2 TOMU-TOMUNDO' 17:3 - KITAB NU TUMPU ALLA LELE MA'IMAI'

³ Ia pinahampateakon ka' pinatundu'mo i Salmaneser tomundo' nu Asyur sahingga sataun toka sataun ia tionyo ahi' mombayan hasin hi ia.

2 TOMU-TOMUNDO' 17:3 ပူးပေါင်းရင်းမြစ်များ

2 SAMUEL 8:2

I Daud nompatundu' mule' aha mian nu Moab. Pinokaunyo na aha nale' nale' i tano' lantas salatan de totolu'mo na olanggai opateimo na ohua' na mian. Jadi aha mian nu Moab nongkabuhukmo hondo i Daud ka' nombayanmo hasin hi ia.

2 SAMUEL 8:6

Lapas aijo' i Daud nombaumo kemah da bau kajojoongan nu to sulu-suludadunyo i da'erah nu aha ka' aha mule' tinulutmo ka' nombayanmo hasin hi ia. I Daud saja'mo pino untung nu Tumpu na nahampate maumo pa' iyaya mae.

2 TOMU-TOMUNDO' 15:19

Tempo'nyo i Pul tomundo' nu Asyur nontumbuhimo Israel, binee'anmo i Menahem na ia 34.000 kilogram na salaka da ia montulungi i Menahem da sabole-bole ia mompalentah Israel, ka' mongkuasai Israel.

2 TOMU-TOMUNDO' 15:20

Anu binau i Menahem da mohumpak doi aijo', aijo'mo mompakisa toto samian na to mia-mian kaya i Israel da mombee'i limampulu' na doi salaka, kalana aijo' pinala'ianmo i Pul na lipu' aijo' ka' ia ninsusule'mo i lipu'nyo.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 17:2

Ia binaladosa'mo hi Tumpu, panyo dosa-dosa'nyo madi' sumo konjoo'nyo nu dosa' nu to tomu-tomundo' nu Israel anu ma'isa pe'e ia nompalentah.

2 TOMU-TOMUNDO' 17:4

Panyo daagi' ko sa'angu' na tempo' i Hosea nonsaimo mian hi So tomundo' nu Mesir momoita da montulungi ia. Lantas i Hosea madi'mo nombayan hasin anu sataun toka sataun obayan hi tomundo' Asyur. Salatan i Salmaneser nonsumbu'mo kalakuan i Hosea aijo' ia nohakopmo i Hosea ka' pinosoopnyomo i uno nu talungku'.

2 TOMU-TOMUNDO' 18:31

Boli mohongo-hongo i Hizkia. Aku, tomundo' nu Asyur mompoto'i da mosabatmo mae na belemiu atina' i kota' ka' tulutmo. Timbali o kaan miu na bua' nu anggur i ale' nu belemiu, ka' mongoa'i mosia na koima'nyo na bua' ara anu pinosi su'an nu belemiu, ka' monginum uee anu i posi bubung nu belemiu.

2 TOMU-TOMUNDO' 18:7

Mokonyo' aijo' saja' Tumpu montulungi ia, sahingga apa-apaa na anu nu bau saja' mingkaliangan. Ia nongewamo i tomundo' Asyur, ka' madi' nongka'oho' tinulut hi ia.

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

YESAYA 17:4

Tumpu nontataemo, “Tokaje mae na tempo'nyo katalasanggoan nu aha Israel mingkotmo, ka' mule' ka'ima'an nu kantumuu'an nu aha lanyapmo.

YESAYA 8:8

Nu letabimo nu aha na Yehuda susumo lapangnyo iaba' toka-tokamo igogohong na kotangkasnyo ka' mule' mongomokimo iwi-iwi na apaa.” Tumpu na monsangalui kita! Polipik-Nyo anu bibinokamo nonsalumbungimo lipu'to aiya.

YEHEZKIEL 23:5

Maumo ahi i Ohola tinimbalimo bengkele'-Ku panyo ia tataap ahi' saja' masala' ka' talalo ahi' saja' majota na labot molayani to sinta-sintanyo anu lengkat mae i Asyur.

HOSEA 10:14

jadi mian da'isan nu belemiu ko anumo mae mompahampateakon ka' iwi-iwi' na benteng nu belemiu hansunmo. Balu-balu'nyo sumomo tempo'nyo i Tomundo' Salman nono hansunimo kota' Bet-Arbel tempo'nyo aha nahampate, ka' nompateimo to tina-tina nu anak tiba to ana-anaknyo.

HOSEA 10:4

Talalomo nolabi-labi na leko' nu aha ka' binalajanji'mo anu madi' totu'u ka' nombaumo mule' palajanjian anu madi' kogunanyo. Atulan gineo-geo'akonmo sahingga palabuatan anu madi' adin tinumuu'mo susumo sosu anon anu ko lasungnyo i uno nu ale' anu pinansunmo.

HOSEA 8:10

Maumo sumo aijo' Ku posihukje na aha ka' obee'i hukuman. Madi'mo daagi pin aha monguntukakonmo sakit de aha nu palentahmo i tomundo' Asyur.

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.