2 TOMU-TOMUNDO' 17:19 - KITAB NU TUMPU ALLA LELE MA'IMAI'

¹⁹ To mia-mian nu Yehuda suele madi'mo nontuluti iwi-iwi' na atulan nu Tumpu, Tumpu Allah nu aha. Aha lewa'mo mombatuki kabiasa'an nu mian Israel,

2 TOMU-TOMUNDO' 17:19 ပူးပေါင်းရင်းမြစ်များ

2 TOMU-TOMUNDO' 16:3

Ia tinumuu'mo susumo to tomu-tomundo' nu Israel, pakalaus mule' ia nonsombahkonmo anaknyo momo'ane salaku koloban hi pilogot susumo anu saja'mo nu bau nu to mia-mian padahan bauon aijo' ma'idek, anu lewa' nu bau nu aha anu ia laa'mo nu Tumpu da madi'mo jojoong i lipu' Kana'an tempo'nyo mian nu Israel tinokamo i lipu' aijo'.

2 TOMU-TOMUNDO' 17:8

ka' lewa'mo montiho adat nu to bansa-bansa anu i laa'mo nu Tumpu tempo'nyo bansa Israel nambamo nompahampateakon bansa haha aijo'. Bansa Israel nontulutimo adat kabiasa'an anu pinotatapmo nu to tomu-tomundo' Israel.

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

2 TOMU-TOMUNDO' 21:14

Mian anu daagi' jojoong i kiijo' Ku pojohokmo da timbali kaanon nu to bansa-bansa anu kahanda' mongewa ia, anu mompatundu'mo aha, ka' mompahahuhuakonmo lipu' nu aha.

2 TOMU-TOMUNDO' 8:18

Ia no'osoa tiba anak i Ahab, ka' susumo apaa na anu lewa' nu bau nu aha sa'anakan mae i Ahab, ia binaladosa'mo hi Tumpu susumo to tomu-tomundo' nu Israel.

2 TOMU-TOMUNDO' 8:27

Kalana nongosoaimo aijo' sahingga i Ahazia notojulumo tiba i Tomundo' Ahab. I Ahazia binaladosa'mo hi Tumpu susumo anu binaumo i Ahab ka' aha salaigan.

2 TAWARIKH 17:4

panyo monsombah Tumpu Allah. Ia montuluti iwi-iwi palentah nu Tumpu Allah, ka' kantumuu'annyo madi' sumo to tomu-tomundo nu Israel.

2 TAWARIKH 21:11

Ka' mule' ia nombaumo to pia-piangkuka na tampat ponsomban pilogot i da'erah anu i bungkutnyo nu Yehuda ka' nonsaduakonmo mian da'isan nu Yehuda ka' nonsaduakonmo mian da'isan nu Yehuda Yerusalem binaladosa'mo hi Tumpu.

2 TAWARIKH 21:13

Panyo ola mule' ahi' belento Tomundo tumuu' susumo to tomu-tomundo nu Israel, ka' nonsaduakonmo mian da'isan nu aha Yehuda ka' Yerusalem madi'mo tinu-tulutan hi Tumpu Allah. Belento Tomundo nombaumo apa-apaa susumo i Tomundo Ahab ka' to aha-aha anu nombolosakonmo ia. Ka' mule' to utu-utus nu Belento Tomundo singkapmo pinatean iwi-iwi' nu Belento Tomundo, pada han aha na lebe ma'ima' molingkudui belento tomundo.

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

YEHEZKIEL 23:31

Beleyum nontihomo kalakuan nu utus tu'a nu beleyum, kalana aijo' beleyum Ku hukumo nu hukuman anu pokakana.”

AMOS 2:4

Tumpu notatae, “Mian nu Yehuda saja'mo nombau dosa' pa' pimpianmo, kalana aijo' Aku tionyo mohukumo aha. Aha madi'mo nombatuki to pale-palentah-ngKu ka madi'mo nohongo-hongo to aja-ajalan-Ku. Aha sinala'anmo nu to tomi-tominuat sangga'at anu nusombah nu mompolee' nu aha.