2 TOMU-TOMUNDO' 17:29 - KITAB NU TUMPU ALLA LELE MA'IMAI'

²⁹ Panyo mian haha aijo' anu jojoong i Samaria saja' monsombah to pilo-pilogot nu aha ka' nupo'una' nu aha i kuil nu aha haha aijo'. Toto sa'angu' na tompuk nosi bau pilogotnyo i kota' anu ka jojoongan nu aha.

2 TOMU-TOMUNDO' 17:29 ပူးပေါင်းရင်းမြစ်များ

MIKHA 4:5

Iwi-iwi na bansa i dunia aiya monsombahmo ka' tulu-tulutanmo hi posi pilogot nu aha. Panyo kita na montuluti ahi' Tumpunto ka' monsombah Ia sampe toka sidu-sidutu'.

1 TOMU-TOMUNDO' 12:31

Ka' mule' i Yerobeam nompaka baumo mule' tampar sangga'at lewa' ponsomban pilogot i bungkutnyo ka' nohangkatmo to ima-imam anu ingala hi bubu' aha anu misa' lee' mae nu aha tulunan nu bansa Lewi.

ROMA 1:23

Misa' Tumpu anu sampe toka sidu-sidutu' na anu osombah nu aha, panyo patong-patong anu montiho to bina-binatang anu timbali mate; aijo'mo mian, tomonsi, binatang anu ko tengkenyo opat, ka' binatang anu jumolo.

1 TOMU-TOMUNDO' 13:32

Apaa na anu tinaloakonnyomo aijo' pinalentah nu Tumpu mongkona mezbah kiijo' i Betel ka' iwi-iwi' na tampat ponsomban i to kota-kota nu Samaria memang tionyo jadi.”

2 TOMU-TOMUNDO' 17:28

Sahingga samian na imam nu aha Israel anu binoa ka' jinojoong i Betel. I kiijo' mae ia nompogulu' mo mian da'isan mosia na sabenannyo monsombah Tumpu.