2 TOMU-TOMUNDO' 17:13 - KITAB NU TUMPU ALLA LELE MA'IMAI'

¹³ Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

2 TOMU-TOMUNDO' 17:13 ပူးပေါင်းရင်းမြစ်များ

1 TOMU-TOMUNDO' 16:1

Sahingga notataemo na Tumpu hi Nabi Yehu anak i Hanani, tukoo-Nyo, “Potokakon na potuunon-Ku aiya hi Baesa,

2 TOMU-TOMUNDO' 17:23

Sahingga ahennyo mae madi'mo Tumpu nonginau' aha, panyo ahi' ingalin-Nyomo na aha da bolimo jojoong i tano' anu binee'Nyomo hi aha. Aijo' jinadimo susumo anu pinoto'imo nu Tumpu hi aha anu pinotokamo nu to posa-posaihon-Nyo ka' to nabi-nabi. Sumo aijo'mo na mian nu Israel anu binoa nokiijo' i pinongalinan i Asyur ka' i kiijo'mo na aha jinojoong sampe sina uuka aiya.

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

2 TOMU-TOMUNDO' 21:10

Kalana aijo' hi to nabi-nabi, hi to posa-posaihon nu Tumpu, Tumpu nompoto'imo,

1 TAWARIKH 29:29

Sisikon nu kantumuu'an i Tomundo' Daud, lengkat pe'e momonanyo sampe ia madi'mo nompalentah tinulismo i kitab Nabi Samuel, kitab Nabi Natan ka' kitab Nabi Gad.

AYUB 11:14

Alinimo na dosa' i uno nu kinyonyoa nu beleyum ka' alinmo jo'o-jo'on na kalakuan anu ma'idek anu itina' i laigan nu beleyum!

AYUB 36:10

Pinokaunyomo na aha da mompotombihing pokinde'-Nyo ka' mompala'imo kalakuan anu ma'idek na aha.

MAZMUR 50:7

“Potombihingakon mae, o mian anu palesayamo hi Beleng-Ku, Aku mongka'oho'mo motatae, O Israel, Aku mongka'oho'mo timbali sakisi mongkona belemiu; Aku aiya Tumpu, Tumpu nu belemiu.

YEREMIA 11:7

Tempo'nyo Aku nomboamo mompolee' nu aha nosabat lengkat i Mesir, pinokeman-Ku mo na nompokinde'i aha da montuluti Aku. Sampe sinaa uuka mule' Aku daagi' saja' mompokinde'i mian anu palesayamo hi beleng-Ku mongkona han aijo',

YEREMIA 18:11

Tumpu notataemo mae hi belengku, “Uuka aiya, poto'imo hi mian nu Yehuda tiba hi aha mian anu jojoong i Yerusalem taalu' Aku binatanga'mo da mongewamo aha, ka' nontoukaimo hukuman anu onabu'akonmo hi aha. Palentah na aha da bolimo mombau kabiasa'an nu aha anu baladosa' aijo' lantas mombabali'imo kalakuan nu aha tiba palabuatan nu aha.

YEREMIA 25:3

“Inguampulu' ka' totolu' na taun na kinopinnyo, salatanmo pe'e itaun kinosampulu'nyomo ka' totolu' na i Yosia nompalentah Yehuda anak momo'ane i Amon sampe tinoka isinaa aiya Tumpu notataemo mae hi belengku ka' madi' toho' madi' pinoto'ingku hi belemiu apaa na anu pinoto'i-Nyomo mae. Panyo madi' ahi' pinajulian nu belemiu.

YEREMIA 3:7

Aku monsangka de ia moko baumo iwi-iwi' aijo' tantu ia po ule'mo mae minsusule' hi beleng-Ku. Panyo ia madi'mo ahi' ninsusule' mae ola mule' ahi' nompaka lambamo nasala'. Mokonyo aijo' gina'atakon-Kumo ka' nolaa'mo ia. Yehuda utus i Israel anu madi'mo tinulu-tulutan aijo' nontoamo iwi-iwi' aijo'. Panyo ia madi' ahi' nabuhuk. Ia ola mule' ahi' suele nasala'mo,

YEREMIA 34:14

Pinoto'ing-Kumo da iwi-iwi' na botuan te aha mian nu Ibrani anu lewa'mo nontuluti apaa na anu pinokauhakon nu belemiu inganom na taun na kinopinnyo tionyo ahi' opobebasmo ikamingkotanmo nu taun anu kopopitu'nyomo. Panyo mompolee' nu belemiu madi' ahi' nompalahatikan kabai nohongo-hongo apaa na anu pinoto'ing-Kumo aijo'.

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEREMIA 42:19

Lantas aku motataeje mule', “Tumpu nompalentahmo da belemiu anu daagi' tinontuha' i Yehuda madi' mamba i Mesir. Kalana aijo' Ku bee'i pokinde' na belemiu uuka aiya,

YEHEZKIEL 18:31

Bolimo daagi' mombau iwi-iwi' na palabuatan ma'idek anu sola'mo binau nu belemiu, ka' sahanyo kinyonyoa tiba pikilan nu beleyum timbalimo ahi bu'ou. Kadaka' belemiu tionyo ahi' silaka?

