2 TOMU-TOMUNDO' 17:6 - KITAB NU TUMPU ALLA LELE MA'IMAI'

⁶ – anu ko osio'nyomo na taun na i Hosea nompalentah – i Salmaneser nongalamo Samaria. Lantas mian nu Israel binoanyomo nokiijo' i Asyur salaku mian anu i hakop. Sambagian na aha pinojoong i kota' Halah, ka' sambagian mule' koko Kaunyo Habor i da'erah Gozan, ka' sambagian mule' i to kota-kota' i lipu' Madai.

2 TOMU-TOMUNDO' 17:6 ပူးပေါင်းရင်းမြစ်များ

KAJADIAN 10:2

To ana-anak i Yafet aijo'mo i Gomer, i Magog, i Madai, i Yawan, i Tubal, i Mesekh ka' i Tiras.

1 TOMU-TOMUNDO' 8:46

De mian anu pinalesayamo hi Belento binaladosa'mo hi Belento – memang totu-totu'unyo madi'mo daagi' ko samian anu madi' baladosa' – lantas kalana Belento montambuha'mo opojohokmo nu Belento na aha nu patundu'mo nu sampo bali' ka' mian anu i hakopmo oboamo i lipu' sangga'at anu majo'on kabai anu ohani

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 17:23

Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

2 TOMU-TOMUNDO' 18:34

Iyamo na pilogot haha aijo' nu lipu' Hamat tiba Arpad? Iyamo na pilogot nu Sefarwaim, Hena, ka' Iwa? Te daagi' ko anu tinoka nomposalamat Samaria?

2 TOMU-TOMUNDO' 19:12

Tempo'nyo mompolee'ku nongideimo kota' Gosan, Haran tiba Rezef, ka' mule' nompateimo mian nu Eden anu jojoong i Telasar madi' ko sa'angu' pe'e na to pilo-pilogot nu aha na noko ala nomposalamat aha.

2 TOMU-TOMUNDO' 21:13

Yerusalem Ku hukummo susumo Aku mohukum Samaria ka' i Ahab Tomundo' nu Israel tiba lee'nyo. Yerusalem Ku polomosmo susumo lean anu binaso'anmo ka' pinokulub-Kumo.

1 TAWARIKH 5:26

Kalana aijo' Tumpu Allah nompotuka'mo hi kinyonyoa i Pul tomundo' nu aha Asyur, sahingga i lambanannyomo tinumbuhan na lipu' aijo'. I Pul suele salakumo i Tiglat-Pileser. Lantas aha tulunan nu bansa Ruben, Gad, tiba tulunan nu bansa Manasye anu i sasu kabete'an Kaunyo nu Yordan binoamo nu aha salaku anu i hakop ka' mambamo pinojoong nu aha i Halah, i Habor, i Hara, ka' sa'angu' na tampat koko Kaunyo Gozan. I Kiijo' mae aha tinataapmo na jinojoong sampe sinaa uuka aiya.

EZRA 6:2

Panyo tulisan anu i humpakmo mongkona han aijo' misa i Babel, panyo i kota' ahi' Ahmeta i da'erah Media. Tulisan aijo' tinulis i sulat anu i lulun ka' onyi'nyo sumo uuka,

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

YESAYA 10:9

Ku patundu'mo na kota' Kalno, tiba Karkemis, Hamat tiba Arpad. Kupantundu' mule' na kota' Samaria tiba Damsyik.

YESAYA 13:17

Tumpu motataemo, “Kupotukamo i uno nu kinyonyoa nu aha bansa Madai na montumbuhimo Babel, aha madi' opoko ala otamboi nu salaka kabai mosoni'.

YESAYA 17:4

Tumpu nontataemo, “Tokaje mae na tempo'nyo katalasanggoan nu aha Israel mingkotmo, ka' mule' ka'ima'an nu kantumuu'an nu aha lanyapmo.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YESAYA 36:17

sampe belemiu ku boamo isa'angu' na lipu' anu momohopokakana lipu' nu belemiu. Ikiijo' mae ko ale' nu anggur anu mimbua' o, alamo nu belemiu ka' mule' ale' nu gandum anu obau labu da okaan nu belemiu.

YESAYA 36:19

Iyamo mae na to pilo-pilogot nu lipu' nu Hamat tiba Arpad? Iyamo mae na to pilo-pilogot nu Sefarwaim? Ihemo na tinoka mae nomposalamat Samaria?

