2 TOMU-TOMUNDO' 17:17 - KITAB NU TUMPU ALLA LELE MA'IMAI'

¹⁷ Aha nonsombahkonmo to ana-anak nu aha salaku koloban anu opotunu osombahkon hi pilogot. Aha mompake ilimu' anu madi' otoa ka' momoita da nupotiju' nu to sando-sando anu timbali potataean nu to tomi-tominuat. Aha mongka'ima'i hondo mombau hahan anu madi' nuka'ima'i nu kinyonyoa nu Tumpu,

2 TOMU-TOMUNDO' 17:17 ပူးပေါင်းရင်းမြစ်များ

1 TOMU-TOMUNDO' 14:15

Tumpu mohukumo Israel sahingga gayu'anmo susumo kau' anu totototon i uee. Nu sabatakonmo nu Tumpu na mian nu Israel ilipu' anu ma'ima' aiya anu binee'-Nyomo hi mompolee' nu aha. Nu ga'a ga'atakonmo na aha mamba i sasu Kaunyo nu Efrat, kalana aha nonsaduakonmo da ia notambuha' kalana aha lewa'mo nombau patong nu Asyera.

1 TOMU-TOMUNDO' 21:20

Salatan i Ahab nontoamo i Elia, ia notataemo, “Osampo bali', ahennyo beleyum nohumpakmo aku!” “Totu'u,” na koonyo i Elia. “Kalana Belento Tuan totu-totu'u ahi' na kinyonyoa nombau anu ma'idek hi mata nu Tumpu,

1 TOMU-TOMUNDO' 21:25

Madi' toho' ko mian anu totu-totu'umo na kinyonyoanyo mombau anu ma'idek i mata nu Tumpu susumo anu binaumo i Ahab. Iwi-iwi' na anu ma'idek aijo' bibinaunyomo aijo' pokinde' i Izebel bengkele'nyo.

2 TOMU-TOMUNDO' 16:3

Ia tinumuu'mo susumo to tomu-tomundo' nu Israel, pakalaus mule' ia nonsombahkonmo anaknyo momo'ane salaku koloban hi pilogot susumo anu saja'mo nu bau nu to mia-mian padahan bauon aijo' ma'idek, anu lewa' nu bau nu aha anu ia laa'mo nu Tumpu da madi'mo jojoong i lipu' Kana'an tempo'nyo mian nu Israel tinokamo i lipu' aijo'.

2 TOMU-TOMUNDO' 17:11

Aha mule' nompapuimo kamangian osombahkon hi pilogot aijo' hi iwi-iwi' na mezbah susumo anu saja' obau nu bansa-bansa anu i laa'mo nu Tumpu da bolimo jojoong i lipu' Kana'an. Aha nonsombahmo pilogot mau mule' Tumpu nontewa'mo. Batu-batu kalakuan nu aha anu madi' ma'ima' nonsaduakonmo Tumpu da pinusamo

2 TOMU-TOMUNDO' 17:31

mian nu Awa nombau patong Nibhas, ka' Tartak, ka' mian nu Safarwaim nonsombahkonmo to ana-anak nu aha salaku koloban anu opotunu osombahkon hi pilogot Adramelekh ka' hi Anamelekh.

2 TOMU-TOMUNDO' 21:6

Anaknyo sinombahkonnyomo salaku koloban anu pinotunu. I Manasye mule' lewa'mo binasando monggulu'i pangatahuan anu toto ide-idek, ilimu' anu madi' oto-toa, ka' lewa' montunde' tominuat. Ia binaladosa'mo hondo hi Tumpu sahingga ia notambuha'mo hondo.

2 TAWARIKH 28:3

ka' mompapui kamangian i bangka'nyo nu Himon. Ka' mule' posi anaknyo momo'ane sinombahkonnyomo binau koloban hi pilogot, susumo kabiasa'an anu ma'idek anu saja'mo nubau nu to mia-mian anu i laa'mo nu Tumpu da bolimo jojoong i lipu' Kana'an tempo'nyo mian nu Israel ninsoopmo i lipu' aijo'.

2 TAWARIKH 33:6

To ana-anaknyo sinombahkonnyomo salaku koloban anu opotunu i Bangka'nyo nu Hinom. Ia mule' binasandomo, da monsumbu' alati'nyo nu mandala' pangalahuan, ka' binalatapamo hi to roh-roh anu ma'idek. Ia binala dosa'mo hondo hi Tumpu, sahingga nonsaduakonmo da tinambuha'anmo nu Tumpu.

YESAYA 47:9

Panyo ola sasaingoni' i uno nu sansinaa, ohu-ohua' na han aijo' monsainjadi-jadimo hingga-hinggat. Maunyomo ahi' beleyum mompakemo ponsumbu'an tiba do'a-do'a, langkai' nu beleyum tiba anak nu beleyum ohahumbitakonmo ahi' hoso-hoson.

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YESAYA 8:19

Panyo aha to mia-mian mompokaumo belemiu da momoita pokinde' hi to sando-sando anu ola lewa' mo'oyong ka' maha kija-kijapan. Mian haha aijo motataemo, “Temisa' kita patut ahi'momoita pokinde' hi aha santuu' nu mian anu sinilakamo da bau kapentingan nu mian anu daagi' tutuu'?”