YEHEZKIEL 3:19

De beleyum mompokinde'i ahi' mian anu ma'idek na palabuatannyo aijo' ka' ia madi' mongka'oho' montibahakon palabuatannyo ma'i-ma'idek aijo' ia silakamo susumo mian anu baladosa' panyo beleyum salamatmo.

DANIEL 9:10

Kami madi'mo nontapali potatae nu Belento, o, Tumpu mami salatan Belento nompalentahmo da kami tumuu' montuluti iwi-iwi na atulan anu binee'mo mae nu belento hi kami pipinoto'imo mae nu to nabi-nabi ka' mule' to posa-posaihon nu belento haha aijo'.

HOSEA 11:2

Panyo lebe Ku laga na anak-Ku aijo' lebe mule' ahi' majo'on na ia hi beleng-Ku. Ia momboa koloban ka' mompapui kamangian osombahkon hi Baal tiba hi pilogot sangga'at.

HOSEA 12:10

Panyo Aku, Tumpu nu belemiu anu nomboamo mae belemiu nosabat lengkat i Mesir po ule' mule' mompojoong belemiu i to kema-kemah susumo naipuan mae tempo'nyo Aku tinoka hi beleyum i padang anu mateges.

HOSEA 12:11

Aku notataemo hi to nabi-nabi, ka' nompotoamo manjoo' hondo na anu tinoa hi aha. Aku nompakemo aha da mompoto'i iwi-iwi' na tanga'an-Ku kona hi belemiu mian-Ku anu palesayamo,

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

PO'ULE' INGULIT 31:21

ka' manjoo'mo na balaa' anu okabuhuk montokaimo aha. Panyo nyanyian aiya saja' onyanyiakon ka' opake salaku bau pomponyata' hi aha. Ka' mule' uuka aiya ma'isa pe'e binoang-Ku namba i lipu' anu jinanji'-Kumo, pikilan nu aha sinumbu'-Kumo.”

PO'ULE' INGULIT 4:26

Langit ka' tano' na timbali sakisi sinaa aiya de maluannyo belemiu madi' tulu-tulutan hi belengku, belemiu malia-lia' sampa mate i tano' anu o jojoongi miu i santoa nu Kaunyo Yordan aijo'. Belemiu madi' pin na jojoong ikiijo', belemiu opateimo ingko-ingkot.

PO'ULE' INGULIT 8:19

Boli okolilimi na Tumpu Allah nu belemiu ka' boli palesaya hi to pilo-pilogot sangga'at ka' opuji' montuluti aha. Sinaa aiya aku mompotuka'mo belemiu kalana de belemiu mombau mule', belemiu tionyo ahi' nusilakaimo nu Tumpu.

YOSUA 23:16

De belemiu molanggai anu jinanji'mo ka' anu pinalentahkon-Nyomo hi belemiu, nu Tumpu Allah nu belemiu da otuluti, panyo belemiu mambamo monsombah to pilo-pilogot sangga'at ka' montulutimo pilogot haha aijo' nutambuha'imo nu Tumpu ka' mohukumo belemiu. I uno nu tempo' anu madi' pin belemiu iwi-iwi' mohopu'mo i lipu' anu ma'ima' aiya, anu binee'mo nu Tumpu hi belemiu.”

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.

TO MIA-MIAN KOPIAN 6:10

Pinoto'ing-Kumo hi belemiu tukoong-Ku Akumo na Tumpu Allah nu belemiu, ka' tukoong-Ku belemiu madi'mo timbali monsombah to pilo-pilogot nu bansa Amori anu jinojoonganmo miu na lipu' nu aha tempo' uuka aiya. Panyo belemiu madi'mo nohongo-hongo anu pinalentahkon-Kumo.’ ”

TO MIA-MIAN KOPIAN 6:8

Tumpu nonsaimo samian na nabi namba hi aha. Nabi aijo' notatae, “Sumo uuka na koonyo nu Tumpu, Tumpu Allah nu mian Israel: 'Belemiu i lapasakon-Kumo da madi'mo obotuani i Mesir.

1 SAMUEL 9:9

“Sumo itina'mo!” Na tinaaman i Saul, “Imbo' kita mambamo.” Lantas aha nambamo i kota kajojoongan nu posaihon nu Tumpu Allah aijo'. Salatan aha nindakomo i bungkutnyo anu mompanjolongimo kota' aijo', siningkabotmo na aha tiba to pia-piangkuka na langkoyang anu mambamo montauk uee i bubung. Lantas pinokilawamo nu aha hi langkoyang anu mamba montauk uee i bubung. Lantas pinokilawamo nu aha hi langkoyang haha aijo', “Pa' ko anu monsubmu' montahi'i kiijo' i kota?” (Tempo'nyo aijo' samian na nabi osanggohi anu monsumbu' montahi'i, jadi de ko samian mongkahanda'i mompokilawa apa-apaa hi Tumpu Allah, ia motatae sumo uuka, “Imbo' da kita mamba hi mian anu monsumbu' montahi'i.”)