2 TOMU-TOMUNDO' 17:23 - KITAB NU TUMPU ALLA LELE MA'IMAI'

²³ Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

2 TOMU-TOMUNDO' 17:23 ပူးပေါင်းရင်းမြစ်များ

1 TOMU-TOMUNDO' 13:2

Kalana Nabi aijo' pinokau nu Tumpu sahingga ia notataemo daka-daka' i mezbah aijo' “O mezbah, o mezbah! Sumo uuka na koonyo nu Tumpu, 'Samian na anak anu osanggohije i Yosia, saidi' mae hampeje hi lee' mae i Daud. Aita' hi beleyum atina' o mezbah, nu pateije na to ima-imam anu mokalaja i tampat lewa' ponsomban pilogot, ka' anu monsombahkonmo koloban atina' hi beleyum. Ka' atina' hi beleyum mule' notatae na nabi aijo' nu papuije na to buku-buku nu mian.’ ”

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

1 TOMU-TOMUNDO' 9:7

saba' Ku laa'mo na mian nu Israel anu pinalesayamo hi beleng-Ku haha aijo' da bolimo jojoong i lipu' anu binee'-kumo hi aha. Ka' mule' Ku pala'imo na Laigan aiya anu tinantukan-Kumo bau ponsomban Aku. Iyaya mae mian nu Israel saja' opopo ambang ka' okokojoi.

2 TOMU-TOMUNDO' 13:23

Panyo Tumpu nolibosmo hi mian anu pinalesayamo hi Ia ka' nongampunimo aha. Ia madi' mompojohok aha opatei, panyo montulungi aha kalana monginau' palajanjiannyo hi Abraham, anak i Ishak ka' hi Yakup. Sampe tempo' uuka aiya, Ia madi' mongkolilimi mian anu pinalesayamo hi Ia.

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

2 TOMU-TOMUNDO' 17:18

sahingga Tumpu pinusamo hondo hi aha, ka' madi'mo daagi' nonginau' aha. Ingalinnyomo na aha da madi'mo jojoong i tano' anu binee'-Nyomo hi aha, anu daagi' tinontuha' me kalaja'an Yehuda.

2 TOMU-TOMUNDO' 17:20

sahingga Tumpu madi'mo daagi' nongakui iwi-iwi' na mian nu Israel. I hukum-Nyomo na aha ka' binee'-Nyomo hi anu monsampo bali' aha anu toto ue-uesan. Ia madi'mo daagi' monginau' aha, panyo ingalin-Nyomo na aha da madi'mo jojoong i tano' anu binee'-Nyomo hi aha.

2 TOMU-TOMUNDO' 17:22

Aha nombatukimo kalakuan i Yerobeam ka' saja'mo mombau iwi-iwi' na dosa' anu binaunyomo.

2 TOMU-TOMUNDO' 17:6

– anu ko osio'nyomo na taun na i Hosea nompalentah – i Salmaneser nongalamo Samaria. Lantas mian nu Israel binoanyomo nokiijo' i Asyur salaku mian anu i hakop. Sambagian na aha pinojoong i kota' Halah, ka' sambagian mule' koko Kaunyo Habor i da'erah Gozan, ka' sambagian mule' i to kota-kota' i lipu' Madai.

2 TOMU-TOMUNDO' 21:14

Mian anu daagi' jojoong i kiijo' Ku pojohokmo da timbali kaanon nu to bansa-bansa anu kahanda' mongewa ia, anu mompatundu'mo aha, ka' mompahahuhuakonmo lipu' nu aha.

2 TOMU-TOMUNDO' 23:27

Tumpu notatae, “Apaa na anu toho'mo binaungku hi aha Israel Ku bauje hi aha Yehuda. Mian nu Yehuda Ku boamo ka' opojoongje i lipu' anu Ku bee'je hi aha. Aku madi'mo nontalima Yerusalem, kota' anu pinile'an-Kumo, ka' suele Laigan-Ku aiya susumo anu tinaeyakon-Kumo baumo tampat ponsomban Aku.”

2 TOMU-TOMUNDO' 24:3

Memang han aijo' tionyo ahi' jadi, kalana Tumpu nontaeakonmo tukoo-Nyo Yehuda o'alinmo madi'mo jojoong i lipu' anu binee'mo nu Tumpu hi aha. Aha o'alin kalana sinin na dosa' anu binaumo i Tomundo' Manasye;

2 TOMU-TOMUNDO' 25:21

i da'erah Hamat. I kiijo' mae aha sinakisamo ka' pinateanmo. Sumo aijo' na mian nu Yehuda haha aijo' binoa lengkat mae i lipu' nu aha namba i lipu' anu pinompojoongan aha.

2 TOMU-TOMUNDO' 3:3

Panyo susumo i tomundo' Yerobeam anak i Nebot anu nompalentahmo ma'isa pe'e kino ianyo, suele nonsaduakonmo mian nu Israel binaladosa'mo ka' madi' mongka'oho' belenti na mombau han aijo'.