YEREMIA 19:5

Ahanombauimo Baal mezbah da bau ponsombahkonan to ana-anak nu aha salaku koloban anu opotunu, padahan Aku madi' ahi' toho' nompalentah aha mombau han anu sumo aijo', pakalaus madi' ahi' toho' sininsumbu' i uno nu pikilan-Ku na tanga'an anu sumo aijo'.

YEREMIA 25:7

Panyo Tumpu nontaloakonmo tukoo-Nyo belemiu madi' mohongo hongo Ia. Belemiu ola mule' ahi' mompaka bau da Ia motambuha', kalana pilogot nu belemiu haha atina'. Posi belemiumo na mohukum butong nu belemiu atina'.

YEREMIA 27:9

Boli mompotombihing aha to nabi-nabi kabai maumo ahi' pa' ihe na anu montewa belemiu tundu' hi tomundo' Babel, maumo ahi' aha mangaku nontalimamo pokinde' anu pino ipi mae, nu to roh-roh anu madi' otoa-toa, kabai kalana nompakemo kahosonan nu pangatahuan.

YEREMIA 7:31

Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.

YEHEZKIEL 16:21

Sahingga nompaka ala mule' to ana-anak-Ku ka' nongkolobanakonmo aha hi pilogot haha aijo?

YEHEZKIEL 20:26

Pinojohok-Kumo na aha nohumimi'imo butong nu aha sola-sola'mo nongkolobanakonmo anu posi kinolobanakonmo nu aha ka' mule' to ana-anak mo'ane nu aha anu tumpenyo kinolobanakonmo nu aha. Tiba jalan anu sumo aijo' na bau pohukum-Ku aha da nu sumbu' nu aha taalu' Akumo ahi' na Tumpu.

YEHEZKIEL 20:31

Ka' mule' sampe sinaa uuka aiya belemiu suele ahi' mohumimi'i butong nu belemiu momomboamo palasombahan ka' mompapuimo to ana-anak nu belemiu salaku koloban hi to pilo-pilogot. Lantas daagi' mule' ahi' na belemiu momoita mae pokinde' hi beleng-Ku? Atas sanggong-Ku, Tumpu anu tumuu', Tumpu Anu Matangkas na Kuasanyo, belemiu madi'mo Ku pobee' momoita mae pokinde' hi beleng-Ku.

YEHEZKIEL 23:37

Aha sola'mo nasala' ka' mule' sola'mo nompatei, aha nasala'mo tiba to pilo-pilogot ka' nompateimo to ana-anak-Ku anu ihampeakon nu aha. Anak haha aijo' sinombahkonmo nu aha hi to pilo-pilogot nu aha.

YEHEZKIEL 23:39

I sinaa pipinompateianmo nu aha to ana-anak-Ku ka' sinombahkonnyomo hi to pilo-pilogot, ua-ua'aha na anu moto utus aijo' tinokamo mae i Laigan-Ku ka' nohumimi'imo!

IMAMAT 18:21

Boli mombee' sala' samian na anak nu beleyum bau koloban ponsombah pilogot Molok, kalana palabuatan anu sumo aijo' mongambangimo sanggo nu Tumpu Allah, Tumpu nu belemiu.

IMAMAT 19:26

Boli mongkaan baso'. Boli mompake pangatahuan.

IMAMAT 19:31

Boli belemiu mamba mompoita pikilan hi to sandosando anu saja' montunde santu' nu mian anu sinilakamo. De obaumo nu belemiu na aijo' belemiu mahumimi'mo. Akumo na Tumpu Allah nu belemiu.

MIKHA 5:12

Ku hansunimo na to pato-patong nu belemiu ka' mule' iwi-iwi' na tugu anu o'anggap nu belemiu ko balakatnyo; Belemiu madi'mo monsombah to bala-balang anu oposi bau nu lima nu belemiu.

SISIKON NU TO RASUL-RASUL 16:16

Daagi' kino sansinaan tempo'nyo kami hau-haunyomo namba nokiijo' i tampat balado'an, kami nompahakabotmo tiba samian na boune; ia posaihon. Boune aijo' kinuasanmo nu roh ma'idek anu moko ala mongkila-kila apa-apaa na anu timbali saidi' mae. Kalana moko ala mongkila-kila sisi' nu mian, boune aijo' mombee'i ka'untungan anu daka' hi anu pongalapannyo tambo.

ROMA 7:14

Osumbu'to atulan nu agama Yahudi nolengkat mae i Roh nu Tumpu, panyo aku aiya mian ponga'! Aku pinobalukmo da timbali botuan nu dosa'.

GALATIA 5:26

Kita madi'mo timbali takabun, ka' mompaha saki-sakiti kinyonyoa, ka' mongka'ideki samian ka' samian.

PO'ULE' INGULIT 32:16

Aha nonsombahmo pilogot, sahingga Tumpu notambuha'mo, kalana aha nongka'ima'imo pilogot Ia notambuha'mo kalana aha nombaumo anu ma'idek aijo'.

PO'ULE' INGULIT 4:25

Ka' mule' de belemiu saidi' mae pinmo na jojoong i lipu' aijo' ka' ko makumpumo, boli baladosa' kalana mombaumo patung maumo pa' sumo apaa. Palabuatan anu sumo aijo' sa'angu' na han anu ma'idek hi mata nu Tumpu Allah nu belemiu ka' monsaduakon Ia da motambuha'.