YESAYA 37:18

Kami iwi-iwi' nonsumbu'mo, o, Tumpu nu to tomu-tomundo' nu aha Asyur manjoo'mo na bansa-bansa pinatean nu aha ka' mule' nohansunimo iwi-iwi na lipu' nu aha.

YESAYA 8:4

Kalana ma'isa pe'e anak aijo' daka' da timbalimo montaloakon ‘Tuuma’ tiba ‘Tina’, iwi-iwi' na kakaya'an nu aha Damsyik ka' mule' iwi-iwi' na anu pinahuhuakon nu aha Samaria na balang, o'atomo oboa hi tomundo' Asyur.”

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

DANIEL 5:28

binagi, kalaja'an nu belento Tuanku obagimo ka' mule' obee'mo hi aha mian nu Media tiba Persia.”

HOSEA 1:4

Tumpu notataemo hi belengku, “Sanggohi na anak nu beleyum aijo' i Yizreel kalana madi'mo pin Aku mohukumo tomundo nu Israel kalana palabuatan i Yehu nompateimo mompolee'nyo kiijo' i Yizreel. Aku madi'mo mompobee' lee' i Yehu na mompalentah.

HOSEA 1:6

Lapas aitu bengkele'ku aijo' nompohampemo anak anu ko ohua'nyo, anak boune. Tumpu notataemo hi belengku, “Hosea, sanggohi na anak nu beleyum aijo', ‘Anu Madi' Okalibosi’, saba' Aku madi'mo mongkalibosi mule' bansa Israel, ka' madi'mo hondo-hondo mongampuni aha.

HOSEA 1:9

Tumpu notataemo hi belengku, “sanggo hi na anak nu beleyum aijo' ‘Misa' mian anu palesamo hi beleng-Ku’ saba' mian nu Israel misa'mo mian-Ku anu palesaya, ka' Aku misa'mo Tumpu nu aha.”

HOSEA 8:8

Susumo kuhon tano anu noposo sumo aitujemule na Israel madi'o daagi ko'alatinyo, ka tinimbalimo bansa biasa pokakana tibaa bansa sanggaat.

HOSEA 9:3

Belemiu o bansa Israel madi'mo daagi tataap jojoong i tano' anu binee'mo nu Tumpu hi belemiu. Belemiu tionyo ahi' minsusule'mo i Mesir, ka' tionyo ahi' mongkaanmo kaanon anu madi' toho' okaan kiijo' mae i Asyur.

IMAMAT 26:38

Belemiu silakamo kiijo' mae i lipu' pinomboan, ka' nupateimo nu lipu' anu monsampobali' belemiu.

AMOS 5:27

De Aku momboamo belemiu mokiijo' i sa'angu' na lipu' anu lebe majo'on lengkat i Damsyik. Aku na Tumpu anu sanggonyo Tumpu Allah Anu Matangkas na Kuasanyo notataemo.”

AMOS 7:17

Tumpu notatae tukoo-Nyo bengkele' nu beleyum tinimbalimo mian masala' i jala-jalan nu kota' ka' to ana-anak nu beleyum opateimo i pahampatean. Tano' nu beleyum obagi-bagimo hi mian sangga'at, ka' suele beleyum silakamo ilipu' anu madi' palesaya hi Tumpu. Mian aha i Israel memang oboamo ka' opojoongmo i sa'angu' na tampat, majo'on ilipu' nu aha.”

PO'ULE' INGULIT 28:36

Belemiu ka' tomundo nu belemiu nuboamo nu Tumpu i lipu' nu mian anu i salipu'an anu madi' osumbu' nu belemiu ka' suele madi' osumbu nu mompolee' miu. Ikiijo' mae belemiu mompalesayamo to pilo-pilogot anu kau' ka' batu na binau.

PO'ULE' INGULIT 28:64

Tumpu mongga'a-ga'atakonmo belemiu mamba hi bansa-bansa anu i songko-songko na dunia aiya. Ikiijo' mae belemiu monsombahmo to pilo-pilogot anu kau' ka' batu na binau, to pilo-pilogot anu madi' osumbu' nu belemiu ka' suele madi' nusumbu' nu mompolee' nu belemiu.

PO'ULE' INGULIT 30:18

tantu belemiu osilakaimo ka' umun nu belemiu kodo'mo i lipu' anu madi'mo daagi' pin kajojoonganmo nu belemiu. O inau'! Kalana han aijo' pinoto'ingkumo hi belemiu sinaa aiya.