2 TOMU-TOMUNDO' 18:16 - KITAB NU TUMPU ALLA LELE MA'IMAI'

¹⁶ Mosoni' anu pinaha pokona i tumban nu Laigan nu Tumpu ka' anu pinokonamo i Hizkia aita' i buan nu sabatan anu so' opindeduluk ingalanyomo ka' suele pinakatunyomo hi Sanherib.

2 TOMU-TOMUNDO' 18:16 ပူးပေါင်းရင်းမြစ်များ

2 TAWARIKH 29:3

I bitu'on anu momonanyo kona i taun mule' anu momonanyo na ia nompalentah, i Hizkia nontuhea'akonmo sabatan iwi-iwi' Laigan nu Tumpu ka' nompalentahmo mian mompokopiani.

2 TOMU-TOMUNDO' 12:18

Sahingga i Yoas nompakatumo doi da bau pontobus hi ia. Doi aijo' iwi-iwi' i humpaknyo hi anu osombahkon nu mian anu u'utu pe'e mae binee'mo i Yoas ka' i Yosafat. I Yoram ka' i Ahazia hi Tumpu, aijo'mo to tomu-tomundo' anu nompalentahmo ma'isa pe'e kino ianyo. Ka' suele iwi-iwi' na mosoni' i uno nu peti' ise-ise' anu kiijo' i Laigan nu Tumpu ka' i laigan nu tomundo'. Sahingga i Hazael madi'mo sinida na nontumbuhi Yerusalem.

2 TOMU-TOMUNDO' 18:15

Kalana aitu salaka iwi-iwi' anu i uno nu Laigan nu Tumpu ka' anu i uno nu kas anu kiijo' i laigan nu tomundo' pinakatumo i Hizkia hi Sanherib.

2 TOMU-TOMUNDO' 18:17

Panyo i Tomundo' Sanherib nompalentahmo mae ahi' gombuan anu manjoo' hondo na suludadunyo lengkat mae i Lakhis da montumbuhi Yerusalem. Gombuan nu suludadu haha aijo' sinanggaluan mae nu aha totolu' na Suludadu anu matangkas na pangkatnyo, ka' samian an talenga', samian na anu mongulus uee anu o'inum, ka' samian na anu mongkapalai suludadu monjagai tomundo'. Salatan tinokamo i kota' aijo', aha nongalamo tampat i ladang, anu osanggohi ladang Penatu koko sepe'nyo nu uee anu mo'ili lengkat mae i kolam anu aita' mae ibawonyo.

YESAYA 39:2

I Hizkia nolabotmo aha anu sinai mae aijo' ka' sinanangmo hondo na kinyonyoanyo ka' nompotoamo iwi-iwi na kakaya'annyo aijo'mo mosoni', tiba salaka, to lampa-lampa, ka' mule' minya-minya' ka' mule' iwi-iwi' na suludadunyo anu pinosadiannyomo. Madi' ko sa'angu' pe'e anu i uno nu laigan nu tomundo' ka' isongko-songko na kalaja'annyo na madi' pinotoanyo hi aha aijo'.

2 TOMU-TOMUNDO' 12:19

Lapas aijo' to mia-mian anu ko pangkatnyo mokalaja i kakalaja'an Yehuda nosa'angu'mo da mongewa i Tomundo' Yoas. Ua aha anu aijo' i sangalu nu aha; aijo'mo i Yozakar anak i Simeat, ka' i Yozabad anak i Somer, nompateimo i Yoas i sa'angu' na laigan anu pinotinjo i tambunan nu tano' i sasu kabete'an Yerusalem, i jalan mintudun mokaiyong i Sila. I Yoas i lamun i tampat pinolamunan to tomu-tomundo' i Kota Daud i Amazia anaknyo na tinimbali tomundo' nombolosi ia. Sisikon sangga'at mongkona i Tomundo' Yoas tinulismo i Uno nu Kitab Sisikon nu to Tomu-tomundo' nu Yehuda.