2 TOMU-TOMUNDO' 18:22 - KITAB NU TUMPU ALLA LELE MA'IMAI'

²² Suludadu nu Asyur anu matangkas na pangkatnyo aijo' notatae mule', “Kabai ugaat koonyo nu belemiu, belemiu montaha'imani Tumpu, Tumpu Allah nu belemiu? Tempo'nyo i Hizkia nompalentahkon da mian nu Yehuda ka' Yerusalem ola samata-mata monsombah i ahop nu mezbah kiijo' i Yerusalem, te misa anu ingideannyomo aijo'mo mezbah ka' tampat anu lewa' ponsomban Tumpu.

2 TOMU-TOMUNDO' 18:22 ပူးပေါင်းရင်းမြစ်များ

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

1 KORINTUS 2:15

Mian anu ko Roh nu Tumpu timbali moko ala monselidiki iwi-iwi' apaa, panyo madi' ko samian pe'e ko hak monselidiki Ia.

MATIUS 27:43

Ia palesaya hi Tumpu ka' notatae, tukoonyo Ia Anak nu Tumpu. Soba imbo' da otoanto pa' Tumpu timbali momposalamat Ia uuka.”

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

YESAYA 36:7

Suludadu nu Asyur mata-matangkas na pangkatnyo aijo' notatae mule', “Kabai ugaat belemiu notataemo, koonyo nu belemiu, belemiu montaha'imani Tumpu nu belemiu? Tempo'nyo i Hizkia nompalentahmo da aha mian nu Yehuda tiba aha mian nu Yerusalem ola ahi' monsombah Tumpu i, ahop nu mezbah anu daagi i Yerusalem, temisa' anu ingideannyo aijo' mezbah ahi' tiba iwi-iwi na tampat ponsomban Tumpu?

2 TAWARIKH 32:12

Iamo na nongidei tampat-tampat ponsomban ka' to mezbah-mezbah ponsomban Tumpu, lantas nonsai mian nu Yehuda ka' Yerusalem monsombah ka' mompapui kamangian ola i sa'angu' na mezbah.

2 TOMU-TOMUNDO' 18:23

Uuka aiya aku na motatae nomboa mae sanggo i tomundo' Asyur, aku baani na batalo de belemiu obee'i 2.000 na ajahan, tantu belemiu madi' ko samian anu monsake'i iwi-iwi' de sumo aijo'mo na konjoo'nyo!

2 TOMU-TOMUNDO' 19:6

i Yesaya nonsaimo mian haha aijo' mompotokakon anu salaku bau pontaami sumo uuka “Tumpu notataemo, belento Tomundo' bolimo mabuhuk na mohongo potatae nu to posa-posaihon mae i tomundo' Asyur aijo' kalana Tumpu madi' molapasakon kita.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:14

panyo ola i tampat anu pinile'anmo nu Tumpu i da'erah nu sala'sa'angu' na tulunan nu bansa miu. Ola ikiijo' na belemiu tionyo ahi monsombahkon koloban anu opotunu ka' pombauan han sangga'at anu ku palentahkon hi belemiu.