2 TOMU-TOMUNDO' 16:18 - KITAB NU TUMPU ALLA LELE MA'IMAI'

¹⁸ Lantas da bau pongala kinyonyoa nu tomundo' Asyur, binongkanmo i Ahas na salipi' nu tomundo' anu kiijo' i Laigan nu Tumpu, ka' tumban pinsoopan anu ola samata-mata i tomundo' na minsoop i kiijo' pinimpi'mo i Ahas.

2 TOMU-TOMUNDO' 16:18 ပူးပေါင်းရင်းမြစ်များ

1 TOMU-TOMUNDO' 10:5

mosia na ia mongatun anu ko pangkatnyo mokalaja i laigan nu tomundo' ka' mule' pibaju' nu aha anu pokakana na buhitnyo, ka' laigan kajojoongan nu aha. Ia nontoamo kaanon ka' anu o inum tinatuakon, mosia na to pangga-panggalima mokalaja i bau-bauon, ka' iwi-iwi' na koloban anu osombahkon i Salomo hi Laigan nu Tumpu. Tomundo' boune nu lipu' Syeba salatan nontoamo aijo' iwi-iwi', binangangmo ka' naha unda'anmo.

2 TOMU-TOMUNDO' 11:5

ka' nompalentahmo sumo uuka, “De belemiu opalentahmo mokalaja i Sinaa nu Sabat, belemiu obagi totolu' sambagian tionyo ahi' monjagai laigan nu tomundo'.

2 TOMU-TOMUNDO' 16:17

Lapas aijo' pinahabongkanmo i Ahas na kareta tambaga haha aijo' anu opake i Laigan nu Tumpu, ka' pinaha alanyomo na gumbang anu aijo' i kareta haha aijo'. Gumbang tambaga daka-daka' anu aita' i tundun nu sapi' sampu-sampulu' ka' ohua' aijo' ingalanyomo suele ka' pinaha pokokonyomo, i latasannyo nu batu.

2 TOMU-TOMUNDO' 16:19

Sisikon sangga'at mongkona i Tomundo' Ahas tinulismo i kitab Sisikon nu to tomu-tomundo' Yehuda.

1 TAWARIKH 9:18

Sampe sinaa aiya to mia-mian anu lengkat hi aha sa'anakan binee'an kalaja monjagai Sabatan Daka' nu Tomundo' sasu kabete'an. Naipuan mae mian haha aijo' aha sa'anakan binee'an kalaja monjagai sabatan daka' anu mokiijo' i sasu kemah nu aha mian Lewi.

YEHEZKIEL 44:3

Panyo pamalentah anu balakuasa timbali mokiijo' isabatan daka' aijo' da mongkaan kaanon anu susi' i ahop-Ku. Ia tionyo ahi' minsoop montulu dasanyo ka' mule' de minsusule'mo po ule' ahi' montulu jalan aijo'.”

YEHEZKIEL 46:2

Isinaa haha aijo' anu balakuasa tionyo ahi' minsoop mae montulu popasan anu isambiha'nyo montulu dasanyo lantas tuminjomo koko ohi' nu sabatan daka' hau-haunyo aijo' to ima-imam monsombahkonmo koloban anu opotunu tiba koloban paladamean anu binee' mae nu anu balakuasa. Isabatan daka' aijo' ia tolodadupumo ka' monsombah Tumpu, lantas mambamo. Lapas aitu sampe toka pihi sabatan daka' aijo' madi' timbali otumban.