2 TOMU-TOMUNDO' 12:8 - KITAB NU TUMPU ALLA LELE MA'IMAI'

⁸ Imam haha aijo' sinitujumo da madi'mo molimu' doi hi mian da'isan ka' madi'mo mompangakui mongatun ima-ima' doi anu bau pompokopiani Laigan nu Tumpu.

2 TOMU-TOMUNDO' 12:8 ပူးပေါင်းရင်းမြစ်များ

2 TOMU-TOMUNDO' 12:7

Kalana aijo' i Yoas nolagamo i imam Yoyada ka' to ima-imam sangga'at ka' pinokilawanyo, “Kadaka' belemiu ma'isa nompokopiani Laigan nu Tumpu? Mulai sinaa aiya belemiu madi' mo ku pobee' mompouna' doi anu ohumpak nu belemiu hi mian. Iwi-iwi' tionyo ahi' obee'mo nu belemiu da opake mompokopiani Laigan nu Tumpu.”

2 TOMU-TOMUNDO' 12:9

Sahingga i Yoyada nongalamo sa'angu' na peti' ise-ise' ka' binolo'annyomo aita' i kolopnyo, lantas pinotimpasnyomo koko Mezbah sasu koanan nu sabatan pinsoopan i Laigan nu Tumpu. Iwi-iwi' na doi anu osombahkon i Laigan nu Tumpu opo'isi i peti' ise-ise' aijo', nu to ima-imam anu monjagai aijo' i sabatan pinsoopan.

2 TAWARIKH 24:8

Sahingga pinalentahmo i tomundo da mian nu Lewi mombau kas ise-ise' pongisian doi ka' opo'una' i ahop nu sabatan daka' i Laigan nu Tumpu.