2 TOMU-TOMUNDO' 15:13 - KITAB NU TUMPU ALLA LELE MA'IMAI'

¹³ I taun kotolumpulu'nyomo ka' osio' na i Tomundo' Uzia nompalentah Yehuda, i salum anak i Yabes tinimbalimo tomundo' nu Israel. Ia nompalentah Samaria ola sina'angu'na bitu'on,

2 TOMU-TOMUNDO' 15:13 ပူးပေါင်းရင်းမြစ်များ

1 TOMU-TOMUNDO' 16:15

I taun ko uampulu'nyomo ka' popitu' na i Tomundo' Asa nompalentah Yehuda i Zimri tinimbalimo Tomundo' nu Israel ka' nompalentahmo kiijo' i Tirza ola ingipitun na kopinnyo. Tempo'nyo aitu suludadu nu Israel nontumbuhimo Gibeton, kota' nu aha Filistin.

1 TOMU-TOMUNDO' 16:24

Panyo' lapas aijo' ia nongolimo sa'angu' na bungkutnyo olinyo 6.000 na doi salaka hi mian sanggonyo i Semer. Lantas ia nombaumo sa'angu' na kota' i bungkutnyo aijo'ka' sinanggohannyo Samaria, pinosanggonyomo hi Semer, tumpunyo u'utu mae nu bungkutnyo aijo'.

2 TOMU-TOMUNDO' 15:1

I taun ko uampulu'nyomo ka' popitu' na i Tomundo' Yerobeam ko II nyo nompalentah Israel. I Uzia anak i Amazia tinimbalimo tomundo' nu Yehuda.

2 TOMU-TOMUNDO' 15:8

I taun kotolumpulu'nyomo ka' ualu' na i Tomundo' Uzia nompalentah Yehuda, i Zakharia anak i Yerobeam ko II nyo tinimbalimo tomundo' nu Israel ka' nompalentahmo i Samaria anom na bitu'on na kinopinnyo.

AYUB 20:15

Halata' anu tinomangnyo ka' i lonyomnyomo madi' ka' madi' tantu nu lua'akonmo; Tumpu Allah na monsabatakon lengkat i uno nu kompongnyo.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

AMSAL 28:17

Samian na anu saja' mompatei mian, saja' nu oa'i ololoi' sampe ia silaka, madi' ko samian pe'e na moko ala montahan ia.

AMSAL 28:2

De bansa baladosa', pamalentahnyo mobolo-bolos de polaya'nyo pande, bansanyo tataap balatahan ka' tataap talasanggo.

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

HOSEA 10:3

Madi'mo daagi pin aha motataemo, “Kita madi'mo ko tomundo'nyo kalana kita madi'mo nabuhuk hi Tumpu. Apaa na gunanyo samian na tomundo' hi kita?”

HOSEA 8:4

Mian-Ku anu palesayamo mompile'i tomundo' madi' nu pokilawa pe'e mae nu aha hi beleng-Ku pa' Ku situjui. Aha mohangkat bau polaya' madi' pinaisale' pe'e mae hi beleng-Ku. Aha mongala mosoni' tiba salaka nu aha lantas nu baumo nu aha patong nu pilogot anu nonsaduakonmo aha ihansun.