2 TOMU-TOMUNDO' 18:18 - KITAB NU TUMPU ALLA LELE MA'IMAI'

¹⁸ Lantas aha nolobo'imo nolaga i Tomundo' Hizkia. Sahingga aha totolu' na mian anu ko pangkatnyo mokalaja hi tomundo' nosabatmo mae nonsingkaboti aha. Aha totolu' na mian anu ko pangkatnyo aijo'mo, i Elyakim anak i Hilkia kapala nu anu mongkalesang laigan nu tomundo', i Sebna gulu tulis nu negara, ka' i Yoah anak i Asaf gulu tulis i laigan nu tomundo'.

2 TOMU-TOMUNDO' 18:18 ပူးပေါင်းရင်းမြစ်များ

2 SAMUEL 20:24

Anu mongkapalai pakalaja'an opakisa; i Adoram. Anu montoongi doi nu negara; i Yosafat anak i Ahilud.

2 TOMU-TOMUNDO' 18:26

Lantas notataemo na i Elyakim i Sibna, i Yoah, hi suludadu anu matangkas na pangkatnyo aijo', “O tuan, potatae basisik nu aha mian Aram hi kami, kami suele monsumbu'. Boli motatae susumo basisik nu mian Ibrani, dumo nusumbu' nu mian da'isan anu aita' i pagan mesen nu kota'.”

2 TOMU-TOMUNDO' 18:37

Sahingga i Elyakim, i Sebna ka' i Yoah nombea-beakmo baju' nu aha, salaku tanda talalomo hondo sinusa' na kinyonyoa nu aha, lantas nambamo pinoto'i nu aha hi tomundo' apaa na anu pinoto'imo nu suludadu nu Asyur anu matangkas na pangkatnyo aijo'.

2 TOMU-TOMUNDO' 19:2

Lapas aitu ia nonsaimo i Elyakim, kapala nu laigan nu Tomundo', i Sebna julutulis nu negara, ka' to ima-imam anu i langkai'mo da mamba hi nabi Yesaya anak i Amos. Aha suele nompusokmo hude kalung.

2 TAWARIKH 34:8

I taun ko sampulu'nyomo ka' ualu' na i Yosia nompalentah, nokolapas na ia lewa'mo nongalini bapilogotan madi'mo ko anu nonsombah kiijo' i Laigan nu Tumpu ka' songko-songko na lipu', ia nonsaimo mian aha totolu' da mompokopiani Laigan nu Tumpu Allah. Aha totolu' na mian haha aijo' atina'mo: i Safan anak i Azalya, i Maasyea gobolonun nu Yerusalem, ka' i Yoah anak i Yoahas, mian anu ko pangkatnyo matangkas.

YESAYA 33:7

Aha to mia-mian anu toto babaani mahaloboo'anmo momoita tulung; to mia-mian anu mongusahakon paladamean humangmo kalana sinusa'mo hondo.

YESAYA 36:22

Sahingga i Elyakim, i Sebna tiba i Yoah nombea-beakmo baju' nu aha salaku tanda sinusa'mo lantas nambamo nompoto'i hi tomundo' apaa na anu pinoto'imo nu suludadu nu Asyur mata-matangkas na pangkatnyo aijo'.

YESAYA 36:3

Lantas aha totolu na pagawe i Hizkia tinokamo mae nonsingkaboti suludadu nu Asyur anu matangkas na pangkatnyo aijo'. Aha totolu' na pagawe haha aijo' aijo'mo i Elyakim anak i Hilkia, anu mongkapalai auan nu laigan nu tomundo', i Sebna julutulis nu negara, tiba i Yoah anak i Asaf, julutulis nu laigan nu tomundo'.

YESAYA 37:2

Lapas aijo' ia nonsaimo i Elyakim kapala nu laigan nu tomundo', i Sebna julutulis nu negara tiba to ima-imam anu kopangkatnyo da mamba singkabot tiba i Nabi Yesaya anak i Amos. Aha suele nompusokmo hude kalung.