2 TOMU-TOMUNDO' 17:8 - KITAB NU TUMPU ALLA LELE MA'IMAI'

⁸ ka' lewa'mo montiho adat nu to bansa-bansa anu i laa'mo nu Tumpu tempo'nyo bansa Israel nambamo nompahampateakon bansa haha aijo'. Bansa Israel nontulutimo adat kabiasa'an anu pinotatapmo nu to tomu-tomundo' Israel.

2 TOMU-TOMUNDO' 17:8 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 21:26

I Ahab nombaumo to dosa-dosa' anu talalo ma'idek; ia nonsombahmo pilogot susumo anu lewa' nu bau nu mian Amori, aijo'mo to mia-mian anu i laa'mo nu Tumpu nosabat i Kana'an tempo'nyo mian nu Israel nompinsopimo lipu' aijo'.

2 TOMU-TOMUNDO' 16:10

Tempo'nyo i Tomundo' Ahas nambamo i Damsyik da singkabot tiba i tomundo' Tiglat-Pileser, ia nontoamo mezbah i kota' aijo'. Lantas pinakatunyomo na sonto' hi Imam Uzia kiijo' mae i Yerusalem ka' suele sukatannyo nu mezbah aijo' anu tionyo ahi' otiho totu-totu'u toto sa'angu' na sonto'nyo.

2 TOMU-TOMUNDO' 16:3

Ia tinumuu'mo susumo to tomu-tomundo' nu Israel, pakalaus mule' ia nonsombahkonmo anaknyo momo'ane salaku koloban hi pilogot susumo anu saja'mo nu bau nu to mia-mian padahan bauon aijo' ma'idek, anu lewa' nu bau nu aha anu ia laa'mo nu Tumpu da madi'mo jojoong i lipu' Kana'an tempo'nyo mian nu Israel tinokamo i lipu' aijo'.

2 TOMU-TOMUNDO' 17:19

To mia-mian nu Yehuda suele madi'mo nontuluti iwi-iwi' na atulan nu Tumpu, Tumpu Allah nu aha. Aha lewa'mo mombatuki kabiasa'an nu mian Israel,

2 TOMU-TOMUNDO' 17:40

Panyo mian anu jojoong i Samaria aijo' madi' mongka'oho' mohongo, aha tataap montoongi adat kabiasa'an nu aha.

2 TOMU-TOMUNDO' 21:2

I Manasye binaladosa'mo hi Tumpu, kalana lewa'mo nontiho kalakuan anu ma'idek, anu biasa nu bau nu to bansa-bansa anu i laa'mo nu Tumpu lengkat mae i Kana'an tempo'nyo mian nu Israel ninsoopmo i lipu' aijo'.

MAZMUR 106:35

Pakalaus aha mule' no'osoamo tiba to bansa-bansa sangga'at haha aijo', ka' aha nontihomo kabiasa'an nu mian anu madi' monsumbu' Tumpu.

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

YEREMIA 10:2

Ia notatae, “Bolimo mombau kabiasa'an nu to bansa-bansa sangga'at ka' boli tolokengkeng na montoa tanda-tanda aita' ilangit anu nunu kabuhuk nu bansa haha aijo'.

YEHEZKIEL 5:6

Panyo Yerusalem madi'mo nontalima palentah-ngKu ka' lebemo na'idek ilingkuduannyomo na bansa-bansa sangga'at, ka' mule' lebemo madi' tulu-tulutan ilingkuduannyomo na nega-negara anu mompaha ohani. Yerusalem nolanggimo sinin na palentang-Ku ka' mule' madi'mo nontuluti sinin na atulan-Ku.”

HOSEA 5:11

Israel osakisamo; ia madi'mo ko hak hi tano' nu aha, kalana ia talalomo ahi' nomoita tulung hi aha anu madi' moko ala montulungi ia.

IMAMAT 18:3

Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

IMAMAT 26:1

Tumpu notataemo, “Boli mombau Bapilogotan kabai mompotinjo patong kabai batu anu o ukin da osombah! Akumo na Tumpu Allah nu belemiu.

MIKHA 6:16

Iwi-iwi' aijo' jadimo saidi' mae kalana belemiu nontulutimo palabuatan anu toto ide-idek hi Tomundo' Omri, tiba anaknyo aijo'mo i Tomundo' Ahab. Belemiu nontulutimo sipa-sipat nu aha. Kalana aijo' Ku hansunimo na belemiu, ka' belemiu lewa'mo opobau-bau ka' mule' lewa'mo o'alu nu iwi-iwi na bansa.”

PO'ULE' INGULIT 18:9

“De belemiu ninsoopmo i lipu' anu binee'mo nu Tumpu Allah nu belemiu hi belemiu, boli montiho' bauon anu toto ma'i-ma'idek na nubau nu to bansa-bansa ikiijo'.