2 TOMU-TOMUNDO' 17:26 - KITAB NU TUMPU ALLA LELE MA'IMAI'

²⁶ Lantas mian nonsisikmo hi mian Asyur tukoonyo nu aha to mia-mian anu pinojoong i to kota-kota' nu Samaria madi' monsumbu' to atu-atulan nu pilogot i lipu' aijo'. Aijo' na sababnyo sahingga pilogot aijo' nompodaagi'mo singa da monsa'u aha.

2 TOMU-TOMUNDO' 17:26 ပူးပေါင်းရင်းမြစ်များ

2 TOMU-TOMUNDO' 17:25

Tempo'nyo aha momona jinojoong i kiijo' aha madi'mo nongadati Tumpu; aijo' na sababnyo Tumpu nompodaagi'mo to singa-singa anu lewa' monsa'u sambahagian na aha.

2 TOMU-TOMUNDO' 17:27

Kalana aijo' i tomundo' Asyur nompalentahmo da samian na Imam anu i hakop ka' binoa pinojoong nokiijo' i Asyur po'ule'mo sinai nokiijo' i Samaria. “Saimo na ia minsusule' ka' jojoongmo i kiijo' mae da ia mompogulu' mian haha aijo'.” Mongkona to atu-atulan nu pilogot nu lipu' aijo'. Na koonyo i tomundo'.

AMOS 8:14

To mia-mian anu basumpa' tiba sanggo nu pilogot Samaria ka' notatae, ‘Tiba sanggo nu pilogot bansa Dan’, kabai ‘Tiba sanggo nu Pilogot Bersyeba’ – tombahangkangmo ka' madi'mo daagi' mobula.”

1 SAMUEL 10:25

Lapas aijo' i Saul nontutuhakonmo hi bansa aijo' mongkona hak ka' anu nu kalaja nu tomundo', lantas tinulisnyomo i sa'angu' na kitab ka' pino'una'mo i tampat Susi'. Lapas aijo' i Samuel nonsaimo bansa aijo' iwi-iwi' da minsusule'mo i laigannyo toto samian.

1 SAMUEL 8:9

Mokonyo aijo' popo ii'mo na poitaon nu aha; panyo pagala ahi' pokinde'i na aha ka' poto'i mosia na aha saidi'mae de nu palentahmo nu tomundo'.”