2 TOMU-TOMUNDO' 15:20 - KITAB NU TUMPU ALLA LELE MA'IMAI'

²⁰ Anu binau i Menahem da mohumpak doi aijo', aijo'mo mompakisa toto samian na to mia-mian kaya i Israel da mombee'i limampulu' na doi salaka, kalana aijo' pinala'ianmo i Pul na lipu' aijo' ka' ia ninsusule'mo i lipu'nyo.

2 TOMU-TOMUNDO' 15:20 ပူးပေါင်းရင်းမြစ်များ

AYUB 1:3

Ka' mule' ia ko to posa-posaihon manjoo' hondo, 7.000 na domba, 3.000 na unta, 1.000 na sapi', ka' 500 na keledai. Osanggomo pe'e na mian aijo', ia mian anu kaya hondo anu jojoong i da'erah sasu kabete'an.

2 TOMU-TOMUNDO' 23:35

Pombayan hasin anu nupoita i tomundo' Mesir, i Tomundo' Yoyakim mongala hasin anu lengkat mae hi mian da'isan iya na anu nupoko ala nu humpak nu aha toto samian.

2 TOMU-TOMUNDO' 15:29

Tempo'nyo i Pekah nompalentah, i Tiglat-Pileser tomundo' nu aha Asyur nongalamo kota' Iyon, Abel-Bet-Makha, Yanoah, Kedes-Hazor, da'erah Gilead, Galilea tiba Naftali. Miannyo anu jojoong i kota' haha aijo' suele binoanyomo salaku mian anu i hakop binoa i Asyur.

2 SAMUEL 19:32

I Barzilai i langkai'mo hondo, umunnyo walumpulu'mo na taun. Ia kaya hondo ka' daagi tempo'nyo i tomundo' jinojoong i Mahanaim u'utu mae, i Barzilai na lewa' mompotoukai anu nu kaan i tomundo'.

I RUT 2:1

I Na'omi daagi' ko samian na mian poto'utusan mae nu langkai'nyo anu sini-sinilakamo i Elimelekh. Mian aijo' kaya ka' talasanggo. Sanggonyo i Boas.

2 TOMU-TOMUNDO' 15:19

Tempo'nyo i Pul tomundo' nu Asyur nontumbuhimo Israel, binee'anmo i Menahem na ia 34.000 kilogram na salaka da ia montulungi i Menahem da sabole-bole ia mompalentah Israel, ka' mongkuasai Israel.

2 TOMU-TOMUNDO' 15:21

Sisikon sangga'at mongkona i Tomundo' Menahem tinulis mo i kitab Sisikon nu to Tomu-tomundo' Israel.