2 TOMU-TOMUNDO' 17:21 - KITAB NU TUMPU ALLA LELE MA'IMAI'

²¹ Salatan Tumpu nongga'atmo Israel da bolimo mosa'angu' tiba Yehuda, mian nu Israel nohangkatmo I Yerobeam anak i Nabot da timbalimo tomundo' nu aha. Lantas i Yerobeam nompalentahmo aha bolimo o palesaya na Tumpu ka' mombaumo iwi-iwi' na dosa' anu toto daka-daka'.

2 TOMU-TOMUNDO' 17:21 ပူးပေါင်းရင်းမြစ်များ

KAJADIAN 20:9

Lapas aijo' i Abimelekh nolagamo i Abraham ka' nompokilawa, “Te apaa na anu binaumo nu belento hi kami? Apaa na kasala'anku hi beleyum, sahingga beleyum nomboamo mae balaa'aiya hi butongku ka' hi kalaja'anku? Madi' hondo pantas na beleyum mombau sumo aijo' hi belengku.

1 TOMU-TOMUNDO' 11:11

Tumpu notatae, “Kalana nu totonggolakon na molanggai palajanjian nu beleyum hi belengku ka' madi'mo montuluti palentah-ngKu iwi-iwi', jadi Ku alamo na kalaja'an nu beleyum ka' Ku bee'mo hi samian anu ko pangkatnyo anu mokalaja hi beleyum.

1 TOMU-TOMUNDO' 11:31

Lapas aijo' pinoto'inyomo hi Yerobeam, “Ala hi beleyum sampulu' na beaknnyo kalana Tumpu, Tumpu Allah nu aha Israel nompoto'imo sumo uuka hi beleyum, 'Ku alamo na kalaja'an aiya hi Salomo ka' Ku bee'mo hi beleyum na tulunan nu bansa anu sampulu' aijo'.

1 TOMU-TOMUNDO' 13:34

Kalakuannyo anu ma'idek aijo' na nonsaduakonmo lee'nyo nohumpak balaa' ka' sinilakamo iwi-iwi'.

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

1 TOMU-TOMUNDO' 14:8

Beleyum binee'an-kumo kalaja'an anu ingalang-Kumo hi lee' i Daud. Panyo beleyum madi'mo sumo posaihon-Ku i Daud. Ia tulu-tulutan hondo hi belengku ka' montuluti hondo palentah-ngKu. Apaa na anu Ku situjui aijo' na nu bau.

2 TOMU-TOMUNDO' 17:22

Aha nombatukimo kalakuan i Yerobeam ka' saja'mo mombau iwi-iwi' na dosa' anu binaunyomo.

2 TOMU-TOMUNDO' 3:3

Panyo susumo i tomundo' Yerobeam anak i Nebot anu nompalentahmo ma'isa pe'e kino ianyo, suele nonsaduakonmo mian nu Israel binaladosa'mo ka' madi' mongka'oho' belenti na mombau han aijo'.

2 TAWARIKH 11:11

Ia nompohosonmo kota' haha aijo' anu binauanmo benteng ka' nompojoongmo samian na kapala nu suludadu toto sa'angu' na kota' na mongkapalai gombuan nu suludadu. Toto sa'angu' an kota' aijo' tinoukannyomo nu kaanon, lanya' nu zaitun ka' anggur,

2 TAWARIKH 11:15

I Yerobeam nosi hangkatmo to ima-imam anu mokalaja i iwi-iwi' na tampat ponsomban pilogot ka' monsombahmo to tinu-tinumpu ka' patong sapi' anu pinosi baunyo.

MAZMUR 25:11

O Tumpu, ampuniakon mae na aku susumo anu jinanji'mo nu Belento, kalana dinaka'mo hondo na kasala'anku.

NOSABATMO 32:21

Ia notatae hi Harun, “Apaa na anu binaumo nu aha hi beleyum sahingga beleyum nompojohokmo aha nombau dosa' anu daka' hondo?”

YESAYA 7:17

Tumpu mompotokamo mae tomundo' nu aha Asur lantas beleyum ka' belemiu salaigan ka' mule' mian da'isan nu beleyum mongoa'imo sinaa anu talalo hondo manjoo' na kasusa'annyo ka' mule' sansala nulingkudui apaa na anu toho'mo ingoa'an salatanmo pe'e kalaja'an Israel ka' Yehuda nobagi-bagimo.

YOHANES 19:11

I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”

1 SAMUEL 2:17

Sumo aijo'mo na anak i Eli ua-ua aha aijo' binaladosa'mo hondo imata nu Tumpu, kalana aha madi'mo nongangga'i koloban anu sinombahkonmo hi Tumpu.

1 SAMUEL 2:24

Boli daagi mombau sumo aijo', belemiu anakku. Ma'idek hondo apaa na anu lewa' nu sisik nu mian anu pinalesayamo hi Tumpu mongkona belemiu!