2 TOMU-TOMUNDO' 18:11 - KITAB NU TUMPU ALLA LELE MA'IMAI'

¹¹ Lapas aijo' binoamo nu tomundo' Asyur na to mia-mian nu Israel i Asyur salaku mian anu i hakop; sambagian na aha pinojoong i kota' Halah, sambagian koko Kaunyo Habor i da'erah Gozan, sambagian mule' i kota-kota' i lipu' nu aha Madai.

2 TOMU-TOMUNDO' 18:11 ပူးပေါင်းရင်းမြစ်များ

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 17:6

– anu ko osio'nyomo na taun na i Hosea nompalentah – i Salmaneser nongalamo Samaria. Lantas mian nu Israel binoanyomo nokiijo' i Asyur salaku mian anu i hakop. Sambagian na aha pinojoong i kota' Halah, ka' sambagian mule' koko Kaunyo Habor i da'erah Gozan, ka' sambagian mule' i to kota-kota' i lipu' Madai.

2 TOMU-TOMUNDO' 19:11

I hongomo nu beleyum na batu-batu kampung anu tinumbuhanmo nu to to tomu-tomundo' nu Asyur ingideanmo iwi-iwi'. Boli beleyum monsangka au'aitu beleyum madi' mohumpak kasilaka'an!

2 TOMU-TOMUNDO' 21:8

Ka' de mian nu Israel anu pinalesayamo hi belengku montuluti hondo-hondo iwi-iwi' na palenta-ngKu ka' mo batuki iwi-iwi' na atulan anu binee'mo i Musa posaihon-Ku hi aha, saba' madi' pinojohok-Ku na aha i laa' nompala'i lipu' anu binee'-Kumo hi mompolee' nu aha.”

2 TOMU-TOMUNDO' 23:27

Tumpu notatae, “Apaa na anu toho'mo binaungku hi aha Israel Ku bauje hi aha Yehuda. Mian nu Yehuda Ku boamo ka' opojoongje i lipu' anu Ku bee'je hi aha. Aku madi'mo nontalima Yerusalem, kota' anu pinile'an-Kumo, ka' suele Laigan-Ku aiya susumo anu tinaeyakon-Kumo baumo tampat ponsomban Aku.”

1 TAWARIKH 5:26

Kalana aijo' Tumpu Allah nompotuka'mo hi kinyonyoa i Pul tomundo' nu aha Asyur, sahingga i lambanannyomo tinumbuhan na lipu' aijo'. I Pul suele salakumo i Tiglat-Pileser. Lantas aha tulunan nu bansa Ruben, Gad, tiba tulunan nu bansa Manasye anu i sasu kabete'an Kaunyo nu Yordan binoamo nu aha salaku anu i hakop ka' mambamo pinojoong nu aha i Halah, i Habor, i Hara, ka' sa'angu' na tampat koko Kaunyo Gozan. I Kiijo' mae aha tinataapmo na jinojoong sampe sinaa uuka aiya.

NEHEMIA 9:30

Taun toka sataun sabaan na Belento mompokinde'i aha; Roh nu Belento mompoto'i aha to nabi-nabi da mompoto'iakon hi aha mian, Panyo mian anu palesayamo hi Belento mongonsongimo bihing nu aha, lantas binee'mo nu Belento na lipu' iwi-iwi' hi to bansa-bansa.

YESAYA 10:11

Samaria ka' mule' iwi-iwi' na pilogotnyo noko pateankumo. Anu ku bau mule' i Yerusalem tiba iwi-iwi' na pilogotnyo anu osombah ikiijo'.”

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 36:2

Lapas aijo' ia nonsaimo suludadunyo anu matangkas na pangkatnyo lengkat i Lakhis namba i Yerusalem tiba suludadunyo manjoo' hondo, mompakisa da i Tomundo' Hizkia ta'alukmo. Aha tinoka ikota' aijo' ka' binatampatmo i, ale' anu osanggohi Ale' Penatu koko sepe' nu uee anu mo ili mae lengkat italaga sasu aita' mae ibuannyo.

YESAYA 37:12

Tempo'nyo mompolee'ku mae nohansunimo kota' Gozan, Haran tiba Resef ka' mule' nompateimo aha mian nu Eden anu jojoong i Telasar, madi' kosamian pe'e na pilogot nu aha haha aijo' na noko ala nomposalamat aha.

YESAYA 7:8

kalana Siria madi' lebe mahoson molingkudui Damsyik puso nu kota'nyo, ka' Damsyik madi' lebe mahoson molingkudui i Tomundo' Rezin. Sadangkan i uno nu tempo' anompulu' ka' olima' nataun, Israel nobagi-bagimo sahingga madi'mo noko ala tinotahan salaku sa'angu' na bansa.

YESAYA 8:4

Kalana ma'isa pe'e anak aijo' daka' da timbalimo montaloakon ‘Tuuma’ tiba ‘Tina’, iwi-iwi' na kakaya'an nu aha Damsyik ka' mule' iwi-iwi' na anu pinahuhuakon nu aha Samaria na balang, o'atomo oboa hi tomundo' Asyur.”

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

AMOS 2:6

Tumpu notatae, “Mian nu Israel saja'mo nombau dosa' pa' pimpianmo, kalana aijo' Aku tionyo mohukumo aha. Mian anu madi' tageo' na kinyonyoanyo madi'mo moko sule'akon anu sinabonnyo, pinobaluk nu aha tinimbalimo bau botuan. Sumo aitumo mule' na kalakuan nu aha hi mian anu kasiasi anu madi'mo moko bayan samaya'nyo, pada han samaya' aijo' ola oli nu sa'angu' na pan na sapatu.

AMOS 5:6

Pinsusule'mo mae hi Tumpu, da belemiu timbali tumuu'. De belemiu madi' minsusule' hi Ia, Ia tokamo mae susumo apu anu molele ka' mompapui mian nu Israel iwi-iwi'. I Betel madi' ko samian pe'e na moko ala mompatei apu aijo'.

SISIKON NU TO RASUL-RASUL 7:43

Kemahmo nu pilogot Molokh (sanggo nu pilogot nu mian Simitis) na opoboa-boa miu tiba patong binatang nu pilogot miu, aijo'mo i Refan; te patong anu binau miu da osombah. Kalana aijo' Ku alinje na komiu sampe majo'on mokiijo' i sambiha' nu lipu' Babel.’