NEHEMIA 9:32

O Tumpu Allah, Tumpu Allah mami anu mahoson hondo! Tumpu Allah anu daka' na kakuasa'annyo ka' opalias! Otoongi totu-totu'u nu Belento iwi-iwi' apaa na anu jinanji'mo nu Belento; iwi-iwi' na anu jinanji'Mo nu Belento ginanapanmo ka' binaumo nu Belento. Salatanmo pe'e to tomu-tomundo' nu aha Asyur nonsansalamo kami. Sampe uuka aiya nanjoo'mo hondo na kasansala'an anu ingoa'anmo mami. To tomu-tomundo' mami, imam, nabi tiba to tu'a-tu'anyo mami, ka' suele mompolee'mami ka' mule' aha mian da'isan nongoa'imo kasansala'an iwi-iwi'. Boli okolilimi na kasansala'an haha aijo'! Boli madi'mo o'inau' i uno nu pikilan nu Belento!

MAZMUR 51:13

Boli mongalin aku sahingga majo'onmo i ahop nu Belento, ka' boli mongala roh nu Belento anu susi', anu aiya hi belengku.

YESAYA 7:8

kalana Siria madi' lebe mahoson molingkudui Damsyik puso nu kota'nyo, ka' Damsyik madi' lebe mahoson molingkudui i Tomundo' Rezin. Sadangkan i uno nu tempo' anompulu' ka' olima' nataun, Israel nobagi-bagimo sahingga madi'mo noko ala tinotahan salaku sa'angu' na bansa.

YEREMIA 52:3

Tumpu notambuha'mo hondo hi aha mian anu jojoong i Yerusalem tiba aha mian nu Yehuda sahingga ilaa'-Nyomo na aha ka' madi'mo daagi' nonjagai aha. I Zedekia notomuhukmo hi Nebukadnezar tomundo' nu aha Babel,

YEREMIA 7:15

Belemiu saidi' mae Ku laa'mo da bolimo ko anu aiya i ahop-Ku susumo Aku nolaa'mo to utu-utus nu mompolee' nu belemiu mian nu Israel.”

HOSEA 12:3

Tumpu ko palakalamo hi aha bansa Yehuda; Ia suele mohukumo Israel kalana palabuatan nu aha. Ia mombalosakonmo palabuatan nu aha.

AMOS 5:27

De Aku momboamo belemiu mokiijo' i sa'angu' na lipu' anu lebe majo'on lengkat i Damsyik. Aku na Tumpu anu sanggonyo Tumpu Allah Anu Matangkas na Kuasanyo notataemo.”

MIKHA 1:5

Iwi-iwi' aijo' saidi' mae jadimo kalana aha mian nu Israel binaladosa'mo ka' saja'mo notomuhuk hi Tumpu. Ihe na nonsaduakonmo aha mian nu Israel sahingga binaladosa'mo? Temisa' Samaria ahi' puso nu kota' Yerusalem?

MIKHA 1:6

Mokonyo aijo' Tumpu notataemo, “Kupojadimo na Samaria timbali tambulan nu laigan anu i hansunmo kiijo' mae i padang ka' mule' timbalimo posu'anan anggur. Kota' anu i hansunmo aijo' Ku alinmo i bangka'nyo ka' mule' pundasinyo Ku kekeimo.

MIKHA 2:5

Kalana aijo' de tokamo na tempo'nyo saba' lipu' aijo' osule'akonmo ahi' hi mian anu palesayamo hi Tumpu, madi' ko samian pe'e na belemiu atina' mohumbahagiannyo.

PO'ULE' INGULIT 32:20

Ia notatae, ‘Aku madi'mo montulungi aha; pojohok Ku toaje pa' mosia na ka ahenannyo mae na aha. Kalana bansa aijo' talalo hondo panggaga ka' madi' hondo mohongo-hongo.

YOSUA 23:13

bala'ingati, kalana Tumpu Allah nu belemiu totu-totu'u madi'mo molaa' bansa haha aijo' de mompala'imo belemiu. Panyo ola ahi', ahamo na monsilakai belemiu, kalana aha timbalimo susumo so'o kabai bau pohakop belemiu. Ahamo na monsaduakon belemiu da sansala hondo; kalana aha timbalimo susumo bau pondoke i tundun miu kabai susumo hii' i uno nu mata miu. Belemiu saja'mo mongoa'i sansala sahingga maumo ola samian anu atina' hi belemiu madi'mo ko anu jojoong i lipu' anu ma'ima' aiya anu binee'mo nu Tumpu Allah nu belemiu hi belemiu.

TO MIA-MIAN KOPIAN 18:30

Patong nu pilogot anu binoa mae nu aha aijo' pinotinjomo nu aha i kota aijo' lantas nohangkatmo i Yonatan, anak i Gerson, makumpu i Musa na tinimbali imam nu aha. Tulunan i Gerson aijo' sabole-bolemo binau imam nu aha tulunan nu bansa Dan, sampe aha mian nu Israel binoamo ka' pinojoongmo i lipu' sangga'at.