2 TOMU-TOMUNDO' 17:27 - KITAB NU TUMPU ALLA LELE MA'IMAI'

²⁷ Kalana aijo' i tomundo' Asyur nompalentahmo da samian na Imam anu i hakop ka' binoa pinojoong nokiijo' i Asyur po'ule'mo sinai nokiijo' i Samaria. “Saimo na ia minsusule' ka' jojoongmo i kiijo' mae da ia mompogulu' mian haha aijo'.” Mongkona to atu-atulan nu pilogot nu lipu' aijo'. Na koonyo i tomundo'.

2 TOMU-TOMUNDO' 17:27 ပူးပေါင်းရင်းမြစ်များ

2 TAWARIKH 11:15

I Yerobeam nosi hangkatmo to ima-imam anu mokalaja i iwi-iwi' na tampat ponsomban pilogot ka' monsombahmo to tinu-tinumpu ka' patong sapi' anu pinosi baunyo.

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

1 TOMU-TOMUNDO' 12:31

Ka' mule' i Yerobeam nompaka baumo mule' tampar sangga'at lewa' ponsomban pilogot i bungkutnyo ka' nohangkatmo to ima-imam anu ingala hi bubu' aha anu misa' lee' mae nu aha tulunan nu bansa Lewi.

TO MIA-MIAN KOPIAN 17:13

Sahingga notataemo na i Mikha, “Ya uuka aiya aku palesayamo totu-totu'u, tantu Tumpu mombaumo mae han anu ma'ima' hi belengku kalana daagimo ko samian aha mian nu Lewi anu tinimbalimo Imamku.”

2 TOMU-TOMUNDO' 17:26

Lantas mian nonsisikmo hi mian Asyur tukoonyo nu aha to mia-mian anu pinojoong i to kota-kota' nu Samaria madi' monsumbu' to atu-atulan nu pilogot i lipu' aijo'. Aijo' na sababnyo sahingga pilogot aijo' nompodaagi'mo singa da monsa'u aha.

2 TOMU-TOMUNDO' 17:28

Sahingga samian na imam nu aha Israel anu binoa ka' jinojoong i Betel. I kiijo' mae ia nompogulu' mo mian da'isan mosia na sabenannyo monsombah Tumpu.

EZRA 7:25

Utusku Ezra, pake na kapandean bapikin anu binee'mo nu Tumpu Allah hi Beleyum utus, ka' hangkatmo na to pola-polaya' ka' to mia-mian kopian da mompalentah iwi-iwi' mian anu kiijo' i propinsi Efrat sasu Kinsoban anu tinumuu'mo montuluti Atulan nu Tumpu Allah nu Beleyum utus. Tionyo ahi' Beleyum utus mompogulu'akon Atulan aijo' hi iwi-iwi'na mian anu ma'isa monsumbu'.