2 TOMU-TOMUNDO' 16:7 - KITAB NU TUMPU ALLA LELE MA'IMAI'

⁷ I Ahas nonsaimo mian namba hi Tiglat-Pileser tomundo' nu Asyur, pinotuunyo sumo uuka, “Aku posaihon nu belento anu tulu-tulutan; kalana aijo' ku poita sabole-bole hondo toka mae potuu'akon na aku da boli nupatei i tomundo' Siria ka' i tomundo' nu Israel anu nontumbuhimo mae aku aiya.”

2 TOMU-TOMUNDO' 16:7 ပူးပေါင်းရင်းမြစ်များ

1 TOMU-TOMUNDO' 20:4

I Ahab nontaami, “Poto'i hi Tomundo' Benhadad, aku situjumo. Ia timbali mongala aku ka' iwi-iwi' apaa na anu daagi' hi belengku.”

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 TOMU-TOMUNDO' 18:7

Mokonyo' aijo' saja' Tumpu montulungi ia, sahingga apa-apaa na anu nu bau saja' mingkaliangan. Ia nongewamo i tomundo' Asyur, ka' madi' nongka'oho' tinulut hi ia.

1 TAWARIKH 5:26

Kalana aijo' Tumpu Allah nompotuka'mo hi kinyonyoa i Pul tomundo' nu aha Asyur, sahingga i lambanannyomo tinumbuhan na lipu' aijo'. I Pul suele salakumo i Tiglat-Pileser. Lantas aha tulunan nu bansa Ruben, Gad, tiba tulunan nu bansa Manasye anu i sasu kabete'an Kaunyo nu Yordan binoamo nu aha salaku anu i hakop ka' mambamo pinojoong nu aha i Halah, i Habor, i Hara, ka' sa'angu' na tampat koko Kaunyo Gozan. I Kiijo' mae aha tinataapmo na jinojoong sampe sinaa uuka aiya.

2 TAWARIKH 28:16

To mia-mian nu Edom nontumbuhi mule' Yehuda ka' nohakopmo mae manjoo' hondo na mian. Kalana aijo' i Tomundo Ahas nonsale'imo i Tiglat-Pileser, tomundo nu Asyur da monsai mae suludadu montulungi ia.

2 TAWARIKH 28:20

I Tomundo Asyur tinoka mae misa' da montulungi i Ahas, panyo ola mule' ahi' nomposusa' ia.

YESAYA 2:6

O, Tumpu Belento nompala'imo mian anu palesayamo hi Belento, lee' mae i Yakub! Kalana iyaya mae ilipu' aiya mian lewa'mo mompake pangatahuan anu nolengkat ame isasu kabete'an ka' anu nolengkat mae hi aha mian nu Filistin. Aha to mia-mian montulutimo adat nua aha mian anu lengkat mae isalipu'an.

YEREMIA 13:21

Daagi' apaa na anu otaloakon nu belemiu, de to mia-mian anu binaumo nu belemiu salaku sangalu nu belemiu, mompatundu'mo ka' mongkuasaimo belemiu? Memang belemiu mongoa'imo sakit susumo boune anu mohampeakon anak.

YEREMIA 17:5

Tumpu notatae, “De mian mompala'imo Aku, Tumpunyo, ka' montaha'imanimo manusia ka' mule' montaha'imanimo kahosonannyo, saba' Ku hukumo na ia.

MOHAANGI 4:17

Mata mami nontoamo, montanda'imo bantuan anu madi' ko katokaannyo. Kami montaha'imanimo pontulungi mae nu sa'angu' na bansa, anu sabenannyo madi' moko ala mombee'i apa-apaa.

YEHEZKIEL 16:28

Panyo beleyum ma'isa ahi' ma'osa; mokonyo aijo' sola'mo nu loloi' na aha mian nu Asyur. Beleyum tinimbalimo mian anu saja' masala' tiba aha, panyo madi' ahi' nu osai mae nu aha.

YEHEZKIEL 23:12

I Oholiba suele talalo ahi' mongka'ima'i aha to mia-mian nu Asyur haha aijo' aijo'mo to oli-olitau anu olitau hondo na butong nu aha, te to sulu-suludadu anu monsake'i ajahan, to mia-mian daka' ka' mule' anu toto tangka-tangkas na pangkat nu aha, ka' mule' suludadu anu mibaju' mae pokakana na buhitnyo momea' mingkamumu'.

YEHEZKIEL 23:5

Maumo ahi i Ohola tinimbalimo bengkele'-Ku panyo ia tataap ahi' saja' masala' ka' talalo ahi' saja' majota na labot molayani to sinta-sintanyo anu lengkat mae i Asyur.

HOSEA 14:3

Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

HOSEA 7:11

Israel naha lajanganmo mokiijo' ka' mo uuka mae sumomo tomonsi' malapati' anu ponga'. Momonanyo mian haha aijo' nomoitamo bantuan hi aha mian nu Mesir, lapas aijo' aha nalaimo namba i Asyur!