2 TOMU-TOMUNDO' 12:2 - KITAB NU TUMPU ALLA LELE MA'IMAI'

² Balakat i Imam Yoyada lewa'mo nongajan i Yoas, sahingga i uno nu kantumuu'an i Yoas saja' momposanang kinyonyoa nu Tumpu.

2 TOMU-TOMUNDO' 12:2 ပူးပေါင်းရင်းမြစ်များ

2 TOMU-TOMUNDO' 12:1

I taun ko popitu'nyomo na i Yehu nompalentah Israel, i Yoas tinimbalimo tomundo' nu Yehuda. Ia nompalentah Yerusalem 40 taun na kinopinnyo. Tinanyo sanggonyo i Zibya mian nu kota' Bersyeba.

2 TOMU-TOMUNDO' 12:3

Me moko sala'nyo, tampat posomban pilogot madi' ingideannyo, sahingga mian da'isan daagi' saja' monsombahkon koloban ka' mompapu kamangian i kiijo'.

2 TOMU-TOMUNDO' 12:7

Kalana aijo' i Yoas nolagamo i imam Yoyada ka' to ima-imam sangga'at ka' pinokilawanyo, “Kadaka' belemiu ma'isa nompokopiani Laigan nu Tumpu? Mulai sinaa aiya belemiu madi' mo ku pobee' mompouna' doi anu ohumpak nu belemiu hi mian. Iwi-iwi' tionyo ahi' obee'mo nu belemiu da opake mompokopiani Laigan nu Tumpu.”

2 TOMU-TOMUNDO' 14:3

I Amazia nombaumo anu momposanang kinyonyoa nu Tumpu, panyo ia madi' sumo i Daud mompolee'nyo mae.

2 TAWARIKH 24:2

Tempo'nyo i Imam Yoyada daagi' tutuu', i Yoas daagi' saja' nombau anu momposanang kinyonyoa nu Tumpu.

2 TAWARIKH 25:2

I Amazia nombaumo anu momposanang kinyonyoa nu Tumpu, panyo madi' buke-buke' na kinyonyoanyo.

2 TAWARIKH 26:4

I Uzia sumo tuumanyo saja' mombau anu momposanang kinyonyoa nu Tumpu.