2 TOMU-TOMUNDO' 17:7 - KITAB NU TUMPU ALLA LELE MA'IMAI'

⁷ Samaria pinatundu'mo kalana mian nu Israel binaladosa'mo hi Tumpu, Tumpu Allah nu aha nomposalamatmo aha da madi' pinatean i tomundo' Mesir, ka' nomboa aha nosabat lengkat mae i lipu' aijo'. Aha nonsombahmo to pilo-pilogot sangga'at,

2 TOMU-TOMUNDO' 17:7 ပူးပေါင်းရင်းမြစ်များ

1 TOMU-TOMUNDO' 11:4

sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

1 TOMU-TOMUNDO' 15:3

I Abiam nombaumo dosa' susumo tuumanyo. Ia madi' totu-totu'u na kinyonyoa montuluti Tumpu Allah-nyo, madi' pokakana tiba i Daud mompolee'nyo mae.

2 TOMU-TOMUNDO' 16:2

Tempo'nyo aitu umunnyo 20 mo na taun ka' ia nompalentah i Yerusalem 16 na taun na kinopinnyo. Ia madi' nontiho sonto' anu ma'ima' hi Tomundo' Daud, mompolee'nyo mae, panyo' ola ahi' mombau kalakuan anu madi' momposanang kinyonyoa nu Tumpu, Tumpu Allahnyo.

2 TOMU-TOMUNDO' 17:35

Tumpu nombaumo palajanjian sumo uuka hi mian nu Israel, “Boli monsombah hi pilogot sangga'at, boli tolodadupu monsombah aha kabai mombau anu nu palentahkon nu aha kabai monsombahkon koloban hi aha.

1 TAWARIKH 5:25

Mian nu Israel madi'mo nontuluti Tumpu Allah anu osombah nu mompolee' nu aha. Aha nohikumo Ia ka' nonsombahmo to pilo-pilogot nu bansa anu i laa'mo nu Tumpu Allah, sahingga nompala'imo lipu' Kana'an.

2 TAWARIKH 36:5

I Yoyakim umunnyo 25 mo na taun tempo'nyo ia tinimbalimo tomundo nu Yehuda, ka' ia nompalentahmo Yerusalem 11 na taun na kinopinnyo. Ia binaladosa'mo hi Tumpu Allah-nyo.

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

MAZMUR 78:12

I ahop nu mompolee' nu aha, Tumpu nombaumo anu okabangangi i lipu' nu Mesir, i i hatanyo nu Zoan.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

YESAYA 57:5

Belemiu nonsombahmo to pilo-pilogot anu mombee'i kalumba'an ka' butong nu belemiu binoamo nu napisu ipatuu nu kau' anu o, anggap ko balakatnyo. Belemiu nolamunmo to ana-anak nu belemiu i bangka'nyo nu kaunyo nyo, i liang nu batu.

YEREMIA 10:5

Patong pilogot haha aijo' sumo mian na lupanyo anu opo una' i ale' nu kantimun. Aha madi' moko ala motatae, madi' moko ala tololangkas, ka' tionyo ahi' ohangkat. Boli okabuhuk na aha kalana aha madi' moko ala mombau anu ma'idek hi belemiu; ka' mule' mombau anu ma'ima madi' ahi' nu poko ala nu aha.”

YEHEZKIEL 39:24

Ihukum-Kumo na aha sitimbang tiba kahenyuan nu aha ka' palabuatan anu ma'idek nu aha, lantas pinala'ian-Kumo na aha.”

HOSEA 12:14

Tumpu nompokaumo samian na nabi da momboa mian nu Israel mosabat da bolimo obotuani kiijo' i Mesir ka' da ojagaimo na aha.

HOSEA 4:12

Belemiu nomoitamo da nu potingan nu sangkolong na kau'! Sangkau na tokon mompoto'i hi belemiu apaa na anu nu ka'ima'i nu belemiu da osumbu'! Belemiu sumomo samian na bengkele' anu tinimbalimo anu masala'; belemiu nohikumo Aku ka' nombee'mo butong nu belemiu hi to pilo-pilogot.

HOSEA 4:13

I tampat-tampat ponsomban pilogot i puge'nyo ka' i bungkutnyo belemiu nonsombahkonmo koloban ka' nompapuimo kamangian i patu nu to kau-kau' anu daka' ka' hoopi' nahonnyo kalana ikiijo mae tampat anu koongon. Panyo apaa na ka'ahenannyo? To lalangkoyang nu belemiu nasala'mo, ka' to moni-monian nu belemiu boune nasala'mo!

PO'ULE' INGULIT 31:29

Ku sumbu' saba' de aku silakamo mian haha aijo' timbalimo ma'idek ka' madi'mo mongala apaa na anu pinotingankumo hi aha. Ka' aha saidi' mae nutokaimo nu balaa' kalana nonsaduakonmo da Tumpu notambuha' kalana nombaumo apaa na anu tinewa'-Nyomo.”

YOSUA 23:16

De belemiu molanggai anu jinanji'mo ka' anu pinalentahkon-Nyomo hi belemiu, nu Tumpu Allah nu belemiu da otuluti, panyo belemiu mambamo monsombah to pilo-pilogot sangga'at ka' montulutimo pilogot haha aijo' nutambuha'imo nu Tumpu ka' mohukumo belemiu. I uno nu tempo' anu madi' pin belemiu iwi-iwi' mohopu'mo i lipu' anu ma'ima' aiya, anu binee'mo nu Tumpu hi belemiu.”

TO MIA-MIAN KOPIAN 6:10

Pinoto'ing-Kumo hi belemiu tukoong-Ku Akumo na Tumpu Allah nu belemiu, ka' tukoong-Ku belemiu madi'mo timbali monsombah to pilo-pilogot nu bansa Amori anu jinojoonganmo miu na lipu' nu aha tempo' uuka aiya. Panyo belemiu madi'mo nohongo-hongo anu pinalentahkon-Kumo.’ ”