2 TOMU-TOMUNDO' 13:7 - KITAB NU TUMPU ALLA LELE MA'IMAI'

⁷ To sulu-suludadu nu Israel i hopu'anmo nu tomundo' Siria sahingga me 50 na suludadu i Tomundo' Yoahas anu monsake'i ajahan 10 na kereta anu bau pahampate ka' 10.000 na suludadu.

2 TOMU-TOMUNDO' 13:7 ပူးပေါင်းရင်းမြစ်များ

2 SAMUEL 22:43

Aku lewa'mo tinutuk sumomo abu' anu nohimpuamo ka' sinapuankumo sumomo hensek i jalan.

1 TOMU-TOMUNDO' 20:15

Sahingga i tomundo' nontipaha'imo to sulu-suludadu anu daagi' to oli-olitau na monsagalui to kapa-kapala da'erah. Iwi-iwi' aha 232 na suludadu. Lapas aijo' binaunyo mule' sumo aijo' na suludadu nu Israel. Iwi-iwi' aha 7.000 na mian.

1 TOMU-TOMUNDO' 20:27

Mian nu Israel suele nomposadiamo suludadunyo ka' pinalentahmo nu aha. Lantas suludadu nu Israel haha aijo' nambamo binagi ohua' na gombuan nu suludadu ka' binakemahmo mompaha ahop tiba to mia-mian nu Siria haha aijo' De opokakanakon tiba suludadu nu Siria anu binagi-bagimo nonsongkohi da'erah aijo', paya' na gombuan nu Israel otoa la sumo ohua' na gombuan nu mee'.

2 TOMU-TOMUNDO' 10:32

Tempo'nyo aitu Tumpu nongga'aimo da'erah nu Israel, sahingga madi'mo dinaka'. I Hazael tomundo' nu Siria nongalamo iwi-iwi' na da'erah nu Israel,

2 TOMU-TOMUNDO' 13:8

Sisik sangga'at mongkona i Tomundo' Yoahas ka' iwi-iwi' na kauntungannyo nahampate kalana kabaaniannyo tinulismo i uno nu Kitab Sisikon nu Tomu-tomundo' nu Israel.

2 TOMU-TOMUNDO' 8:12

“Kadaka' belento Tuan i humangmo?” na koonyo i Hazael. “Kalana sinumbu'kumo na beleyum mombaumo kalakuan anu ma'idek hi mian nu Israel.” na koonyo i Elisa. “Beleyum mompapumo to kota-kota' nu aha anu ko bentengnyo, mompateimo mian anu ma'ima' toto oli-olitau, ka' montekok to bunga-bunga mea', ka' mombohak kompong nu to boboune anu hau-haunyo poboa.”

MAZMUR 18:42

Aha nolobo'mo momoita tulung, panyo madi' ko anu nontulungi aha nongkakasemo hi Tumpu, panyo Ia madi' nontaami mae.

YESAYA 36:8

Uuka aiya aku motatae mompake sanggo nu tomundo' Asyur, baani batalo de kota nu belemiu obee'i ohua' na madala na ajahan, tantu madi' komian anu sumo aijo' na konjoo'nyo da timbali monsake'i.

YESAYA 41:2

Ihe na nompotuka anu balakuasa lengkat mae i kabete'an ka' saja'mo nompo untung ia nahampate? Ihe na nontulungi ia sahingga nompatundu'mo bansa-bansa ka' mule' nohungku'imo to tomu-tomundo' tina aluk hi ia? Bajaknyo na nombau aha da nohintutu susumo abu', pana'nyo na nompotatabumo aha susumo hat pinuhakonmo nu mombun.

YOËL 3:14

No mada-madalamo na mian anu kiijo'mo i Bangka'nyo nu Pomputusian. Kalana ikiijo'mo mae na sinaa nu Tumpu malia'mo mae toka.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

AMOS 1:3

Tumpu notatae, “Mian anu jojoong i Damsyik saja'mo mombau dosa' kalana aijo', Aku totu-totu'u mohukumo aha. Aha nombaumo mian nu Gilead talalomo hondo masigo,

AMOS 4:10

Ku pakatuimo panyakit anu molele hi belemiu susumo anu pinakatung-Ku nokiijo' i Mesir. To oli-olitau ka' to lalangkoyang nu belemiu pinatean-Kumo i pahampatean, ka' to aja-ajahan nu belemiu ingagoanmo. Inguna'an-Ku mo na kemah nu belemiu – tiba to maya-mayat anu nabusikmo nonsongutmo suung. Maumo sumo aijo' belemiu madi' ahi' minsusule' mae hi beleng-Ku.

1 SAMUEL 13:15

Lapas aijo' i Samuel nompala'imo Gilgal ka' nambamo lau-laus i Gibea i daerah nu aha mian Benyamin. Tempo'nyo aijo' i Saul nambamo nontoa suludadunyo, konjoo'nyo kila-kila aha 600 na mian.