha mongkokojoi mae aku.

MAZMUR 84:12

Kalana Tumpu na monjagai kita ka' tomundo' anu talasanggo hondo, anu mongkalibosimo mae kita ka' i hangkatnyomo na sanggonto. Ia saja' montalima maumo pa'apaa asan anu ma'ima' na opoita kona hi mian anu kantumuu'annyo madi' ko anu ma'idek.

YESAYA 36:7

Suludadu nu Asyur mata-matangkas na pangkatnyo aijo' notatae mule', “Kabai ugaat belemiu notataemo, koonyo nu belemiu, belemiu montaha'imani Tumpu nu belemiu? Tempo'nyo i Hizkia nompalentahmo da aha mian nu Yehuda tiba aha mian nu Yerusalem ola ahi' monsombah Tumpu i, ahop nu mezbah anu daagi i Yerusalem, temisa' anu ingideannyo aijo' mezbah ahi' tiba iwi-iwi na tampat ponsomban Tumpu?

YESAYA 38:3

“Tutugiakon mae na aku aiya nontulutimo hondo-hondo Belento nu kinyonyoangku anu sahodi-hodi'nyo. Aku saja'mo binala usaha nontuluti pongka oho' nu Belento.” Lantas i Hizkia ihumangmo ka' talalomo hondo nolibos.

MATIUS 27:43

Ia palesaya hi Tumpu ka' notatae, tukoonyo Ia Anak nu Tumpu. Soba imbo' da otoanto pa' Tumpu timbali momposalamat Ia uuka.”

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.