2 TOMU-TOMUNDO' 17:16 - KITAB NU TUMPU ALLA LELE MA'IMAI'

¹⁶ Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

2 TOMU-TOMUNDO' 17:16 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 14:15

Tumpu mohukumo Israel sahingga gayu'anmo susumo kau' anu totototon i uee. Nu sabatakonmo nu Tumpu na mian nu Israel ilipu' anu ma'ima' aiya anu binee'-Nyomo hi mompolee' nu aha. Nu ga'a ga'atakonmo na aha mamba i sasu Kaunyo nu Efrat, kalana aha nonsaduakonmo da ia notambuha' kalana aha lewa'mo nombau patong nu Asyera.

1 TOMU-TOMUNDO' 14:23

Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

1 TOMU-TOMUNDO' 15:13

Kele'nyo i Maakha pinobelentinyomo i pangkatnyo da boli mo saja' Mombee'i sonto' bapilogot, kalana ia nombaumo patong nu pilogot Asyera anu masala', pilogot boune anu moko lumba' sosu'anon. I Asa nohobo'akonmo bapilogotan haha aijo' ka' pinapuaannyomo i Bangka'nyo nu Kidron.

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TOMU-TOMUNDO' 16:33

Binaunyo mule' patong pilogot Boune Asyera. Manjoo' hondo na dosa' anu binaunyomo molingkudui anu binau nu to tomu-tomundo' iwi-iwi' i Israel anu nompalentahmo ma'isa pe'e kino iannyo. Kalana aijo' ia nonsaduakonmo sahingga Tumpu notambuha'mo, Tumpu Allah anu tionyo ahi' osombah nu mian nu Israel.

1 TOMU-TOMUNDO' 22:53

Ia binaladosa'mo hi Tumpu, kalana nombatukimo apaa na anu binaumo nu tuumanyo tiba tinanyo ka' mule' apaa na anu binaumo i Tomundo' Yerobeam anu nonsaduakonmo mian nu Israel nombaumo dosa'.

2 TOMU-TOMUNDO' 1:2

Daagi' kino sansinaan i Tomundo' Ahazia anu nolengkat mae i Israel nanabu'mo aita' mae i salipi' nu laigan nu tomundo' anu kajo-kajojoongannyo kiijo' i Samaria, lantas ia binelaonmo talalo daka' hondo. Sahingga ia nonsaimo mian da'isan da mamba mompokilawa hi Baal-Zebub pilogot nu aha kota Ekron kiijo' i Filistin, pa' ia daagi' ma'alin kabai madi'mo.

2 TOMU-TOMUNDO' 11:18

Lapas aitu mian da'isan nontumbuhimo ka' nongideimo kuil nu Baal. Mezbah tiba patong haha aijo' ingideanmo nu aha ka' i Matan, imam Baal pinateanmo nu aha i ahop nu Mezbah haha aijo'. I Yoyada nompalentahmo suludadu anu monjaga da monjagai Laigan nu Tumpu,

2 TOMU-TOMUNDO' 16:3

Ia tinumuu'mo susumo to tomu-tomundo' nu Israel, pakalaus mule' ia nonsombahkonmo anaknyo momo'ane salaku koloban hi pilogot susumo anu saja'mo nu bau nu to mia-mian padahan bauon aijo' ma'idek, anu lewa' nu bau nu aha anu ia laa'mo nu Tumpu da madi'mo jojoong i lipu' Kana'an tempo'nyo mian nu Israel tinokamo i lipu' aijo'.

2 TOMU-TOMUNDO' 17:10

Aita' mae i to puge-puge'nyo ka' i patu nu kau' anu toto tambo-tambok na honnyo, aha lewa'mo nombau tugu ka' to patong-patong Pilogot boune Asyera.

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

2 TOMU-TOMUNDO' 21:3

Tampat anu lewa' ponsomban pilogot anu ingideanmo i Hizkia tuumanyo po'ule'mo binaunyo. Manjoo' na mezbah anu lewa' binaunyo bau ponsomban Baal, ka' nombaumo mule' patong Pilogot boune Asyera, susumo anu binaumo i Ahab tomundo' nu Israel. I Manasye mule' nonsombahmo to bina-binatang.

NOSABATMO 32:4

I Harun nongalamo anti-anting haha aij'o, lantas pinoki tutuknyomo ka' pinoki baunyomo sa'angu' na patung susumo sapi'. Bansa aijo' notatae, “O Israel, aiyamo na pilogoto anu nolaya'mo mae kita nosabat lengkat mae i Mesir!”

NOSABATMO 32:8

Aha nombaumo anu madi' pinalentahkon-Ku. Aha nombaumo patong sapi' mosoni' na tinutuk, lantas sinombahnyomo ka' nonsombahkonmo koloban hi ia. Koonyo nu aha aijo'mo na pilogot nu aha anu nomboamo mae aha nosabat lengkat mae i Mesir.

YESAYA 2:8

Iyaya mae ko bapilogotan, ka' mule' aha monsombah pato-patong anu nu posi bau nu aha.

YEREMIA 19:13

Ingko-ingkot na laigan i Yerusalem ka' mule' ingko-ingkot na laigan nu to tomu-tomundo' i Yehuda timbalimo nahumimi' susumo Tofet; kalana aita' mae ibawo nu laigan haha aijo' pinompapuianmo nu mian kamangian anu sinombahkon hi to pilo-pilogot nu bagian langit, ka' mule' nonsombahkonmo anggur hi to pilo-pilogot sangga'at.”

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

YEREMIA 8:2

misa' da oposihukmo ka' po ule'mo okubun panyo opojohokmo aijo' itano' susumo duhehe. Buku nu mian haha aijo' motanatamo nu pense' nu sinaa, bitu'on tiba to manda-mandala' anu nu anggapmo nu aha salaku pilogot, anu nu ka'ima'i nu aha, anu nu tuluti nu aha, anu nu sombah nu aha ka' anu pompoitan nu aha pokinde'.

YEHEZKIEL 23:8

Ia me saja' nasala' susumo anu sola'mo binaunyo i Mesir u'utu mae pipinontampu'unannyomo ia madi'mo pinarawan. Daagi' pe'e ise-ise' ia sola'mo sinampoduhus ka' sola'mo binau salaku mian anu saja' masala'.

IMAMAT 26:1

Tumpu notataemo, “Boli mombau Bapilogotan kabai mompotinjo patong kabai batu anu o ukin da osombah! Akumo na Tumpu Allah nu belemiu.

PO'ULE' INGULIT 16:21

De belemiu mombau mezbah nu Tumpu Allah nu belemiu, boli mompokonai patong kau' bau bapilogotan salaku bau pontandai Asyera i sambiha'nyo,

PO'ULE' INGULIT 4:19

Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.