2 TOMU-TOMUNDO' 18:12 - KITAB NU TUMPU ALLA LELE MA'IMAI'

¹² Samaria pinatundu'mo kalana mian nu Israel madi'mo nontuluti Tumpu, Tumpu Allah nu aha. Aha madi'mo montapali apaa na anu jinanji'mo nu Tumpu hi aha, ka' aha madi'mo nombau apaa na anu pinalentahkonmo i Musa posaihon nu Tumpu aijo' Madi'mo aha mongka'oho' mohongo-hongo ka' madi'mo kahanda' montuluti.

2 TOMU-TOMUNDO' 18:12 ပူးပေါင်းရင်းမြစ်များ

1 TOMU-TOMUNDO' 9:6

Panyo' de beleyum kabai lee' nubeleyum mohikumo Aku, ka' madi'mo montuluti atulan-Ku ka' palentah-ngKu haha aijo' ka' mule' beleyum monsombahmo to pilo-pilogot sangga'at,

2 TOMU-TOMUNDO' 21:8

Ka' de mian nu Israel anu pinalesayamo hi belengku montuluti hondo-hondo iwi-iwi' na palenta-ngKu ka' mo batuki iwi-iwi' na atulan anu binee'mo i Musa posaihon-Ku hi aha, saba' madi' pinojohok-Ku na aha i laa' nompala'i lipu' anu binee'-Kumo hi mompolee' nu aha.”

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

MAZMUR 107:17

Daagi' ko anu ponga' ka' nongoa'imo kasansala'an, kalana to dosa-dosa' nu aha, ka' pinosakisamo kalana kasala'an nu aha.

MAZMUR 78:10

Aha nolanggaimo palajanjian nu Tumpu hi aha, ka' madi' mongka'oho' tulu-tulutan hi atulannyo.

MAZMUR 81:12

Panyo mian anu palesayamo hi belengku, madi'mo mohongo-hongo aku. Israel madi'mo tinulu-tulutan hi belengku.

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

YEHEZKIEL 11:12

Sahingga nu sumbu'je nu belemiu taalu' Akumo ahi' na Tumpu, ka'belemiu Ku hukumo kalana nolanggaimo iwi-iwi na atulan-Ku ka' madi'mo nontuluti iwi-iwi' na palentah-ngKu panyo nontulutimo iwi-iwi na atulan nu bansa-bansa anu mompaha ohani belemiu.”

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

AMOS 2:6

Tumpu notatae, “Mian nu Israel saja'mo nombau dosa' pa' pimpianmo, kalana aijo' Aku tionyo mohukumo aha. Mian anu madi' tageo' na kinyonyoanyo madi'mo moko sule'akon anu sinabonnyo, pinobaluk nu aha tinimbalimo bau botuan. Sumo aitumo mule' na kalakuan nu aha hi mian anu kasiasi anu madi'mo moko bayan samaya'nyo, pada han samaya' aijo' ola oli nu sa'angu' na pan na sapatu.

MIKHA 3:4

Tokaje mae na tempo'nyo belemiu moloboo'mo momoita tulung hi Tumpu, panyo Ia madi' ahi' montaami. Ia madi' montalima do'a nu belemiu kalana belemiu nombaumo palabuatan anu ma'idek.

NOMBILANGMO 12:7

Panyo madi' sumo posaihon-Ku i Musa. Olamo aijo' ia na mian anu tulu-tulutan madi' sumo mian sangga'at anu pinalesayamo hi beleng-Ku.

PO'ULE' INGULIT 11:28

Panyo belemiu mohumpak kutuk de madi' tulu-tulutan hi palentah haha aijo' anu binee' mae nu Tumpu Allah nu belemiu, ka' ola mule' monsombah to pilo-pilogot sangga'at anu madi' toho' osombah nu belemiu.

PO'ULE' INGULIT 31:16

Tumpu notataemo hi Musa, “Madi'mo pin beleyum silakamo. De beleyum silakamo, bansa Israel madi'mo daagi' mohongo-hongo Aku ka' mompojalomo apaa na anu jinanji'Kumo hi aha. Aha mompala'imo Aku da monsombahmo to pilo-pilogot anu nusombah nu lipu' anu madi'mo pin nupinsoopimo nu aha.

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

PO'ULE' INGULIT 34:5

Lantas sinilakamo na i Musa posaihon nu Tumpu i tano' nu Moab, susumo anu pinoto'imo nu Tumpu momonanyo.

PO'ULE' INGULIT 8:20

De belemiu madi' tulu-tulutan hi Tumpu Allah nu belemiu suele Nu silakaimo susumo bansa-bansa anu i hopu'an-Nyomo i ahop nu mata miu.”

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

2 TIMOTIUS 2:24

Mian anu mokalaja bau kapentingan nu Tumpu, madi' patut painggaga; ia tionyo ahi' motatae ma'ima' hi iwi-iwi' na mian, ka' timbali mongajan mian ma'i-ma'ima' ka' sabaan.

YOSUA 1:1

Salatan i Musa sinilakamo, posaihon nu Tumpu aijo', Tumpu nompoto'imo hi wakin i Musa, aijo'mo i Yosua, anak i Nun.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?