2 TOMU-TOMUNDO' 18:1 - KITAB NU TUMPU ALLA LELE MA'IMAI'

¹ I taun ko totolu'nyomo na i Tomundo' Hosea anak i Ela nompalentah Israel, i Hizkia anak i Ahas tinimbalimo tomundo' nu Yehuda.

2 TOMU-TOMUNDO' 18:1 ပူးပေါင်းရင်းမြစ်များ

2 TOMU-TOMUNDO' 15:30

I taun ko uampulu'nyomo na i Tomundo' Yotam anak i Uzia nompalentah Yehuda, i Hosea anak i Ela nombaumo kasangaja'an da mongewa i Tomundo' Pekah ka' pinateanmo nu aha na ia.

2 TOMU-TOMUNDO' 16:2

Tempo'nyo aitu umunnyo 20 mo na taun ka' ia nompalentah i Yerusalem 16 na taun na kinopinnyo. Ia madi' nontiho sonto' anu ma'ima' hi Tomundo' Daud, mompolee'nyo mae, panyo' ola ahi' mombau kalakuan anu madi' momposanang kinyonyoa nu Tumpu, Tumpu Allahnyo.

2 TOMU-TOMUNDO' 16:20

I Ahas sinilakamo ka' i lamunmo i tampat pinolamunan to tomu-tomundo' i kota' Daud. I Hizkia anaknyomo na tinimbali tomundo' nombolosakon ia.

2 TOMU-TOMUNDO' 17:1

I taun ko sampulu'nyomo ka' ohua' na i Tomundo' Ahas nompalentah Yehuda, i Hosea anak i Ela tinimbaimo tomundo' nu Israel ka' ia nompalentahmo i Samaria kinopinnyo ingosio' na taun.

2 TOMU-TOMUNDO' 18:9

I taun ko opatnyomo na i Hizkia nompalentah tempo'nyo aitu taunmo ko popitu'nyo na i Tomundo' Hosea nompalentah Israel, i Salmaneser tomundo' nu Asyur nontumbuhimo Israel ka' nontikumo Samaria.

2 TAWARIKH 28:27

I Ahas sinilakamo ka' i lamunmo i Yerusalem, panyo misa' i pinolamunan to tomu-tomundo'. I Hizkia anaknyo momo'ane na tinimbalimo tomundo nombolosakon ia.

2 TAWARIKH 29:1

I Hizkia tinimbalimo tomundo' nu Yehuda salatan umunnyo 25 mo na taun, ka' ia nompalentahmo i Yerusalem 29 na taun na kinopinnyo. Sanggo nu tinanyo i Abia, anak i Zakharia.

MIKHA 1:1

Pinolengkatan mae i Mikha i sa'angu' na kota' anu ise' sanggonyo Moresyet. Tempo'nyo lipu' nu Yehuda pinalentahmo nobolo-bolosan na Tomundo' aijo'mo i tomundo' Yotam, i Ahas, tiba i Hizkia. I Mikha nohumpakmo potuunon hi Tumpu mongkona Samaria tiba Yerusalem.