2 TOMU-TOMUNDO' 17:31 - KITAB NU TUMPU ALLA LELE MA'IMAI'

³¹ mian nu Awa nombau patong Nibhas, ka' Tartak, ka' mian nu Safarwaim nonsombahkonmo to ana-anak nu aha salaku koloban anu opotunu osombahkon hi pilogot Adramelekh ka' hi Anamelekh.

2 TOMU-TOMUNDO' 17:31 ပူးပေါင်းရင်းမြစ်များ

2 TOMU-TOMUNDO' 17:17

Aha nonsombahkonmo to ana-anak nu aha salaku koloban anu opotunu osombahkon hi pilogot. Aha mompake ilimu' anu madi' otoa ka' momoita da nupotiju' nu to sando-sando anu timbali potataean nu to tomi-tominuat. Aha mongka'ima'i hondo mombau hahan anu madi' nuka'ima'i nu kinyonyoa nu Tumpu,

2 TOMU-TOMUNDO' 17:24

Salaku pinombolosi mian nu Israel anu binoamo nokiijo' ka' pinojoongmo kiijo' mae, i tomundo' nu Asyur nompojoongmo mian i kota' Samaria haha aijo' anu lengkat mae i Babel, Kuta, Awa, Hamat, ka' Sefarwaim. Mian haha aijo' nonjojoongimo kota' haha aijo' ka' tinataapmo i kiijo'.

2 TOMU-TOMUNDO' 19:37

Daagi' kino sansinaan hau-haunyo ia monsombah i uno nu kuil pilogot Nisrokh, ia natemo tinabas i Adramelekh nu bajak tiba i Sarezer, tiba to ana-anaknyo momo'ane. Lapas aijo' aha nalaimo i lipu' Arafat. Sahingga i Esarhadan, anaknyo mo'ane sangga'at na tinimbali tomundo' nombolosakon ia.

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

IMAMAT 18:21

Boli mombee' sala' samian na anak nu beleyum bau koloban ponsombah pilogot Molok, kalana palabuatan anu sumo aijo' mongambangimo sanggo nu Tumpu Allah, Tumpu nu belemiu.

PO'ULE' INGULIT 12:28

Opalahatikan ima-ima' iwi-iwi' apaa na anu pinalentahkonkumo hi belemiu sahingga belemiu mombaumo anu ma'ima' ka' nusitujui nu Tumpu Allah nu belemiu sahingga belemiu ka' lee' miu mohumpak kasalamatan ka' ka'ima'an sampe toka sidu-sidutu'.”

PO'ULE' INGULIT 12:31

Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.