2 TOMU-TOMUNDO' 17:34 - KITAB NU TUMPU ALLA LELE MA'IMAI'

³⁴ Sampe sinaa uuka aiya, aha daagi' monjalanakon adat kabiasa'an nu aha. Aha madi' monsombah Tumpu ka' madi' ahi' suele montuluti to atu-atulan ka' palentah-Nyo anu binee'-Nyomo hi lee' i Yakub anu sinanggohan-Nyomo Israel.

2 TOMU-TOMUNDO' 17:34 ပူးပေါင်းရင်းမြစ်များ

KAJADIAN 32:28

Mian aijo' notataemo, “Sanggo nu beleyum misa'mo i Yakub. Beleyum nahaluku'mo tiba Tumpu Allah ka' tiba manusia, ka' beleyum na inguntungmo; kalana aitu sanggo nu beleyum i Israelmo”.

KAJADIAN 32:29

I Yakub notatae, “Poto'i mae na sanggo nu Belento Tuan.” Panyo mian aijo' nontaami, “Madi' palalu nu pokilawa ihe na sanggongku!” Lantas binalakatan-Nyomo na i Yakub.

KAJADIAN 33:20

Lapas aijo' ia nompotinjomo mezbah ikiijo' ka' sinanggohannyomo “El, Tumpu Allah nu aha Israel”.

KAJADIAN 35:10

Tumpu Allah notataemo hi ia, “Beleyum madi'mo osanggohi i Yakub, panyo osanggohimo i Israel.” Sumo aijo' na Tumpu Allah nonsanggohimo ia i Israel.

1 TOMU-TOMUNDO' 11:31

Lapas aijo' pinoto'inyomo hi Yerobeam, “Ala hi beleyum sampulu' na beaknnyo kalana Tumpu, Tumpu Allah nu aha Israel nompoto'imo sumo uuka hi beleyum, 'Ku alamo na kalaja'an aiya hi Salomo ka' Ku bee'mo hi beleyum na tulunan nu bansa anu sampulu' aijo'.

1 TOMU-TOMUNDO' 18:11

Ka' uuka aiya belento Tuuma mongka'oho' da aku mambamo hi ia ka' mompoto'i tukoongku belento Tuuma i aiya mae?

1 TOMU-TOMUNDO' 18:31

Ia nongala sampulu' ka' ohua' na batu, toto sa'angu' na batu mowakini sa'angu' na lee' mae i Yakub, aijo'mo mian anu sinanggohanmo nu Tumpu Israel.

2 TOMU-TOMUNDO' 17:25

Tempo'nyo aha momona jinojoong i kiijo' aha madi'mo nongadati Tumpu; aijo' na sababnyo Tumpu nompodaagi'mo to singa-singa anu lewa' monsa'u sambahagian na aha.

2 TOMU-TOMUNDO' 17:33

Jadi aha monsombah Tumpu, panyo aha mule' monsombah ahi' tominuat nu aha susumo adat kabiasa'an nu lipu' pinolengkatan mae nu aha.

2 TOMU-TOMUNDO' 17:40

Panyo mian anu jojoong i Samaria aijo' madi' mongka'oho' mohongo, aha tataap montoongi adat kabiasa'an nu aha.

MAZMUR 55:20

Tumpu anu nompalentahmo salatanmo pe'e dunia, Ia na mompotombihing mae aku ka' mompatundu'mo aha. Kalana aha madi' mongka'oho' balatobat, ka' madi' mabuhuk hi Tumpu.

AMSAL 14:2

Mian anu madi' tageo' na kinyonyoanyo mabuhuk ka' moholomati Tumpu Allah; panyo kantumuu'an nu mian anu tageo' na kinyonyoanyo mongambangi Ia.

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.