2 TOMU-TOMUNDO' 12:4 - KITAB NU TUMPU ALLA LELE MA'IMAI'

⁴ Daagi' kino sansinaan i Yoas nolagamo to ima-imam ka' pinoto'inyomo na aha monguna' doi anu o humpak hi aha anu toka mae monsombahkon i Laigan nu Tumpu, mau doi pombayan anu pongulus koloban, kabai doi anu halala' na nu bee' mae nu aha.

2 TOMU-TOMUNDO' 12:4 ပူးပေါင်းရင်းမြစ်များ

1 TOMU-TOMUNDO' 3:2

Kalana ma'isa binau na laigan nu Tumpu tempo'nyo aitu mian da'isan daagi' monsombahkon koloban iayaya mae na tampat.

1 TOMU-TOMUNDO' 3:3

I Salomo mongkalibosi Tumpu ka' mombatuki iwi-iwi' na pokinde' nu tuumanyo panyo' ia daagi' mongkolot ka' monsombahkon binatang iyaya mae na tampat.

1 TOMU-TOMUNDO' 7:1

I Salomo nompotinjo mule' laigan nu tomundo' bau kajojoongannyo. Kinopinyo na nompotinjo laigan nu tomundo' aijo' sinampulu' ka' totolu' na taun.

2 TOMU-TOMUNDO' 12:18

Sahingga i Yoas nompakatumo doi da bau pontobus hi ia. Doi aijo' iwi-iwi' i humpaknyo hi anu osombahkon nu mian anu u'utu pe'e mae binee'mo i Yoas ka' i Yosafat. I Yoram ka' i Ahazia hi Tumpu, aijo'mo to tomu-tomundo' anu nompalentahmo ma'isa pe'e kino ianyo. Ka' suele iwi-iwi' na mosoni' i uno nu peti' ise-ise' anu kiijo' i Laigan nu Tumpu ka' i laigan nu tomundo'. Sahingga i Hazael madi'mo sinida na nontumbuhi Yerusalem.

2 TOMU-TOMUNDO' 12:5

Batu-batu imam tionyo ahi' mompangakui mongatun ima-ima' doi anu nu sombahkon nu to mia-mian anu nu atun akon nu aha na momboa mae palasombahan. Doi aijo' opake mompokopiani anu na'idekmo na apa-apaa i Laigan nu Tumpu.

2 TOMU-TOMUNDO' 14:4

Susumo tuumanyo ia madi' lewa' nohobo'akon tampat anu lewa' ponsomban pilogot, sahingga mian da'isan saja' ahi' monsombahkon koloban mompapu kamangian i kiijo'.

2 TOMU-TOMUNDO' 15:4

Panyo moko sala'nyo ia madi' nongidei iwi-iwi' na tampat anu lewa' ponsomban pilogot, sahingga mian da'isan saja' ahi' sabole-bole monsombahkon koloban ka' mompapui kamangian i tampat haha aijo'.

2 TOMU-TOMUNDO' 16:4

I Ahas nonsombahkonmo koloban ka' nompapuimo kamangian i tampat haha aijo' anu lewa' ponsomban pilogot i bungkutnyo ka' i patu nu kau' anu toto tambo-tambok na honnyo.

2 TOMU-TOMUNDO' 17:11

Aha mule' nompapuimo kamangian osombahkon hi pilogot aijo' hi iwi-iwi' na mezbah susumo anu saja' obau nu bansa-bansa anu i laa'mo nu Tumpu da bolimo jojoong i lipu' Kana'an. Aha nonsombahmo pilogot mau mule' Tumpu nontewa'mo. Batu-batu kalakuan nu aha anu madi' ma'ima' nonsaduakonmo Tumpu da pinusamo

1 TAWARIKH 18:11

Iwi-iwi' na palasen aijo' sinombahkon i Daud hi Tumpu da ogunakon de monsombahmo Tumpu. Susumo aitu suele na ia nombau pakakas mosoni' ka' salaka anu pinahuhuakonnyo mae hi Hadadezer ka' to bansa-bansa anu pinatundu'nyomo, aijo'mo bansa Edom, Moab, Amon, Filistin ka' Amalekh.

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

2 TAWARIKH 15:18

Iwi-iwi' na mosoni' ka' salaka ka' mule' balang sangga'at anu i humpak pinahuhuakon i pahampatean anu nu tuumanyo ka' mule' anunyo suele pino una'nyomo i Laigan nu Tumpu da baumo anu nu Tumpu.

2 TAWARIKH 31:12

lantas ingisimo nu aha iwi-iwi' apaa na anu binee'mo nu mian ka' sambahagian mule' na anu ingala, i sampulu' na bahagian, iwi-iwi' aijo' pino'isimo i gudang haha aijo'. Aha mian nu Lewi samian sanggonyo i Konanya, binee'an kalaja monjagai, ka' i Simei utusnyo ise' na suele i hangkat montulungi ia.

2 TAWARIKH 35:2

I Yosia nombagi-bagimo kalaja hi to ima-imam anu tionyo ahi' nukalaja nu aha i Laigan nu Tumpu, ka' pinoto'inyo da nukalaja nu aha ma'i-ma'ima'.

EZRA 1:6

Iwi-iwi' na Laigan anu mompaha ohani aha nontulungimo ka' nombee'mo pakakas susumo umpamanyo salaka tiba mosoni', ka' mule' anu bau mantu i jalan, binatang anu pomposake'an boaon, halata' sangga'at ka' apa-apaa na anu osombahkon i Laigan nu Tumpu.

EZRA 2:69

Aha nombee'mo bau pombantu i yayamo pa'sangkuka na anu pinoko ala nu aha toto samian sahingga anu i humpak 500 na kg, mosoni', 2.800 na kg, salaka, ka' 100 na baju' jubah anu bau baju' nu to ima-imam.

EZRA 7:16

Paka boa mule' na mosoni' iwi-iwi' ka' salaka anu ilimu' nu beleyum Utus hi songko-songko na Babel ka' iwi-iwi' na anu binee'mo nu bansa Israel tiba to ima-imamnyo, da bau kapentingan i Laigan nu Tumpu Allah nu aha kiijo' i Yerusalem.

NOSABATMO 35:22

Maumo pa' ihe na anu mongka'oho', mo'ane kabai boune na toka mae momboa samat, mainan, anti-anting, sinsing, olo' ka' iwi-iwi' na ngahan nu mainan mosoni' da osombahkon hi Tumpu.

NOSABATMO 35:29

Iwi-iwi' na aha mian nu Israel sanang hondo na kinyonyoa nu aha momboa anu osombahkon hi Tumpu bau kapalaluan nu pakalaja'an anu pinalentahkonmo nu Tumpu hi Musa da nubau nu aha.

NOSABATMO 35:5

Boa na anu osombahkon hi Tumpu. Ihe na ko indi, tionyo monsombahkon mosoni', salaka, ka' tambaga;

NOSABATMO 36:3

I Musa nombee'mo hi aha iwi-iwi' na anu i limu'mo nu aha mian Israel anu opake mokalaja mombau Kemah nu Tumpu. Panyo aha bansa Israel daagi' saja' sabole-bole momboa anu osombahkon hi Musa sansina-sinaa daagi' subu.

IMAMAT 27:31

De ko mian mongka'oho' montobus sambagian na hasinnyo aijo' ia tionyo ahi' mombayan olinyo anu tinantukanmo otuangi mule' uampulu' na palasen.

LUKAS 21:4

Kalana aha iwi-iwi' nombee' labinyo nu halata'nyo. Panyo balu aiya, mau mule' talalo kasiasi, nombee'mo iwi-iwi' anu daagi' hi ia, anu palalu bau kantumuu'annyo.”